Frjáls verslun - 01.10.2007, Blaðsíða 72

Lífsstíll
72 F R J Á L S V E R S L U N • 1 0 . T B L . 2 0 0 7
kvikmyndir:
hiLmar karLsson
og Match Point leit dagsins ljós,
sannarlega góður fengur fyrir
aðdáendur meistarans. Héldu nú
flestir að Allen væri aftur búinn
að finna fjölina sína, en eitthvað
skrikaði honum fótur í næstu
mynd sinni, Scoop. Og þrátt
fyrir að Scarlett væri aftur til
staðar þótti sú kvikmynd mun
síðri en Match Point. Kannski
var stærstu mistök Allens að
hann setti sig eina ferðina enn í
stórt hlutverk, sem hann gerði
ekki í Match Point.
Breskir stórleikarar
Cassandra’s Dream er þriðja
kvikmyndin sem Woody
Allen gerir í London og á hún
það sameiginlegt með Match
Point að um léttleikandi
sakamálamynd er að ræða og að
Allen leikur ekki í henni. Allen
hefur aldrei átt í vandræðum
með að fá þá leikara sem eru
efstir á óskalistanum hjá honum
og tveir af stærstu leikurum Breta
í dag, Colin Farrell og Ewan
McGregor tóku vel í áskorun
hans um að leika tvo bræður
sem komnir eru út á ystu nöf.
Allen hvílir Scarlett Johansson
að þessu sinni og velur unga, lítt
þekkta breska leikkonu, Hayley
Atwell, til að leika á móti Farrell
og McGregor. Atwell útskrifaðist
frá Guildhall School of Music
and Drama 2005 og fékk
hér óskabyrjun á ferli sínum.
Í kjölfarið var hún ráðin til að
leika á móti Keira Knightley og
Ralph Fiennes í The Duchess sem
frumsýnd verður á næsta ári.
Woody Allen og draumur
Colin Farrell og Ewan
McGregor leika
bræðurna Ian og Terry
sem gengur erfiðlega
að rata rétta leið til
betra lífernis.
Woody Allen eru mislagðar
hendur, hörðustu aðdáendur
hans geta ekki neitað því að
nokkrir gæðaflokkar eru á milli
bestu og verstu kvikmynda
hans. Svo er annað mál að ekki
eru allir sammála um hverjar
eru bestu myndir Allens og
hverjar eru þær verstu. Flestir
eru sammála um að eftir að
hann sendi frá sér hina frábæru
Sweet and Lowdown (1999), þá
lá leiðin niður á við í fjögur ár.
Á þessum árum sendi hann frá
sér fimm kvikmyndir, Small
Time Crooks (2000), The Curse
of the Jade Scorpion (2001),
Hollywood Ending (2002),
Anything Else (2003) og
Melinda and Melinda (2004),
sem voru hver annarri verri,
sumar nánast óþolandi.
Woody Allen fann greinilega
fyrir því að eitthvað var ekki í
lagi og að hann þyrfti að gera
róttækar breytingar ef hann ætti
að eiga sér viðreisnar von. Hann
yfirgaf því sína heittelskuðu
New York, þar sem hann býr
og leikur djass á klarinettið
sitt þegar hann er ekki að gera
kvikmyndir, og hélt til London.
Þegar þarna var komið
hafði Woody Allen leikstýrt
35 kvikmyndum og nánast
allar gerðar í New York þannig
að þetta var stór ákvörðun
fyrir hann. Allen tók með sér
annan New York búa, Scarlett
Johansson, fann neistann á ný
Þriðja kvikmyndin sem Woody Allen gerir í London er eingöngu með breskum leikurum
og þar eru fremstir í flokki Colin Farrell og Ewan McGregor.
Woody Allen við tökur
á Cassandra’s Dream,
sem hann leikstýrir og
skrifar handritið.
Hayley Atwell er ung
leikkona sem fær
stóra tækifærið í
Cassandra’s Dream.