Frjáls verslun - 01.04.2005, Page 99

F R J Á L S V E R S L U N • 4 . T B L . 2 0 0 5 99
KVIKMYNDIR
Batman í 66 ár
Batman, eða Leðurblökumaðurinn, eins og óþjál íslensk þýðing
myndi vera, er ein vinsælasta teiknimyndasería sem framleidd
hefur verið og hún á sér langa sögu í teiknimyndablöðum, kvik-
myndum og sjónvarpi. Hér fara á eftir minnisverðustu tíðindi í
66 ára sögu Batmans:
1939 Teiknararnir Bob Kane og
Bill Finger skapa Batman og
sést hann fyrst á prenti í sög-
unni The Case of the Chemical
Syndicate í maíblaði Detective
Comics.
1943 Kvikmyndaserían Batman
er sýnd í bíósölum frá 16. júlí til
22. október. Lewis Wilson leikur
Batman og Douglas Croft leikur
Robin.
1949 Önnur kvikmyndaserían um
Batman, sem nú heitir Batman
og Robin, er sýnd í Bandaríkj-
unum 26. maí til 1. september.
Nú eru það Robert Lowry sem
leikur Batman og Johnny Duncan
leikur Robin.
1966 Batman The Movie er sýnd
um mitt ár. Þótti hún takast
mjög vel. Í hlutverki Batmans var
Adam West og Burt Ward lék
Robin. Um leið og upptökum var
lokið á kvikmyndinni var farið að
framleiða sjónvarpsþætti með
sömu leikurum í aðalhlutverki.
Náðu þeir einnig miklum vin-
sældum og voru framleiddir 118
þættir sem sýndir voru á næstu
árum.
1988 Warner kvikmyndafyrir-
tækið tilkynnir að þeir ætli sér
stóra hluti með Batman og til-
kynnir í leiðinni að Tim Burton
muni leikstýra fyrstu kvikmynd-
inni og Michael Keaton muni
leika Batman og Jack Nicholson
erkióvininn, The Joker. Það sem
vekur athygli er að Robin hefur
verið skrifaður út úr handritinu.
1989 Batman er frumsýnd og
slær aðsóknarmet. Batman æði
grípur um sig og strax er farið að
huga að framhaldsmynd.
1992 Batman Returns er frum-
sýnd og enn er það Michael
Keaton, sem leikur Batman og
engin Robin er enn til staðar.
Tim Burton er aftur við stjórnvöl-
inn og Michelle Pfeiffer er í hlut-
verki Kattarkonunnar (2004 var
gerð sérmynd um Kattarkonuna
með Halle Berry í titilhlutverkinu
og vakti sú mynd litla hrifningu)
og Danny DeVito í hlutverki Mör-
gæsarinnar. Myndin olli nokkrum
vonbrigðum þegar miðað var
við væntingarnar, en náði góðri
aðsókn.
1992 Teiknimyndaserían Batman
er frumsýnd í sjónvarpinu og
gengur hún í þrjú ár. Kevin Con-
roy talar fyrir Batman og Lorin
Lester fyrir Robin.
1995 Batman Returns er frum-
sýnd í júní og nær miklum vin-
sældum, mun meiri en Batman
Returns. Búið er skipta um í
brúnni og Val Kilmer er kominn
í hlutverk Batman. Robin er
kominn til sögunnar og í hlut-
verki hans er Chris O’Donnell. Í
hlutverkum vondu kallanna eru
Tommy Lee Jones og Jim Carrey.
Í leikstjórastólinn er sestur Joel
Schumacher.
1997 Joel Schumacher leikstýrir
einnig Batman and Robin og enn
er skipt um leikara í hlutverki
Batmans. George Clooney klæð-
ist svörtu skikkjunni og Chris
O’Donnell er aftur í hlutverki
Robins. Arnold Schwarzenegger
er fenginn til að leika herra
Frosta og Uma Thurman, Eitr-
aða Ivy. Myndin þykir með ein-
dæmum vitlaus og veldur öllum
vonbrigðum.
2005 Eftir miklar bollaleggingar,
áætlanir og ákvarðanir sem ekki
stóðust, er loks frumsýnd fimmta
Batmanmyndin, Batman Begins.
Margir leikarar voru orðaðir við
titilhlutverkið, meðal annars Kurt
Russell, Brendan Fraser, Aaron
Eckhard, Ben Affleck og Josh
Hartnett, en eftir að breski leik-
stjórinn Christopher Nolan var
fenginn til að leikstýra og skrifa
handritið valdi hann landa sinn
Christian Bale í hlutverk Bat-
mans. Kvikmyndataka hófst á
Íslandi í september í fyrra.
BRESKI KVIKMYNDAIÐNAÐURINN:
Konur fá lægri laun en karlar
Konur hafa lengi kvartað yfir því að þær fái ekki sömu laun og karlar fyrir
sömu störf. Breski kvikmyndaiðnaðurinn lét gera könnun á launum karla
og kvenna þar í landi og kom berlega í ljós að karlar eru betur launaðir
þrátt fyrir að konur séu yfirleitt betur menntaðar í fræðunum. Tekin voru
tvö launaþrep. Í efra þrepinu þar sem miðað var við 50.000 pund í árslaun
voru konur 16% en karlar 30%. Í lægri flokknum þar sem miðað var við
20.000 pund í árslaun voru 35% konur og 18% karlmenn. Þegar farið var að
skoða hverjir höfðu menntun og hverjir ekki í kvikmyndafræðum kom í
ljós að 60% af konunum voru með nám að baki en aðeins 39% karlanna.
Skýringin á þessu er að hluta til að finna í störfum kynjanna. Fáar konur
unnu við tækni- og iðnaðarstörf, voru meira í að hanna búninga, snyrtingu
og hárgreiðslu. Auk spurninga um laun var spurt um margt fleira. Það
koma meðal annars í ljós að karlar sem starfa í breska kvikmyndaiðnað-
inum eru mun líklegri til að giftast og eignast börn heldur en konur.