Tímarit Máls og menningar - 01.12.1959, Qupperneq 39

HENDUR OG ORÐ : XIV
Sæbrattar eyjar
hamrakringdar hafnir
laðandi strendur.
Og rétt í sömu svifum og okkur verður ljóst
að enginn samanburður er fulltryggur
sjáum við jafnframt að allir jreir staðir
voru bundnir á eina festi
dýrmæt djásn á einni festi
sömu skilmálum seld
handleikin af hinum sama svíðingi
))ó sumsstaðar væri gullið slegið bjarma blóðs
og silfrið sumsstaðar lýst af birtu tára
en tár
og blóð
hefði sumsstaðar Jærrazt í ryki glitrandi málma.
*
Og hvaða skip hefur legið fyrir akkerum undan hafnarkjaftinum
milli fjalls og fjalls í svölu ljósi miðs morguns
í draumi mínum eða endurminningu?
Og draumur minn er skip sem á jmsundir rasta ófarnar
og gleðin sem fæðist í brjósti mínu Jiegar J)að leggur af stað
er engu lík nema sársaukanum sem vaknar þegar það nálgast höfn.
Og ég veit ekki lengur hvort það far er hið bjarta gleðiskip
eða hinn svarti dreki sorgarinnar
sem liggur við traustar festar á kyrrum morgunsæ
ó kyrrum morgunsæ í draumi mínum.
229