Frjáls verslun - 01.10.2007, Blaðsíða 17

F R J Á L S V E R S L U N • 1 0 . T B L . 2 0 0 7 17
Forsíðuviðtal
Tilgangur auglýsinga er að vera skemmtileg aðferð til þess að
vekja athygli á ýmiss konar vöru og þjónustu og að skila árangri.
Auglýsingar eiga fyrst og fremst að vera upplýsingar um viðkomandi
hluti. Og það er bara ekkert að því!
Margir brugðust mjög harkalega við Síma-
auglýsingunni. Ég hitti fólk sem var reitt
og það kom mér á óvart að það var ekki
aðallega reitt af trúarlegum ástæðum, heldur
pólitískum. Það fór fyrir brjóstið á sumum að
Síminn, sem var upphaflega ríkisfyrirtæki og
síðan selt einkafyrirtæki, gæti fíflast svona með
peninga. Þetta er viðhorf sem er svolítið í gangi í
samfélaginu, sérstaklega hjá eldra fólki.
Það er með svipaða afstöðu gagnvart t.d.
bönkunum sem eru ekki merkilegar stofnanir í
margra augum heldur fégræðgistofnanir þar sem
Mammon en ekki manngæska ræður ríkjum. Þá
er oft talað um að auglýsingar bankanna séu svo
lélegar og grunnhyggnar; þessara fyrirtækja sem hafi verið seld eða
gefin einkaaðilum. Eins og fólk hafi gleymt því að bankarnir voru
engin góðgerðarsamtök í gamla daga. Þetta fólk er búið að gleyma
þeirri tíð þegar það þurfti að panta tíma hjá bankastjóra, krjúpa
á kné og svara persónulegum spurningum til að fá lán. Rétt eins
og það hafi verið góðir tímar þegar einhverjir í bankanum ákváðu
fyrir okkur hversu mikinn gjaldeyri við þyrftum í tveggja vikna fríi
á Mallorca.
Svo er alltaf ákveðinn hópur sem grípur hvert tækifæri til að móðgast
og verða sár. Fólk innan þess hóps hefur sameiginlegan ákveðinn
karakter sem einkennist af dómhörku og skorti á umburðarlyndi.
Það vill að aðrir biðji sig afsökunar. Þessi hópur
varð ofsalega reiður yfir Síma-auglýsingunni og
fannst sér stórlega misboðið. Mér finnast slík
viðbrögð vera þroskaleysi. Ég held að þessu fólki
líði einfaldlega illa.
Ég er sjálfur kaþólskur og hef heyrt utan
að mér að nokkrum í söfnuðinum líki ekki
auglýsingin. Fólk er jafvel að tjá sig á einhverju
bloggi en þetta fólk talar hins vegar ekkert um
það við mig - sem væri náttúrlega það kristilega
í stöðunni! Ef þér finnst einhver gera eitthvað
ókristilegt áttu ekki að spýta eitri á bak við
hann; það er ekki kristilegur kærleikur. Fyrir mér
persónulega er auglýsingin kómísk list; listræn
túlkun.“
Að gera grín að hugmyndum fólks um Guð
„Sumir eru alltaf í lögguleik í lífi annars fólks en mér er alveg
sama hvað fólk hugsar um mig og mitt líf. Maður á bara að leyfa
fólki að vera eins og það er enda er það kjarninn í kristinni trú;
umburðarlyndi. Stærsta hindrun okkar í lífinu er eigingirni og lífið
gengur að miklu leyti út á að komast út úr okkar eigin sjálfselsku og
eigingirni, því á meðan við erum sjálfselsk, erum við ekki að uppfylla
Hvað ef þessir karlar
hefðu haft síma?
Ég hripaði niður
hugmyndina og var
meira í gríni en alvöru
að spá í hvernig sagan
hefði orðið ef Júdas
hefði verið
með farsíma.
Júdas í auglýsingu Símans. Kertasníkir í jólaauglýsingu Símans.