Frjáls verslun - 01.10.2007, Side 37

F R J Á L S V E R S L U N • 1 0 . T B L . 2 0 0 7 37
Iceland Review og Visir.is, sem starfað hefur fyrir Björgólfsfeðga
af stakri prýði hin síðari ár. Vakti það athygli á sínum tíma þegar
Ásgeir náði kjöri á Alþingi að hann gaf sæti sitt eftir til þess að
geta sinnt áfram störfum sínum fyrir þá. Vert er að geta þess að
Eyrún Magnúsdóttir, fyrrverandi fréttamaður í Kastljósi, réð
sig nýlega til starfa hjá Ásgeiri og veitir víst ekki
af í ljósi þeirra miklu umsvifa sem Björgólfur
Guðmundsson og Björgólfur Thor Björgólfsson
hafa með höndum.
Annar og ekki síðri þungavigtarmaður
í þessum flokki er Eggert Skúlason, fyrrum
fréttastjóri hjá Stöð 2, sem sér nú um margvísleg
kynningarstörf og ímyndarmál fyrir Magnús
Þorsteinsson, stjórnarformann Eimskips, sem
og knattspyrnukappann Eið Smára Guðjohnsen.
Þess má geta að Sindri Sindrason,
umsjónarmaður Markaðarins á Stöð 2, var til
skamms tíma almannatengill fyrir Jón Ásgeir
Jóhannesson.
Hjá hinu opinbera (ráðuneyti, stofnanir og sveitarfélög)
Nokkrir þekktir fjölmiðlamenn hafa í áranna rás ráðið sig til
starfa hjá ríki og sveitarfélögum. Hvað þekktastir þeirra eru
efalítið Steingrímur Sævarr Ólafsson, núverandi fréttastjóri
Stöðvar 2, og Pétur Gunnarsson (Mbl.), sem uppnefndir hafa
verið spunameistarar Framsóknarflokksins, en þeir störfuðu fyrir
Halldór Ásgrímsson í tíð hans í forsætisráðuneytinu. Aðrir í
opinbera geiranum eru t.d. Jóhannes Tómasson (Mbl.) sem
sér um kynningarmál fyrir samgönguráðuneytið, G. Pétur
Matthíasson (RÚV) sem vinnur hjá Vegagerðinni og Þór Jónsson
sem er forstöðumaður almannatengsla hjá
Kópavogsbæ. Er það e.t.v. tímanna tákn að
Þór skuli vera kominn í hóp almannatengla því
á meðan hann sat í stjórn Blaðamannafélags
Íslands var hann alfarið þeirrar skoðunar að
„sjoppuliðið“, sem sinnti almannatengslum
og kynningarstörfum, ætti enga samleið með
félaginu. Það er leitun að mönnum sem eru
samkvæmari sjálfum sér en Þór Jónsson og það
kom því engum á óvart að hans fyrsta verk var
að segja sig úr BÍ þegar hann sá fram á að breyta
um starfsvettvang.
Loks má geta þess að Brynhildur Ólafsdóttir,
fréttamaður á Stöð 2, er núna starfsmaður Saga
Capital og annast kynningarmál fyrir hönd
fyrirtækisins.
Látum við hér með lokið umfjöllun og upptalningu á helstu
almannatenglum Íslands. Vafalítið vantar einhver nöfn á listann og
ekki er ólíklegt að einhverjir hafi bæst í hópinn síðan þessi grein
var skrifuð.
ú r b l a ð a m e n n s k u í a l m a n n a t e n g s l
„Á síðustu mánuðum
og misserum hefur
enn hert á þessari
þróun og því er
eðlilegt að spurt sé
hvort ástæðan sé
vaxandi atgervisflótti
í blaða- og
fréttamannastétt.“
Páll Benediktsson,
Ólafur Teitur Guðnason,
Davíð Logi Sigurðsson,
Eva Magnúsdóttir,
Pétur Gunnarsson,
Jóhannes Tómasson,
G. Pétur Matthíasson,
Þór Jónsson,
Brynhildur Ólafsdóttir,
Snorri Már Skúlason.