Ægir - 01.09.2004, Side 22

22
N O R Ð AU S T U R H O R N I Ð
Tangi hf. var stofnaður árið
1965 og fagnar því fjörutíu ára
afmæli á næsta ári. Í tímans rás
hefur starfsemi fyrirtækisins tekið
töluverðum breytingum. Í dag
gerir fyrirtækið út tvö skip, ann-
ars vegar uppsjávarveiðiskipið
Sunnuberg og hins vegar togskip-
ið Bretting. Tangi rekur uppsjáv-
arvinnslu í landi, frystir loðnu og
hrogn auk þess að reka vel útbúna
bræðslu. Þá rekur fyrirtækið bol-
fiskvinnslu, sem leggur áherslu á
vinnslu á svokölluðum flugfiski.
Hér á árum áður rak Tangi
meðal annars saltfiskvinnslu og
einnig síldarsöltun. „En allt er
breytingum háð og menn verða
að haga seglum eftir vindi í
rekstrinum og nýta þau tækifæri
sem upp koma á hverjum tíma,“
segir Vilhjálmur.
Útgerðin
Brettingi NS-50, sem var smíðað-
ur í Japan árið 1973 fyrir Tanga,
var breytt í frystiskip árið 1988 í
Póllandi og gerður alfarið út á
frystingu allt fram á síðasta ár
þegar skipinu var að hluta til
beint á ísfiskveiðar. „Brettingur
hefur tvær lestar og þess vegna
gengur vel að láta skipið veiða ís-
fisk og frysta jafnframt. Það land-
ar hér á hverjum mánudegi þeim
skammti af bolfiski - þorski, ýsu
og ufsa - sem dugar fyrir alla vik-
una. Í upphafi hverrar veiðiferðar
veiðir skipið fyrst og fremst karfa
og grálúðu og frystir, en síðustu
tvo til þrjá sólarhringa í hverjum
túr veiðir skipið bolfiskskammt-
inn fyrir ferskfiskvinnsluna.
Þetta fyrirkomulag hefur kom-
ið bærilega vel út, en hinu er ekki
að leyna að bæði karfa- og grá-
lúðuveiðin hefur dregist töluvert
saman og því er frystingin ekki
eins arðbær og hún var.“
Þrátt fyrir að Brettingur sé orð-
inn um þriggja áratuga gamall
segir Vilhjálmur að hann sé í
toppstandi og engin ástæða sé til
að ætla annað en að hann muni
þjóna fyrirtækinu vel áfram.
Sunnuberg NS-70 er uppsjávar-
veiðiskip Tanga hf. Vilhjálmur
segir að bróðurpartur verkefna
Sunnubergsins hafi verið færður
yfir til Svans RE-45 samkvæmt
samningi sem gerður var við út-
gerð Svans. Samningurinn fól í
sér að uppsjávarveiðikvóti Sunnu-
Tel að við séum
á réttri leið
- segir Vilhjálmur Vilhjálmsson, framkvæmdastjóri Tanga hf.
Tangi hf. er sannarlega burðarfyrirtæki í atvinnulífinu á Vopnafirði.
Fyrirtækið er það stærsta á staðnum og veitir flestum atvinnu. Eðlilega
er Tangi því oft undir smásjá Vopnfirðinga. Vilhjálmur Vilhjálmsson,
framkvæmdastjóri Tanga, segist vel vita af þessu. „Ég lít á það sem mitt
hlutverk að reyna að gera sem best úr því sem við höfum í þessu fé-
lagi,“ svarar Vilhjálmur þegar hann er spurður hvort hann finni til
mikillar ábyrgðar að stýra stærsta atvinnufyrirtæki Vopnfirðinga.
Vilhjálmur, framkvæmda-
stjóri, og Einar Víglundsson,
vinnslustjóri, ræða málin.