Frjáls verslun - 01.10.2007, Blaðsíða 49
F R J Á L S V E R S L U N • 1 0 . T B L . 2 0 0 7 49
með okkur inn í fyrirtækið og síðan þá hefur gengið mjög vel að
fjármagna reksturinn.“
Sú grein sem ORF Líftækni starfar í nefnist sameindaræktun og
segir Björn að á annan tug fyrirtækja í heiminum öllum vinni á þessu
sviði.
„Við erum með stærsta sameindaræktunarfyrirtækið í Evrópu og
sennilega á meðal fimm til tíu stærstu fyrirtækjanna þegar allt er
talið. Ef hins vegar er litið á fjölda próteina þá erum við langstærstir.
Flest fyrirtæki eru ekki með nema 10 til 15 prótein en við erum með
tæplega 100.“
Einstök lyf geta selst fyrir milljarða dollara á ári
Sem fyrr segir stendur ORF Líftækni nú á tímamótum og Björn
segir að hvað varðar hin sérvirku prótein, vaxtarþættina, séu það þrír
markaðir sem horft sé til.
„Í fyrsta lagi er það rannsóknamarkaðurinn sem við erum að fara
inn á. Síðan höfum við áhuga á að fara inn á annan vaxandi markað
en það er snyrtivörumarkaðurinn. Þá á ég fyrst og fremst við snyrti-
eða húðvörur sem innihalda virk efni, sem komið hafa í ljós við
læknisrannsóknir, og geta t.d. dregið úr öldrun húðarinnar og lagfært
skemmdir á húðinni sem orðið hafa vegna útfjólublárrar geislunar
sólarinnar. Þetta er ört vaxandi markaður sem við munum skoða
mjög vel.
Loks má nefna þriðja kostinn en það er að fara með einhverja
af vaxtarþáttunum inn í lyfjaþróun. Við erum búnir að stíga fyrsta
skrefið á þeirri leið með samstarfssamningnum við Sinopharm. Þetta
er miklu flóknara, dýrara og erfiðara ferli en það að komast inn á
rannsókna- og snyrtivörumarkaðinn, en um leið getur ávinningurinn
orðið margfalt meiri ef vel tekst til.“
Björn segir ennfremur að ORF Líftækni sé með ákveðna vaxtarþætti
í huga hvað varðar samstarfið við kínverska fyrirtækið. Samkomulagið
gangi út á að farið sé með þessa vaxtarþætti, eða hin virku efni, í
gegnum lyfjaþróun í Kína. Kínverska fyrirtækið muni hafa umsjón
með því starfi, finna aðila til að sjá um lyfjaþróunina og sjá um sölu
og markaðssetningu á lyfjunum á innanlandsmarkaði. ORF Líftækni
muni hins vegar eignast þau lyf sem lyfjaþróunin muni hugsanlega
skila og geti því í framtíðinni hvort tveggja, selt lyfin á markaði í Kína
eða hvar sem er í heiminum.
„Val okkar var það að eignast lyfin. Áhætta okkar er fyrir vikið
miklu meiri en ella. En þetta er áhættuiðnaður og mat okkar var
einfaldlega það að við ættum að stíga skrefið til fulls og hafa þar með
alla þræði málsins á eigin hendi. Við lítum á þetta verkefni sem mjög
mikilvægan prófstein fyrir okkur og okkar vöru, hvort hún standist
þær kröfur sem gerðar eru í lyfjaiðnaðnum.
Það er mikið í húfi því ég held að ég fari rétt með það að markaðurinn
fyrir vaxtarþætti sé í dag að velta yfir milljarð dollara á ári. Á þessum
markaði eru m.a. svokölluð „blockbuster“ lyf, það eru lyf sem slegið
hafa í gegn á markaði og náð milljarða dollara sölu. Próteinlyf eru
gríðarlega dýr og það er oft sagt að hár framleiðslukostnaður hamli
notkun þeirra. Það er a.m.k. farið mjög spart með þau.
Kosturinn við okkar framleiðsluferli er hins vegar sá að kostnaðurinn
er mun lægri en í öðrum kerfum. Þá er það ótvíræður kostur að
svokölluð uppskölun í framleiðslu er mjög auðveld í okkar kerfi.
Ef það vantar meira þá ræktum við einfaldlega meira. Við höfum
einnig aðgang að ódýrri orku og við nýtum þann kost við rekstur
gróðurhússins í Grindavík.
Einnig hefur kosti að stunda starfsemina hér á landi því að ýmiss
konar sjúkdómar og pestir, sem herja á korn og annan gróður, eru
o r f l í f t æ k n i
„Fyrir tveimur árum fengum við
svo nýja og mjög sterka fjárfesta
með okkur inn í fyrirtækið og
síðan þá hefur gengið mjög vel
að fjármagna reksturinn.“