Frjáls verslun - 01.04.2005, Blaðsíða 88

88 F R J Á L S V E R S L U N • 4 . T B L . 2 0 0 5
SUMARIÐ ER TÍMINN
Sérstaða fyrirtækisins er mjög öflugur starfsmannahópur sem hefur mikla reynslu og áreiðanleg og vönduð
vörumerki sem hvert um sig eru leiðandi
á sínu sviði hérlendis. Við erum lítil en
kná sem gefur okkur mikil sóknarfæri á
markaðnum,“ segir Sigrún Guðjónsdóttir,
forstjóri Tæknivals. Sex mánuðir eru frá
því hún tók við stjórn fyrirtækisins, sem er
bráðum þrjátíu ára og því eitt eitt hið elsta á sínu sviði hérlendis.
„Síðustu mánuðir hafa farið í umfangsmikla stefnumótunarvinnu
þar sem við höfum velt við öllum steinum og nálgast viðfangsefnin
með nýju hugarfari,“ segir Sigrún. „Grunnurinn til að byggja á var
mjög góður en nú er búið að styrkja stoðirnar enn frekar. Það er
búið gera fókusinn skýran og allir starfsmenn vita hvert við erum
að stefna. Við erum nú þegar á réttri leið og stefnum hátt. Með mark-
vissu starfi munum við ná þeim árangri sem við ætlum okkur.“

Áhersla á fyrirtækin Áherslur Tæknivals miðast í dag einkanlega
við fyrirtækjaþjónustu og taka allar áherslur í markaðsstarfi mið af
því. Tæknival starfrækir myndarlega verslun í Skeifunni í Reykjavík,
en sölustarf úti um land er unnið í samstarfi við fyrirtæki sem þar
eru fyrir á markaðnum. „Við eru ekki jafn fyrirferðarmikil í smá-
söluverslun og áður. Höfum engu að síður sterka stöðu á einstak-
lingsmarkaði enda með góð vörumerki eins og Fujitsu Siemens og
Xerox. Fujitsu Siemens tölvurnar eru einu tölvurnar á Íslandi sem
hafa umhverfismerkið Svaninn. Xerox býður einnig upp á umhverf-
isvæna prentara með vaxi sem má borða,“ segir Sigrún. Í dag eru
fartölvur orðnar um það bil helmingur allra tölva sem seljast – og
borðtölvur eru á undanhaldi.
Á fyrirtækjamarkaði hefur Tæknival að undanförnu sótt fram
með gagnageymslulausnum frá EMC en Tæknival er í samstarfi við
EMC um sölu og þjónustu gagnageymslu- og gagnameðhöndlunar
búnaðar frá þeim á Íslandi og eitt af 60 fyrirtækjum í heiminum og
einir á Íslandi sem mega bjóða upp á 1. og 2. stigs þjónustu í kringum
EMC lausnir í samstarfi við þjónustuver EMC. Erlendar rannsóknir
sýna að þörf fyrirtækja fyrir gagnageymslupláss eykst um allt að 80
til 100% á ári hverju. Að þessar upplýsingar séu aðgengilegar skipir
miklu máli en ekki síður að gögn sem ekki er þörf á lengur síist frá
eins og nútímahugbúnaður býður upp á.
„En hvort sem í hlut eiga einstaklingar eða fyrirtæki þá er öryggi
sú krafa sem tölvunotendur setja á oddinn í dag. Regluleg afritun
gagna er þýðingarmikil og eins varnir gegn hvers konar innbrotum í
tölvur og tölvukerfi.“
Ferskleiki og heildarlausnir Atorkusemi og ferskleiki eru aðals-
merki Tæknivals og var kappkostað að skapa þessa ímynd í nýjum
auglýsingum fyrirtækisins sem fóru í loftið í apríl sl. Þær voru unnar
af auglýsingastofunni Fabrikunni og kveðst Sigrún afar ánægð með
hvernig til tókst við gerð þeirra.
„Einn starfsmaðurinn hér, sem er þó hógvær að upplagi, sagði að
þessar auglýsingar hefðu verið svo góðar að þegar hann sá þær hefði
beinlínis sett að sér hroll,“ segir Sigrún og hlær. „Við höfum líka lagt
áherslu á að vera sýnileg úti á við og hluti af því er að vera meira
áberandi í umfjöllun fjölmiðla, sem sumir hverjir hafa mestan áhuga
á að þessu fyrirtæki stýri ung kona. Sjálf velti ég minni eigin persónu
hins vegar lítið fyrir mér í þessu sambandi. Legg áherslu á að bjóða
viðskiptavinum okkar upp á heildarlausnir: góða þjónustu og vörur
sem allir geta verið ánægðir með.“
„Góð þjónusta og vörur sem allir geta verið ánægðir með,“ segir
Sigrún Guðjónsdóttir, forstjóri Tæknivals.
Hágæðavörur og
heildarlausnir.
Fyrirtækjamark-
aður er áherslan.
Tæknival sækir
fram.
Tæknival:
Atorkusemi
og sóknarfæri