Frjáls verslun - 01.10.2007, Blaðsíða 44

44 F R J Á L S V E R S L U N • 1 0 . T B L . 2 0 0 7
Kvikmyndin The Secret og samnefnd bók sem kom í kjölfarið og
var þýdd yfir á íslensku fyrr á árinu undir nafninu Leyndarmálið hafa
notið mikilla vinsælda hér á landi. Kristján Viðar vill þó taka fram
að kvikmyndin gefi ekki rétta mynd af því sem Canfield stendur
fyrir. „Ég held að sumir hafi skilið myndina sem svo að maður sitji
bara afslappaður og hugsi velgengnina til sín. En þetta er alls ekki
svo einfalt. Auðvitað þarf maður sjálfur að vera virkur en vissulega
hjálpar til að sjá hlutina fyrir sér, setja sér markmið og svo framvegis.
Canfield hafði kennt þessi fræði í mörg ár áður en hann kom fram
í kvikmyndinni. Á vissan hátt má segja að fólk eins og hann hjálpi
manni við að færa boðskapinn úr myndinni skrefi lengra, en myndin
er vissulega góð til að opna augu fólks. Það er eins og sumum finnist
þeir bara vera skip í hafsjó sem rekur undan þeim vindum sem blása
hverju sinni, eins og þeir séu ekki við stjórn-
völinn í sínu eigin lífi. En kannski höfum við
meira um þetta að segja en við gerum okkur
grein fyrir.“
the Success Principles
Canfield hefur gefið út mikinn fjölda bóka
um ýmiss konar sjálfsstyrkingu og árang-
urssálfræði. Námsstefnan hér á landi tekur
einn dag og fer fram í Háskólabíói. „Þetta
er ekki dagur um The Secret, eins og ein-
hverjir kunna kannski að halda,“ segir Krist-
ján Viðar. „Uppistaðan í námsstefnunni er
bókin The Success Principles sem kom út
árið 2005. Í umsögn um bókina hefur verið
talað um að þarna hafi loksins einhver safnað
saman öllum lögmálum velgengninnar og
búið til eina biblíu. Mér finnst þessi bók rosalega góð og flestir sem
ég veit um að hafi lesið hana eru mjög hrifnir.“
Kristján Viðar segir það hafa mikið að segja að Jack Canfield var
sjálfur óhræddur við að beita hinum ólíkustu ráðum til að ná vel-
gengni í gegnum tíðina. „Í bókinni The Alladin Factor fjalla Canfield
og Mark Victor Hansen um hversu mikilvægt það sé að spyrja um
það sem mann langar að vita, fá, skilja og svo framvegis og hvernig
sigrast megi á þeim hindrunum sem koma í veg fyrir að við berum
okkur eftir hlutunum á áhrifaríkan hátt. Þar er meðal annars sagt frá
því þegar Canfield sagði upp þáverandi vinnu sinni til að stofna sitt
eigið þjálfunarfyrirtæki fyrir athafnamenn, leiðtoga og aðra sem vildu
ná hámarksárangri. Hann hringdi í Lou Tice sem var þekktur fyrir-
lesari innan þessa sviðs á þeim tíma og sagðist vera aðdáandi hans.
Hann óskaði eftir því að fá að vera bílstjórinn hans ef hann kæmi
einhvern tímann til Los Angeles og fá í staðinn að spyrja hann spurn-
inga og teyga af viskubrunni hans. Tice féllst á þetta fyrirkomulag
og Canfield eyddi með honum hálfum degi og spurði hann ýmissa
spurninga um hvernig hægt væri að ná árangri á námskeiða- og þjálf-
unarmarkaðnum. Þannig fékk hann upplýsingar og ráð sem hann
taldi þúsunda dollara virði og það var einfaldlega af því að hann bar
sig eftir því.“
Aðspurður hverjir hann búist við að sæki námsstefnuna segist
Kristján Viðar vita um fólk úr viðskiptalífinu sem muni mæta, en að
námsstefnan gagnist í raun öllum sem hafa áhuga á að ná árangri á
árinu 2008 á einn eða annan hátt. „Ég geri ráð fyrir því að fólk sem
er í fyrirtækjarekstri vilji ná hámarksárangri og bæta hag bæði starfs-
manna sinna og fyrirtækisins. Námsstefnan er í upphafi árs, fólk og
fyrirtæki hafa sett sér markmið og ég sé bara fyrir mér að þetta sé
upplögð hvatning fyrir hvern sem er.“
Hann bætir því við að ekki sé óalgengt að fyrirtæki sendi starfsfólk
sitt á námsstefnur Brians Tracy eða jafnvel erlendis til að læra af fólki á
borð við Anthony Robbins og því ætti tækifæri til að sjá Jack Canfield
og læra af honum í Háskólabíói að vera mjög
kærkomið. „Í boði verða miðar á misjöfnu
verði, allt frá tiltölulega ódýrum miðum í lök-
ustu sætin, yfir í dýrari miða í betri sæti, en
þeim fylgir til dæmis bók, hádegisverður og
fleira. Þannig að verðbilið er vítt og við erum
í rauninni að opna fyrir þann möguleika að
fólk sem að hefur áhuga á að fjárfesta í sjálfu
sér geti komið og gert þetta líka, ekkert síður
en fyrirtæki. Það er líka rétt að taka það fram
að Háskólabíó er nú þannig að þó að sætin
séu misgóð þá eru engin sæti vond.“
Kristján Viðar segir enn fremur að áherslur
Canfields hér á landi muni að hluta til ráðast
af samsetningu þess hóps sem sækir náms-
stefnuna. „Ég læt honum í té upplýsingar um
Ísland og íslenskt viðskiptalíf og hvað er að
gerast hérna. Hann getur því metið hvað myndi henta okkur best.
Íslendingar eru náttúrlega algjörlega einstakir að mínu mati, á svo
margan hátt. Og það hefur verið mikill uppgangur í íslensku efna-
hagslífi á undanförnum árum og því býst ég við að hann taki mið af
því, þegar ljóst verður orðið hvernig hópur það er sem þarna verður
saman kominn.“
Bækur Canfields hafa verið þýddar á yfir 40 tungumál. Hann
hefur ekki aðeins gefið út bækur um sjálfsstyrkingu, markmiðssetn-
ingu, árangurssálfræði og skyld málefni, heldur einnig fjöldann allan
af hljóð- og myndefni. „Allt sem hann hefur sent frá sér hefur selst
eins og heitar lummur, enda er hann sérfræðingur í því að ná árangri
og því ekki að furða að margir skuli vilja læra af honum. Þess utan
býður hann upp á þjálfun á netinu og hefur að auki staðið fyrir ýmiss
konar þjálfunarverkefnum í mörg ár. Þar á meðal er verkefni sem
hann kallar Canfield Training Group, þar sem hann þjálfar leiðtoga
og athafnamenn til að ná árangri,“ segir Kristján Viðar.
Fyrirtæki kristjáns: new Vision
New Vision, fyrirtæki Kristjáns Viðars, er með áform um fleiri fyrir-
lestra og námsstefnur í kjölfar námsstefnu Canfields. Kristján Viðar
Í bókinni the Alladin Factor
fjalla Canfield og Mark Victor
Hansen um hversu mikilvægt
það sé að spyrja um það
sem mann langar að vita, fá,
skilja og svo framvegis og
hvernig sigrast megi á þeim
hindrunum sem koma í veg
fyrir að við berum okkur eftir
hlutunum á áhrifaríkan hátt.
s t j ó r n u n