Frjáls verslun - 01.04.2005, Blaðsíða 104

104 F R J Á L S V E R S L U N • 4 . T B L . 2 0 0 5
FÓLK
Starf mitt er að stýra fjármálasviði FL Group og í því felst meðal annars að hafa yfirumsjón með fjármálum sam-
stæðunnar í heild og þar með talin stefnu-
mörkun í sínum víðasta skilningi. Síðustu
árin hefur verið unnið markvisst að því að
koma á miðstýringu í fjármálaumsýslu félags-
ins. Það hefur t.d. verið gert með rekstri innri
banka, og „cash pooling“ til að hafa lausafjár-
stýringu á einum stað. Enn eru tækifæri til
hagræðingar á mörgum sviðum sem tengjast
fjármálum samstæðunnar og er markmiðið
að koma upp enn öflugra fjármálasviði hjá
FL Group til að sinna því verkefni vel.
Að auki kemur fjármálasviðið að öllum
fjárfestingum innan FL Group samstæð-
unnar og ber ábyrgð á fjármögnun og rekstri
á fjárfestingastarfseminni. Með auknum
umsvifum er afar mikilvægt að haldið sé
vel utan um fjármál og fjárreiður samstæð-
unnar, við höfum unnið að því og munum
tryggja að svo verði áfram.“
Sveinbjörn segir fátt hafa komið sér á
óvart í nýju starfi: „Ég kom mjög náið að fjár-
málum samstæðunnar í fyrra starfi mínu og
þekkti því vel flest það
sem fjármálasviðið var að sýsla við.
Það er afar mikil áskorun fyrir mig að
taka við starfi framkvæmdastjóra fjármála-
sviðs hjá fyrirtæki eins og FL Group, en
einnig felast í því mikil tækifæri. Starfsemin
er umfangsmikil og fjölbreytt, og þar felast
mikil tækifæri til að nýta sér mismunandi
leiðir og afurðir sem fjármálamarkaðurinn
býður upp á til að ná sem hagkvæmustum
lausnum hverju sinni.“
Áður en Sveinbjörn tók við núverandi
starfi var hann forstöðumaður áhættustýr-
ingardeildar hjá Icelandair. „Ég tók við því
starfi vorið 2000 og vann þá alla tíð náið með
forvera mínum, Halldóri Vilhjálmssyni, sem
núna stýrir nýjasta dótturfélagi FL Group,
IceLease, og kom ég að mörgum þeim verk-
efnum sem hann var að sinna. Ég byrjaði hjá
Icelandair í september árið 1999 og hafði
þá áður starfað við markaðsviðskipti hjá
Fjárfestingabanka atvinnulífsins (FBA) frá
júní 1998.“
Sveinbjörn útskrifaðist sem stúdent af
eðlisfræðibraut Menntaskólans á Akureyri.
Hann lauk BA námi í hagfræði, með áherslu
á fjármál, frá Háskóla Íslands vorið 1998.
Eiginkona hans er
Elfa Ágústsdóttir sem
starfar hjá tölvufyrir-
tækinu Sensa ehf.
Og eiga þau tvo syni,
Ágúst Heiðar, 5 ára, og
Kristján Friðrik, 3 ára.
Áhugamálin hjá
Sveinbirni hafa til
þessa að mestu verið
vinnan og fjölskyldan:
„Vinnan hefur verið
mjög krefjandi og tíma-
frek og að auki á ég
unga stráka og ég hef stefnt að því að nýta
sem flestar stundir til að taka þátt í þeirra
uppvexti. Ég hef verið það lánssamur að
hafa haft yfirmenn sem veita mér sveigjan-
leika í starfi til að geta sinnt fjölskyldunni,
en á móti hafa kvöldin oftar en ekki farið í
vinnuna. Útivera er sífellt að verða stærri
hluti í lífi fjölskyldunnar og ég met það mik-
ils að komast reglulega með strákana mína
í sveitina.
Sumarfríið er enn óráðið þar sem verk-
efni tengd nýja starfinu eru afar mörg fram-
undan og einnig er erfitt að taka frá tíma
á meðan við erum að koma fjármálasvið-
inu í fastari skorður. Það er samt ljóst að
fjölskyldan mun nýta hvert tækifæri til að
komast í stuttar ferðir innanlands. Síðan er
stefnan að komast í frí erlendis í 1-2 vikur
til að flatmaga í sólinni og busla í sjónum,
en tímasetningin og áfangastaðurinn er enn
óráðinn. Ég hef þó ekki áhyggjur af því að
vera ekki búinn að ákveða áfangastaðinn
því Úrval Útsýn býður upp á marga mjög
spennandi áfangastaði í sumar.“
Sveinbjörn Indriðason: „Enn eru tækifæri til hagræðingar á mörgum
sviðum sem tengjast fjármálum samstæðunnar.“
Nafn: Sveinbjörn Indriðason.
Fæddur: 14. mars 1972.
Foreldrar: Indriði Albertsson og Helga
Sveinbjörnsdóttir.
Maki: Elfa Ágústsdóttir.
Börn: Ágúst Heiðar, 5 ára,
og Kristján Friðrik, 3 ára.
Menntun: Útskrifaðist sem stúdent
af eðlisfræðibraut Menntaskólans á
Akureyri. Lauk BA-námi í hagfræði,
með áherslu á fjármál, frá Háskóla
Íslands vorið 1998.
TEXTI: HILMAR KARLSSON
MYND: GEIR ÓLAFSSON
framkvæmdastjóri
fjármálasviðs FL Group
Sveinbjörn Indriðason