Ægir - 01.09.2004, Page 33

33
F R É T T I R
Í ályktun aðalfundar Landssam-
bands smábátaeigenda um miðjan
október eru m.a. ítrekaðar fyrri
áskoranir sambandsins um að
„hrint verði í framkvæmd öflug-
um rannsóknum á umhverfis-
áhrifum veiðarfæra. „Tómlætið
gagnvart þessum rannsóknum
gerir stöðu okkar sýnu verri með-
an engin kortlagning er til af Ís-
landsmiðum þar sem þeim er
skipt með tilliti til umhverfisá-
hrifa veiðarfæra. Meðan rann-
sóknir sýna ekki fram á annað er
það sannfæring LS að forsenda
aukinna þorskveiða á Íslandsmið-
um sé að draga stórlega úr notk-
un snurvoðar til bolfiskveiða og
banna togveiðar á fiski innan 12
mílna landhelginnar.“
Í ályktun fundarins er vitnað til
þess að á austurströnd Bandaríkj-
anna sé ein af vinsælustu veit-
ingahúsakeðjum að „stíga fyrstu
skrefin í átt til samstarfs við Sam-
tök krókaveiðimanna á norðaust-
urströnd Bandaríkjanna um hrá-
efnisöflun. Fyrirtækið hyggst
með þeim hætti tengja sjálfbæra
veiðiaðferð og meðvitaða neyt-
endur um umhverfismál. LS telur
einsýnt að þessi hugsun muni
einkenna markaðs- og neytenda-
vitund í komandi framtíð og því
fyrr sem Íslendingar gera hana að
sinni, því meir mun þjóðin hagn-
ast.“
Þá er einnig harmað í ályktun
aðalfundar LS „hvernig stjórnvöld
stóðu að afnámi sóknardagakerfis-
ins. Loforð um samráð og sam-
vinnu innan þess ramma sem að-
alfundir undanfarinna ára hafa
ályktað stóðust ekki og furðuleg-
ar fullyrðingar um að frá engum
yrði tekið við kvótasetningu
þeirra hafa vitaskuld reynst al-
rangar.“
Lynghálsi 4 - 110 Reykjavík
Sími: 588 8881 - Fax: 588 8944
Heimasíða: simnet.is/jonbergsson - E-mail: jonbergsonehf@simnet.is
Leiðrétting
Í umfjöllun um Guðmund Run-
ólfsson hf. í Grundarfirði í síðasta
blaði slæddist inn meinleg villa
sem skylt er að biðjast velvirðing-
ar á. Sagt var á einum stað að
Guðmundur Runólfsson, stofn-
andi fyrirtækisins, væri allur, en
því fer víðs fjarri. Guðmundur er
við hestaheilsu og býr í sínum
heimabæ í Grundarfirði. Hlutað-
eigandi og lesendur blaðsins eru
beðnir velvirðingar á þessari
meinlegu villu.
Aðalfundur Landssamband smábátaeigenda:
Ítrekar áskorun um rannsóknir á
umhverfisáhrifum veiðarfæra
Frá smábátahöfninni í Hrísey.