Uppeldi og menntun - 01.06.2015, Page 5

Uppeldi og menntUn/icelandic JoUrnal of edUcation 24(1) 2015 5
frá ritstjórUM
Í þessu hefti Uppeldis og menntunar eru þrjár ritrýndar greinar, einn ítardómur um
bók og tveir ritdómar. Ritrýndu greinarnar fjalla um ólík efni á sviði menntavísinda:
aðdragandann að þemanámi í Kennaraháskóla Íslands, reynslu ættleiddra barna á
Íslandi af skóla og samfélagi og unglinga, netnotkun og samskipti við foreldra.
Í lok síðasta árs kom í ljós að tímaritið fær ekki skráningu í ISI-gagnagrunninn.
Helstu ástæður þess voru þær að tímaritið birtir mikið af greinum þar sem heimilda-
skráin er á íslensku og að lítið er vísað í tímaritið í ISI-tímaritum. Að sjálfsögðu voru
það veruleg vonbrigði að fá ekki slíka skráningu. Á tímabilinu meðan beðið var eftir
því hvort skráning fengist var ákveðið að gera ýmsar breytingar, svo sem að festa
útgáfutímann í lok maí og lok nóvember og að taka á móti handritum á ensku. Hvort
tveggja styrkir tímaritið í sessi.
Frá og með þessum árgangi verður einnig sú breyting að Menntavísindasvið
Háskóla Íslands stendur eitt að útgáfunni. Háskólanum á Akureyri er þakkað farsælt
samstarf sem staðið hefur um margra ára skeið.
Auk útgáfu tímaritsins á prenti birtist það nú í þremur gagnagrunnum: á vefnum
timarit.is, í pdf-formi í Skemmunni, eldri hefti frá 2005–2009 og stakar greinar frá og
með 2010 og loks í EBSCO-host. Birtingartöfin er frá átta mánuðum upp í eitt ár. Á vef
tímaritsins eru svo birt án tafar ágrip greina, bæði á íslensku og ensku.
Ritstjórar þakka öllum þeim sem lagt hafa hönd á plóg við útgáfu og dreifingu
þessa heftis.