Dagrenning - 01.04.1956, Blaðsíða 40

nálægari Austurlöndum. Myndin sýnir
vel turninn sjálfan, eða turn-musterið og
„forgarðinn helga“ umhverfis það, með
tilheyrandi byggingum, eins og menn
halda nú að þetta hafi litið út.
Sögulegar heimildir um Babelstum-
inn eru ekki miklar umfram það, sem
segir í Biblíunni. Herodot, hinn gríski
ferðalangur og sagnfræðingur, kom til
Babylonar um 450 f. Kr. og sá hann þá
turninn, sem hann segir að hafi verið
„átta pallhæðum hærri en borgin um-
hverfis", að stiginn hafi verið á stöll-
um utan á turninum. Um það bil hundr-
að árum síðar, er turnsins aftur getið í
frásögnum Alexanders mikla, sem dó í
Babylon 323 f. Kr. Þá var turninn að
mestu hruninn og eyddur af styrjöldum,
vatni og vindi, auk þess sem þangað hafði
verið sótt byggingarefni til húsagerðar í
borginni, eins og til annarra fornra rústa.
Alexander lét jafna turninn við jörðu,
því hann ætlaði að endurbyggja hann, en
ekkert varð úr þeirri fyrirætlan eftir
dauða hans. Þegar þýzkir vísindamenn
komu til Babýlonar á 19. öld til þess að
grafa upp borgina og spurðu hvar Babels-
turn hefði verið; var þeim bent á stað,
sem nefndur var „skálin", það var fer-
hynt svæði rúmir 400 metrar á hvern veg,
umgirt 13 metra þykkum veggjum. Síð-
ar kom í ljós að þetta var „hinn heilagi
forgarður“ hofsins, en inni í honum
hafði turninn áður staðið.
Margar og miklar upplýsingar hafa
fengist við útgröftinn í Babylon og Úr
um lifnaðarhætti á þeim tímum, þegar
þessar borgir, sem nú eru rústir einar,
voru miðstöðvar mikillar menningar.
Það er nú vitað, að sá sem reisti
Babelsturn hét Úr-Nammu og hann reisti
einnig turninn í Úr. Þessir tumar voru
svo til alveg eins að gerð, nema hvað
turninn í Babylon var mun stærri.
Um báða þessa turna, eða turnhof, er
það vitað, að Nebúkadnesar Babyloníu-
konungur lét hressa þá við, því á hans
dögum voru þetta forn mannvirki og
illa farin, en Nebukadnesar hafði, eins
og fleiri fornkonungar, mikla löngun til
að endurreisa fornfræg mannvirki.
Biblían reyndist rétt.
Hér hefir því farið eins og svo oft áð-
ur, að við nákvæma rannsókn reynist
það rétt, sem frá er sagt í Biblíunni, og
unnt er að sannprófa. Stundum þarf að
vísu lengi að bíða þess að hinar full-
komnu sannanir finnist eða fáist, en þar
kemur ávalt að lokum, að Ritningin
reynist sönn og rétt.
Og á sama hátt hefir spádómurinn
um Babel rættst bókstaflega, en þar segir:
„Svo skal fara fyrir Babel, þessari
prýði konungsríkjanna og drembidjásni
Kaldea, sem þá er Guð umturnaði Só-
dómu og Gómoru. Hún skal aldrei fram-
ar af mönnum byggð vera; kynslóð eftir
kynslóð skal þar enginn búa.“ (Jes. 13.
19.) Þannig hefir það verið nú „kynslóð
eftir kynslóð."
32 DAGRENNING