Tímarit Máls og menningar - 01.12.1959, Page 30

TIMARIT MALS OG MENNINGAR
. . . Hér var þér ákvarðað líf
líkami þinn aðlagaður tilbrigðum loftsins
og hver árstíð var þér samvaxin
hver dagstund hafði jafna hrynjandi og verund þín.
— Nú mátt þú leita: leitandi þefvís og blindur.
Hvaða samanburður
— í tíma og rúmi —
er gildur og gagnlegur
þeim sem hvorki er ókunnugur
né þaulkunnugur?
Munuin við ganga í rökkurglætu
framhjá skuggum húsanna?
hvorki bjarminn bakvið húsin
né hin nákvæmnislitla gola sem skríður um götuna
né hljóðbært litleysi og nöpur gestrisni umhverfisins
ekkert af þessu
en allt þetta
er ósambærilegt við hvað sem er
og var útmáð og gleymt.
Miðlungi þróað þjóðfélag — hálfbyggt land
jafnvel þau orð eru ekki að öllu leyti sönn.
Sárindin cru sönn samúðin er sönn
skyldleikinn við hina fjarlægustu
og hina minnst virtu
er sannur.