Frjáls verslun - 01.04.2005, Síða 84

84 F R J Á L S V E R S L U N • 4 . T B L . 2 0 0 5
SUMARIÐ ER TÍMINN
Aðgengi að hraðvirku netsambandi vegur þungt þegar fólk velur sér búsetu og jafnframt skiptir þessi
tækni máli ef fólk vill eignast sumar-
bústað í sveitasælunni. Frá árinu 2001
hefur eMax byggt upp kerfi fyrir þráðlaus
tölvufjarskipti með örbylgjusambandi.
„Örbylgjukerfin hafa þann kost að bjóða
upp á hreyfanleika notenda, ódýr borið
saman við fastlínukerfi og eini raunhæfi
möguleikinn í netvæðingu strjálbýlisins,“ segir Stefán Jóhannesson
framkvæmdastjóri eMax.
Þráðlaust í Árnessýslu og Borgarfirði Opin kerfi eru dreifingar-
aðili fyrir Cisco Linksys á Íslandi, stærsta og virtasta framleiðanda
netbúnaðar í heiminum. eMax er í samstarfi við Opin kerfi og selur
þennan búnað til sinna viðskiptavina. Viðskiptavinir eMax geta
tengst kerfi fyrirtækisins í allt að 25 km fjarlægð frá örbylgjusendi,
en ýmsum takmörkum er háð hvort samband næst því móttakari
þarf að vera í sjónlínu við sendibúnað.
Móttökubúnaður er til í miklu úrvali. Innbyggð lofnet í fartölvum
og lófatölvum duga þar sem útsendingarmerkið er sterkt, en annars
þarf öflugri búnað. Hraði eða burðargeta tenginga er mismunandi
eftir móttökuskilyrðum en eMax tryggir notendum sínum 512 kbps
og þá er hraðinn sá sami til beggja átta, að sögn Stefáns. Þráðlaust
samband um kerfi eMax er nú þegar til staðar í helstu sumarhúsa-
byggðum landsins, það er uppsveitum Árnessýslu og Borgarfirði
– og raunar víða annars staðar. Algengt upphafsgjald örbylgjusam-
bands er í kringum 17 þúsund kr. og mánaðaráskrift kostar um fimm
þúsund kr.
Fjósið er heitur reitur! „Margir kúabændur hafa þráðlaust netsam-
band úr íbúðarhúsi yfir í fjós þannig að þeir geti fylgst með og stýrt
mjólkurtölvunum úr fjarlægð,“ segir Andri Örn Víðisson ráðgjafi hjá
Opnum kerfum. „Linksys framleiðir líka myndavélar sem má tengja
við Netið, sem margir nýta til dæmis sem öryggismyndavélar fyrir
sumarhús sín. Þá er hægt að setja myndavélina á öryggisstillingu,
sem gefur SMS skilaboð eða tölvupóst með myndskeiði, ef hún
skynjar óeðlilegar hreyfingar.“
Þráðlausa tæknin er að verða stöðugari og hraðvirkari, segir
Andri Örn Víðisson. „Við munum sjá meira af jaðarbúnaði frá
birgjum eins og HP, sem hægt verður að tengja inn á þráðlausu
netin, sem verða sífellt hraðvirkari og áreiðanlegri auk þess sem
gagnaöryggi eykst. Fyrirtæki og stofnanir fara sífellt meira út í að
setja upp þráðlaus net. Einnig eru „heitir reitir“, svæði þar sem
þráðlaust netsamband er til staðar, sífellt algengari. Í framtíðinni
ættum við að geta tengst þráðlausu Neti víðast hvar á landinu líkt
og hægt er með GSM síma í dag.“
Örbylgjusamband
og þráðlaust net í
sveitunum. Beint
samband í sumar-
húsinu. Aukið
öryggi.
„Örbylgjukerfin bjóða upp á hreyfanleika,“ segir Stefán Jóhannesson
framkvæmdastjóri eMax.
Opin kerfi og eMax:
Netsamband
í sumarhúsið
„Ættum við að geta tengst þráðlausu Neti um mest allt land,“
segir Andri Örn Víðisson hjá Opnum kerfum.
C
M
Y
CM
MY
CY
CMY
K