Tímarit Máls og menningar - 01.12.1959, Qupperneq 35

HENDUR OG ORÐ : XIV
Vér sem nú tölum erum hinir alefldu krossfarar gegn spillingunni
vér erum að sjálfsögðu persónugervingar siðferðisins.
*
Hér birtist frumleiki vor og djúpsæi
hér klýfur snilli vor björgin
innsýn vor lýsir yfir höfin.
Sjálfgerðir fjötrar
eru traustastir fjötra.
Þegar vér leggjum ástfólgna vini vora í fjötra
setjum vér vanalega að skilyrði
að þeir hafi sjálfir grátbænt oss um þá
oss sýnist að sá einn háttur sé oss sæmandi
og þeim samboðinn.
Vér þurfum ekki að beita afli voru
vér sýnum ekki hnefann
(nema í ýtrustu undantekningum
og á þeim stöðum
þar sem hnefaafl vort helgast af sögulegum rétti):
þér skuluð koma skríðandi þér skuluð koma grátandi
og biðja oss að varðveita yður fyrir sjálfum yður.
Slíkur er töfrakraftur vors einfalda boðorðs
aldrei hafði fyrirrennurum vorum
lærzt jafn-vel og oss
að hálsinn sem sjálfkrafa laut undir okið
var tryggilegast beygður.
TÍMARIT MÁLS OC MENNINCAR
225
15