Frjáls verslun - 01.10.2007, Blaðsíða 74

LífsstíllBÍóFrÉttir
Blóð mun renna
Daniel Day Lewis hefur aðeins
leikið í þremur kvikmyndum
frá því hann lék í The Boxer,
árið 1997, en þá lét hann
þau orð falla að hann væri
hættur að leika í kvikmyndum.
Martin Scorsese gat breytt
ákvörðun hans þegar hann
fékk Day-Lewis til að leika í
Gangs of New York (2002)
og eiginkona hans, rebecca
Miller (dóttir leikritaskáldsins
Arthur Millers), gat fengið
hann til að leika í The Ballad
of Jack and Rose (2005),
sem hún leikstýrði og skrifaði
handritið. Þessum árangri
hefur einnig náð sá ágæti
leikstjóri Paul thomas
Anderson (Boogie Nights,
Magnolia), en Daniel Day-
Lewis leikur aðalhlutverkið
í There Will Be Blood, sem
gerð er eftir skáldsögu Uptons
Sinclair. There Will Be Blood
gerist rétt eftir aldamótin
1900 og segir frá fjölskyldu
þar sem græðgi, trú og olía
ráða ferðinni. Áætlað er að
frumsýna myndina hér á landi
18. janúar.
Shanghai
John Cusack átti að leika
aðalhlutverkið í stórmyndinni
Stopping Power, sem Jan
De Bont (Speed, Twister)
var fenginn til að leikstýra.
Allt var klárt fyrir tökur og
búið að ráða okkar fremsta
kvikmyndatökumann, óttar
Guðnason, þegar fjármagn
var dregið til baka og hætt
við allt saman, alla vega
í einhverja mánuði. John
Cusack er eftirsóttur leikari og
þegar losnaði um hjá honum
tók hann tilboði um að leika
aðalhlutverkið í Shanghai, sem
Mikael Hafstrom leikstýrir.
En þeir gerðu saman 1408
eftir sögu Stephen Kings sem
frumsýnd var fyrr á árinu og
fékk góðar viðtökur. Shanghai
er sakamálamynd og gerist,
eins og nafnið segir til um, í
Shanghai. tökur eru að hefjast
og er mótleikkona Cusacks
fremsta kvikmyndaleikkona
Kínverja, Gong Li.
Julia Roberts og Tom Hanks
í hlutverkum sínum í Charlie
Wilson’s War.
Stríð Charlie Wilsons
Það er ekki alltaf tekið
út með sældinni að vera í
efstu hæðum í Hollywood.
Nýjasta dæmið um það er
Lions For Lambs, þar sem
robert redford, Meryl Streep
og tom Cruise létu ljós sitt
skína en náðu aldrei tökum
á persónunum sem þau
léku. Eins gæti farið fyrir
Charlie Wilson’s War. Þar
eru í aðalhlutverkum tom
Hanks, Julia roberts og Philip
Seymour Hoffman. Hún er ekki
ólík Lions For Lambs sögulega
séð. Fjallar um bandarískan
þingmann sem aðstoðar
Afgana í stríðinu við rússa
og afleiðingar aðstoðarinnar.
Leikstjóri er Mike Nichols,
sem á marga sigra að baki og
gerði síðast hina ágætu Closer
(2004) er öllum hnútum
kunnur og hefur alltaf verið
leikstjóri leikaranna svo ekki
er öll von úti. Áætlað er að
frumsýna Charlie Wilson’s War
hér á landi 25. janúar.
74 F R J Á L S V E R S L U N • 9 . T B L . 2 0 0 7
Margrét Sanders,
framkvæmdstjóri hjá Deloitte,
býr í reykjanesbæ og tekur
keyrslan í og úr vinnu á virkum
dögum um einn og hálfan tíma.
Hún bendir á að ef reiknað
er með 250 virkum dögum á
ári – fyrir utan sumarfrísdaga
– þá séu þetta um 330
klukkustundir á ári.
„Á leið til vinnu fer ég yfir
skipulag og verkefni dagsins
og í lok dags fer ég yfir
daginn og það sem er fram
undan. Fjöldi góðra hugmynda
hefur kviknað og mikilvægar
lausnir orðið til í hjólförunum
á reykjanesbrautinni, enda
nægur tími og næði til þess að
hugsa um ýmis mál.
Bíllinn, sem Margrét dvelur
svona mikið í, er grár, þriggja
ára gamall Land Cruiser.
,,Þetta er frábær bíll. Þetta er
kannski ímyndun í mér en mér
finnst ég svo örugg í bílnum.“
Þá bendir hún á að fínt sé að
vera í háum jeppanum þegar
skafrenningur gerir vart við
sig.
Bíllinn kemur ekki bara að
góðum notum til að aka í og
úr vinnu. Gráa jeppann notar
Margrét líka í frístundum
og er gott að fara í honum í
veiðiferðir og golf.
Margrét fær bráðum nýjan
bíl – annan Land Cruiser. Nýi
bíllinn, sem hún á eftir að
dvelja í á reykjanesbrautinni
um 330 klukkustundir á ári, er
hvítur og á stærri dekkjum.
Margrét Sanders. „Fjöldi góðra hugmynda hefur kviknað og
mikilvægar lausnir orðið til í hjólförunum á Reykjanesbrautinni,
enda nægur tími og næði til þess að hugsa um ýmis mál.“
Bíllinn:
Um 330 KlUKKUsTUndIR á áRI