Frjáls verslun - 01.10.2007, Blaðsíða 31
F R J Á L S V E R S L U N • 1 0 . T B L . 2 0 0 7 31
á
sgeir Margeirsson er 46 ára, fæddur
í Keflavík árið 1961. Hann er þriðji í
röð fjögurra systkina. Foreldrar hans eru
af vestfirskum ættum. Ásgeir ólst upp í
Keflavík og gekk þar í skóla, en hann segir
nærveru varnarliðsmanna sem þá bjuggu enn inni í
bænum, hafa sett sérstakan blæ á bæjarlífið.
Á yngri árum starfaði Ásgeir við fiskvinnslu í Keflavík
og á Keflavíkurflugvelli auk þess sem hann fór í sveit og
smitaðist þar af hestabakteríunni, en hestamennskan er
eitt aðaláhugamál hans í dag. Að loknu stúdentsprófi
frá Fjölbrautaskóla Suðurnesja árið 1980 kenndi Ásgeir
í eitt ár við gagnfræðaskólann á Ísafirði.
Að því loknu hóf hann nám í byggingaverkfræði við
Háskóla Íslands og starfaði við virkjunarframkvæmdir
á Þjórsársvæðinu á sumrin. Hann segist ætíð hafa haft
áhuga á hvers konar framkvæmdum svo sem smíðum
eða byggingavinnu og því ákveðið að spreyta sig á þessu
námi og fundið sig þar vel.
Fjölbreytnin skemmtileg
Að loknu háskólanámi fann Ásgeir að sig langaði að læra
meira á sviði stjórnunar og verklegra framkvæmda og
ákvað þá að nema framkvæmdafræði í tækniháskólanum
í Lundi. Hann og eiginkonan fluttu búferlum með elsta
soninn til Svíþjóðar árið 1986 þar sem þau dvöldu í þrjú
ár og bættist á þeim tíma annar sonur í hópinn.
Ásgeir segir þau hafa kunnað afar vel við sig í Svíþjóð
og um tíma hafi verið spurning hvort fjölskyldan ætti
að setjast þar að, en ræturnar toguðu fast og því ákváðu
þau að halda heim á leið. Ásgeir hóf þá störf í byggingar-
iðnaði en vann síðan hjá Eimskip frá árinu 1993 til
1994 og hjá Jarðborunum árið 1995. Hann starfaði hjá
Jarðborunum þar til vorið 2000 þegar hann hóf störf
sem aðstoðarforstjóri Orkuveitu Reykjavíkur.
Hjá Orkuveitunni tók Ásgeir þátt í miklu
sameiningaferli og uppbyggingu fyrirtækisins og kom
víða við í fyrirtækinu. Hann sinnti bæði tækni- og
framkvæmdalegum verkefnum, umsjón með kjara-
og starfsmannamálum og var auk þess formaður
samninganefndar.
Ásgeir segist ætíð hafa haft mjög gaman af því að
sinna mótandi verkefnum þar sem fjölbreytnin er mikil.
Nú á dögum starfi hann með fólki frá mörgum löndum,
bæði verkfræðingum, bankamönnum og lögfræðingum,
og sér finnist oft á tíðum skemmtilegt að eiga samstarf
við fólk með annan bakgrunn og menntun en hann
sjálfur þar sem það gefi sér nýja sýn á hlutina. T.d. hafi
texti: maría ólaFsdóttir • Myndir: geir ólaFsson o. fl.
NÆRMyND AF ÁSGEiRi MARGEiRSSyNi
Ásgeir Margeirsson, forstjóri Geysis Green Energy, er Keflvíkingur í húð og
hár. Hann er einn þeirra sem hefur verið í kastljósi fjölmiðla að undanförnu
vegna fyrirhugaðrar sameiningar REi og Geysis Green Energy. Hann var
aðstoðarforstjóri Orkuveitu Reykjavíkur þar til í byrjun þessa árs. Þá varð
hann forstjóri Geysis Green og fyrsti starfsmaður fyrirtækisins.
HeStAkArL oG
útIvIStArFrÍk
n æ r m y n d