Dagrenning - 01.04.1956, Blaðsíða 50

Nokkrir menn hafa þegar ræðst við
hér í Reykjavík með það fyrir augum
að koma á fót félagsskap sem ræði þjóð-
félagsmál á kristilegum grundvelli og
mætti slíkur félagsskapur vel verða
fyrsta spor til nýrrar flokksstofnunar.
Öngþveitið í stjórnmálum fer nú sívax-
andi og það er engin von til þess, að nú-
verandi stjórnmálaflokkar geti lagfært
það, sem lagfæra þarf, vegna þess að
þeir starfa allir á röngum grundvelli.
Enginn þeirra gerir sér þetta ljóst vegna
þess, að þeir menn, sem flokkunum
stjórna, trúa og treysta á eigin mátt og
megin, en ekki á Guðs hjálp og forsjá.
Dagrenning mun skýra lesendum sín-
um frá því, hvernig mál þessi þokast á-
fram, og ekki er vert að gera ráð fyrir
því að neinar skyndibyltingar verði í ís-
lenzku stjórnmálalífi þó fáeinir hugs-
andi menn fari að reyna að mynda fyrsta
vísir að kristilegum stjórnmálasamtök-
um. Til þess eru gömlu flokksböndin
of sterk, og of fast reirð að „sálarlimum"
kjósendanna.
★
„Tíminn“ og „Þjóðviljinn“ minntust
um jólaleytið á hugleiðingar Dagrenn-
ingar um stofnun kristilegs stjórnmála-
flokks.
í Þjóðviljagreininni segir m. a.:
„Tíminn segir frá því á aðfangadag-
inn, að Jónas Guðmundsson, ritstjóri
Dagrenningar, boði í síðasta hefti tíma-
rits síns stofnun nýs stjórnmálaflokks:
Kristilega flokksins; og var það vissulega
viðeigandi jólafrétt. Segir Tíminn, eftir
tímaritinu, að „næsti áratugur Dagrenn-
ingar verði helgaður tilrauninni til þess
að skapa á íslandi öflugan, kristilegan
stjórnmálaflokk," og er sýnilegt, að
þetta sköpunarstarf á ekki að ganga ýkja
greitt.“
Af þessu tilefni er rétt að minna
kommúnistana við „Þjóðviljann" á það,
að þegar þeir stofnuðu sinn flokk, liðu
hvorki meira né minna en sjö ár frá
stofnun flokksins og þar til hann kom
manni á þing. Og ennfremur má minna
þá á það, að flokkur þeirra er nú yfir
25 ára gamall og er þó enn ekki öflugri
en svo, að hann ráði nema sjö sætum á
Alþingi og kemur þar engu máli fram.
Mega þeir af þessu sjá, að það „sköpun-
arstarf“, að koma upp öflugum stjórn-
málaflokki, getur tekið langan tíma,
jafnvel hjá þeim, sem njóta til þess ým-
issa þeirra fríðinda, sem nauðsynlegust
eru talin, svo sem mikils blaðakosts og
styrktarfjár öflugra samherja í öðrum
löndum, en hvorugs þess getur íslenzk-
ur, kristilegur stjórnmálaflokkur vænzt.
Ég fullvissa alla þá, sem fylgjast með
þeirri tilraun, að koma á fót kristileg-
um stjórnmálaflokki, um það, að í engu
verður hrapað að því verki. Það þarf
góðan undirbúning og mistök mega
helzt engin verða þegar til framkvæmda
verður ráðist.
Þeir menn og konur, sem sjá og skilja,
að þjóðinni er aðeins hægt að bjarga
úr vaxandi öngþveiti með þvi að taka
upp kristilega stefnu í þjóðmálum, verða
að ræða þetta mál sín í milli og hafa
síðan með einhverjum hætti samband
við mig, meðan ekki er formlegur fé-
lagsskapur myndaður um málefni þetta
hér í Reykjavík. Þetta er nauðsynlegt til
þess að hægt sé að gera sér grein fyrir
því, hver grundvöllur er nú þegar und-
ir kristilega þjóðmálahreyfingu, og
hverja leið er hyggilegast að fara til að
koma málum sínum fram svo sem mest
gagn megi að verða.
42 DAGRENNING