Tímarit Máls og menningar - 01.12.1959, Qupperneq 33

HENDUR OG ORÐ : XIV
Hvílíkur hamingjudagur rís í þjáningum:
þúsundir radda og milljónir hljóma saman
yfirgnæfandi alræðisrödd hálfvelgjunnar
og siðferðisholhljóm siðlausra.
Þetta höfum við séð gerast
-— þegar hinir velinnrættu höfðu sannað
að framvegis mundi allt standa kyrrt —
og víst munum við enn líta slíka atburði
þegar flókin hugtök verða ájireifanleg sem járn
og mjúk hönd kúgarans er kúgarahönd —
já: sú hönd var alltaf einhverjum ljúf
og svikarar þörfnuðust löngum mestrar vorkunnar
en sá dagur kom þó um síðir
að ekki var unnt að sýna þeim linkind.
4
Corrumpe et impera
„Fyrrum var sagt: þú skalt sundra og drottna síðan —
en vér höfum nýtt og ljúfmannlegra boðorð.
Vort boðorð er stórfenglegt
einfalt og snjallt
og tært eins og sjálft dagsljósið.
Drottnun er ekki samræmanleg vorum hugsjónum:
undirokaðar þjóðir
eiga sér öruggan samastað
í hjarta voru.
Vér berum friðarorð sundruðum
og vér flytjum huggun fátækum.
223