Frjáls verslun - 01.10.2007, Blaðsíða 80
Fólk
80 F R J Á L S V E R S L U N • 1 0 . T B L . 2 0 0 7
hagfræðinám Tinnu Laufeyjar Ásgeirs-dóttur er um margt mjög hefðbundið, en það er engin furða þó að Tinna
Laufey hafi einbeitt sér að heilsuhagfræði
þegar kom að því að velja sérgrein innan
fagsins. Í fjölskyldu hennar er mikið af
læknum og öðru heilbrigðisstarfsfólki. Auk
þess hefur hún sjálf frá fyrstu tíð haft mikla
þörf fyrir að hreyfa sig og stunda fjölbreyttar
íþróttir. Á námsárum sínum í Bandaríkjunum
vann hún sem þrekþjálfari á líkamsræktarstöð
samhliða doktorsnámi sínu og keppti í
þríþraut. Tinna Laufey sagði í samtali við
Frjálsa verslun að hún væri hálf manneskja ef
hún kæmist ekki í góða gönguferð nokkrum
sinnum í viku, fengi tækifæri til að synda
í laugunum eða hlaupa um borgina annað
slagið. „Þegar ég hóf meistaranám mitt hafði
ég heilsuhagfræðina ekki í huga. Allar íslenskar
fyrirmyndir stunduðu hagvaxtarfræði,
auðlindahagfræði, vinnumarkaðshagfræði
eða annað. Heilsuhagfræðina uppgötvaði ég
erlendis.“
Tinna Laufey sendi nýlega frá sér bókina
Holdafar – hagfræðileg greining. Hún segist
hafa ráðist í verkið að beiðni Lýðheilsustöðvar
en útgáfan hafi farið saman við starf hennar
bæði við Hagfræðistofnun Háskóla Íslands og
sem forstöðumaður MS-náms í heilsuhagfræði
við viðskipta- og hagfræðideild skólans.
„Hagfræðistofnun hefur gert heilsuhagfræði
að áhersluatriði innan stofnunarinnar enda er
sviðið í ótrúlega örum vexti. Heilbrigðiskerfið
hefur verið í mikilli gerjun undanfarin ár,
heilsutengdur iðnaður hefur fengið sífellt
meiri athygli landsmanna og heilsa í víðasta
skilningi þess hugtaks hefur öðlast nýja
merkingu í hugum fólks. Öll þessi svið kalla
á ítarlegri umfjöllun, meiri rannsóknir og
beittari greiningu á þróun og framtíðarsýn.
Við hjá Hagfræðistofnun ákváðum að byggja
upp rannsóknarsviðið innan stofnunarinnar
og tökum að okkur stór og smá verkefni á
sviði heilsuhagfræði,“ segir Tinna Laufey
einbeitt á svip. Hún bætir því við að MS-
námið í heilsuhagfræði innan viðskipta- og
hagfræðideildar styðji við þessa uppbyggingu
innan Hagfræðistofnunar en mikill áhugi
hefur verið á náminu undanfarin misseri.
„Ég hef mikinn metnað fyrir hönd þessa
MS-náms,“ segir Tinna Laufey, „sé fyrir mér
að hægt sé að fagvæða alla vinnu í sambandi
við heilsuhagfræðina, en slíkt getur sparað
þjóðfélaginu gríðarlega háar upphæðir ef
tryggt er að unnið sé af þekkingu og innsæi í
þessum mikilvæga málaflokki.“
Á næstu vikum kemur út í Þýskalandi
á ensku bókin Lifestyle Economics eftir
Tinnu Laufeyju þar sem hún fjallar um
ýmsa þætti sem tengjast samspili lífsstíls og
vinnumarkaðar hér á landi. Ljóst er að Tinna
Laufey tekur hraustlega á því, hvort sem
hún stekkur í hlaupaskóna eða er á sínum
fræðilegu buxum við kennslu eða rannsóknir,
enda er heilbrigði mál málanna í dag.
Nafn: tinna Laufey Ásgeirsdóttir.
Fæðingarstaður: reykjavík,
24. febrúar 1975.
Foreldrar: Birna Kristín
Bjarnadóttir (látin) og Ásgeir
Haraldsson.
Kærasti: Sigurður Gylfi
Magnússon sagnfræðingur.
Barn: Pétur Bjarni Einarsson,
5 ára.
Menntun: BA-próf í sagnfræði frá
Háskóla Íslands, MS og Ph.D.
(doktor) í hagfræði frá University
of Miami í Bandaríkjunum.
TINNA LAUFEY ÁSGEIRSDÓTTIR
Tinna Laufey
Ásgeirsdóttir: „Er
hálf manneskja
ef ég kemst ekki
í góða gönguferð
nokkrum sinnum
í viku og tækifæri
til að synda í
laugunum eða
hlaupa um borgina
annað slagið.“
umsjónarmaður MS-náms í heilsuhagfræði