Tímarit Máls og menningar - 01.12.1959, Side 37

HENDUR OG ORÐ : XIV
frá velsiðuðum og góðhjörtuðum vinum sínum
— tölum ekki um hina hálfsiðuðu og hjartalausu —
í hálfan dag í hálfan annan dag.
Síðan mundi sú samúð temjast með skjótum hætti
með hverri mínútu tæki hún á sig nýja ásjónu:
Þeir sem aldrei sýndu nema hina niðurlútu forsjá
munu nú segja: kapp er bezt með forsjá.
Þeir sem öll menning sýndist óþrif og ósómi
munu ásaka okkur um tilræði við menninguna.
Þeir sem aldrei gáfu orðum sínum annað gildi en kauphallargildi
munu í heilagleika hneykslast vegna rofinna eiða.
Þeir sem haldið hafa hundrað milljónum undir svipu sinni
munu bregða okkur um heimsveldissókn.
Og ef við dirfðumst sjálfir að dæma böðla okkar og níðinga
munu böðlar alls heimsins loksins finna mannúðina
hrína sér í holu brjósti.
Skyldi þá fara svo að okkur yrði engin samúð veitt
eða stæði okkur ef til vill til boða
samúð hinna illa siðuðu?
Hinna þroskalausu?
Hinna ábyrgðarlausu?
Hinna guðlausu?
227