Frjáls verslun - 01.10.2007, Blaðsíða 54
54 F R J Á L S V E R S L U N • 1 0 . T B L . 2 0 0 7
p i s t i l l s i g r ú n a r d a v í ð s d ó t t u r
Slim styður þróun fremur en gjafir
– og það var sneið til Warren
Buffetts og Gates þegar Slim
sagði nýlega að hann kysi frekar
að byggja upp sterk fyrirtæki en
„labba um og leika jólasveininn“.
CARLOS SLIm HeLù
f. 1940.
Eignir Slims eru metnar á 59 milljarða Bandaríkjadala,
milljarð meira en eignir Bill Gates stofnanda Microsofts.
Allt bendir til að Slim verði í efsta sæti auðmannalista
Forbes á næsta ári. Vöxtur eigna hans hefur verið mikill
– talað um 64 prósenta vöxt 2006. 250 þúsund manns
vinna í Slim-fyrirtækjum.
Slim snertir líf flestra landa sinna mörgum sinnum á
dag –sængurfötin þeirra, morgunbrauðið, sígaretturnar
og geisladiskarnir eru úr fyrirtækjum hans. Þegar þeir
hringja í farsímann eru 90% líkur á að símtalið fari um
stöðvar Slims og sama er um netsamskipti og önnur
símasamskipti. Þeir keyra á vegum sem hann hefur lagt
og drekka vatn úr vatnsveitum sem hann hefur byggt. Þeir
tryggja að öllum líkindum bílinn hjá tryggingarfélagi hans,
fjármagna húsakaup með aðstoð Slims, sækja til hans
heilbrigðisþjónustu og á kvöldin horfa flestir Mexíkóbúar á
sjónvarp á stöð sem Slim á.
Leiðir Slims og Baugs liggja saman í Saks Fifth Avenue
– Baugur á 8,5% og hefur lýst yfir áhuga á kaupa fyrirtækið
í samfloti með fleiri fjárfestum. Slim á 9% í fyrirtækinu og
lætur sig örugglega varða hvernig framvindan í hugsanlegri
yfirtöku verður – hann er venjulega afskiptasamur fjárfestir
þar sem hann á verulegan hlut. Eins og Baugur hefur
Slim áður farið flatt á fjárfestingum í bandarískum búðum
– mistök Slims voru tölvubúðakeðjan CompUSA.
Carlos Slim er orðinn umsvifamikill í góðgerðar-
starfsemi og hefur lofað að gefa tíu milljarða dala næstu
árin. Bill Clinton hefur kallað Slim gjöfulasta og minnst
þekkta mann í heimi. Hann hefur gefið100 milljónir dala
í Clinton-stofnunina til að draga úr fátækt í Suður-Afríku
og stutt við bakið á Nicholas Negroponte í átaki hans um
„One Laptop Per Child“. Almennt styður Slim fremur þróun
en gjafir – og það var sneið til Warren Buffetts og Gates
þegar Slim sagði nýlega að hann kysi frekar að byggja upp
sterk fyrirtæki en „labba um og leika jólasveininn“.
í Mexíkóborg, sem hann hefur lagt fé til, er líka umdeild.
Gagnrýnendur hans hnykkja á að auðmenn eins og Slim, sem
hafi notið góðs af pólitískum samböndum, haldi aftur af þróun
Mexíkó og annarra landa í Suður-Ameríku.
Samheldin fjölskylda
Slim hefur sagt frá því með stolti að þegar hann þurfti að fara
í hjartaaðgerð 1997 hafi enginn tekið eftir því af því synir hans
hafi þegar verið komnir nægilega vel inn í reksturinn til að vera
sjálfbjarga á því sviði. Veldi hans er fjölskyldufyrirtæki í orðsins
fyllstu merkingu – hann á þrjá syni sem eru allir í rekstrinum,
sama er með tengdasynina þrjá og annars eru það aðrir nákomnir
Slim sem sjá um reksturinn.
Elsti sonurinn Carlos yngri stendur á fertugu og stýrir
Grupo Carso. Marco Antonio er ári yngri og hefur stýrt Inbursa
tryggingarfélaginu síðan hann var 24 ára. Patrick er sá yngsti,
38 ára, og rekur América Móvil sem er það Slim-fyrirtæki sem
hefur vaxið einna mest undanfarið og á því einna ríkastan þátt
í því að gera pabbann að ríkasta manni heims. Þar sem synir
og tengdasynir hafa verið á kafi í rekstrinum með pabbanum á
uppgangstímunum undanfarinn áratug er ljóst að velgengnin er
ekki síst að þakka velheppnaðri samvinnu þeirra.
Fjölskyldan er samheldin, fer í frí saman og synir og
tengdasynir hittast í mat hjá pabba á hverju mánudagskvöldi.
Soumaya, kona Slims, lést 1999. Þau hjónin áttu stórt safn
listaverka og Slim hefur sett megnið af því í safn sem hann
stofnaði og skýrði í höfuðið á eiginkonu sinni. Að spönskum sið
bera synirnir eftirnöfn föður og móður og heita því allir Domit
Slim.
Slim lítur út eins og hægt er að ímynda sér suðuramerískan
mógúl, með vindil og vömb. Líkt og Ivar Kamprad eigandi Ikea
hefur Slim orð á sér fyrir að vera samansaumaður. Það er ekki
verið að leggja milljónir í skrifstofuinnréttingarnar, og eigandi
símatæknifyrirtækjanna hefur aldrei komist upp á lag með að
nota tölvur. Hann er frægur fyrir að vera bæði talnaglöggur og
ljónminnugur á tölur, hvort sem eru viðskiptatölur eða úrslit í
hornaboltaleikjum sem hann er einlægur áhugamaður um.
Hann mætir á fundi með blað þar sem hann hefur skrifað
niður þær tölur sem skipta máli og er frægur fyrir bæði að hafa
tölurnar á hreinu, vera fljótur að átta sig á tölum sem eru lagðar
fyrir hann og óþreytandi að spyrja menn út úr um það sem
honum þykir skipta máli, alveg niður í minnstu smáatriði.
Aðhaldssemi hans hefur einnig komið fram í viðskiptunum
því hann er þekktur fyrir að vera mjög meðvitaður um kostnað
og góður í að borga ekki of mikið fyrir fyrirtæki. Þess vegna
er skuldsetning með eindæmum lág í viðskiptaveldi hans
– það er ekki grundvallað á neinum ofurlánum og því líklegt
að veldi hans sé ekki mjög næmt fyrir yfirstandandi samdrætti í
fjármálageiranum.