Frjáls verslun - 01.10.2007, Blaðsíða 68

68 F R J Á L S V E R S L U N • 1 0 . T B L . 2 0 0 7
ÞAU REKA BLEND-VERSLANIR Á ÍSLANDI OG Í DANMÖRKU:
Hilmar Binder og
Laufey Stefánsdóttir
reka BLEND-
verslanir í tveimur
löndum – Íslandi
og Danmörku.
Hjónin Hilmar Binder og Laufey Stefánsdóttir reka þrjár
BLEND-verslanir á Íslandi og tvær í Danmörku. Þau voru
fyrsta fólkið sem opnaði slíka verslun en nú eru um 150
BLEND-verslanir í 12 löndum. Verslanirnar á Íslandi eru á
lista yfir fimm best reknu BLEND-verslanir í heiminum.
Á TOPP-FIMM
LISTANUM
tEXti: sVaVa JÓnsDÓTTir • myndir: geir ÓLaFsson
H
ilmar Binder og Laufey Stefánsdóttir hafa staðið í
innflutningi og sölu á fatnaði í tæp 15 ár eða síðan þau
fjárfestu í fyrstu verslun sinni í Kringlunni í byrjun árs
1993.
Fyrir þann tíma rak Hilmar og átti tölvuleikjaverslanir
ásamt eigendum Tæknivals.
Laufey hafði um árabil unnið í versluninni Sautján og haft
brennandi áhuga á verslun með fatnað þegar hugmyndin um að
demba sér í rekstur tískuverslunar kom fyrst upp hjá þeim hjónum.
Hjónin hófu rekstur heildsölu fljótlega eftir að þau fóru út í
verslunarrekstur. Hilmar sá aðallega um heildsöluna en Laufey um
verslunina.
„Þetta byrjaði smátt,“ segir Hilmar en hjónin keyptu mikið af
flíkum í London og París fyrir verslunina auk þess sem þau keyptu
með aðrar verslanir í huga. „Ég fyllti bílinn reglulega af alls kyns
hlutum, keyrði í kringum landið og seldi.
Við fengum fljótlega umboð fyrir Lee Cooper gallabuxur og þá
byrjaði gallabuxnasalan hjá okkur. Á tímabili hafði heildsalan um
12-15 vörumerki héðan og þaðan, svo sem frá London, París, Ítalíu
og Spáni.“
Í dag er heildverslunin, Móðins, rekin að hluta til fyrir BLEND-
verslanir hjónanna hér á landi auk þess sem þau selja BLEND-fatnað
og skó í um 30 aðrar verslanir víðs vegar um landið.
Ævintýrið hófst fyrir alvöru árið 1998 þegar Hilmar var staddur
á vörusýningu í Köln í Þýskalandi. „Ég hafði ekkert að gera síðasta
daginn sem var sunnudagur og var á rölti um sýningarsvæðið þegar ég
hitti við einn sýningarbásinn forstjóra BLEND sem stofnaði fyrirtækið
fyrir 12 árum sem framleiðslu- og heildsölufyrirtæki. Eftir að hafa
heilsað manninum og kynnt honum hvaðan ég væri var nánast eins
og hann hefði tekið einhliða ákvörðun um að eiga við mig viðskipti.
Þetta var örlagarík stund fyrir mig því að fljótlega tókust með okkur
samningar um dreifingu og markaðssetningu BLEND á Íslandi.“
Þegar Hilmar hitti hann við básinn í Köln störfuðu átta manns
hjá fyrirtækinu. Í dag er BLEND í eigu stórfyrirtækisins BTX Group
sem er annað stærsta fyrirtækið í fatageiranum í Danmörku og
eru starfsmenn í höfuðstöðvum BLEND um 250. Um 35-40% af
v e r s l u n a r r e k s t u r