Uppeldi og menntun - 01.06.2015, Page 59
Uppeldi og menntUn/icelandic JoUrnal of edUcation 24(1) 2015 59
ólínA FreysTeinsdóTTir, hAlldór s. gUðmUndssOn Og K JArTAn ólAFssOn
Tafla. Yfirlit og lýsing á viðmælendum með gervinöfnum þeirra
Nafn Aldur Búseta Lýsing á fjölskylduhögum
Karl 15 ára og 1 mánaða Landsbyggðinni Býr með foreldrum og bróður
Sigga 15 ára og 10 mánaða Landsbyggðinni Býr með móður og föður til skiptis
Tryggvi 14 ára og 7 mánaða Landsbyggðinni Býr með móður og bróður
Alexander 15 ára og 5 mánaða Landsbyggðinni Býr með foreldrum og bróður
Tómas 14 ára og 7 mánaða Landsbyggðinni Býr með móður, fósturföður og yngri systur
Signý 14 ára og 10 mánaða Landsbyggðinni Býr með foreldrum og systrum
Ari 15 ára og 5 mánaða Landsbyggðinni Býr með foreldrum og yngri bróður
Róbert 15 ára og 3 mánaða Landsbyggðinni Býr með foreldrum
Ása 17 ára Höfuðborgarsvæðinu Býr með foreldrum
Ingvi 15 ára og 7 mánaða Landsbyggðinni Býr með foreldrum og bróður
Lovísa 15 ára og 9 mánaða Höfuðborgarsvæðinu Býr með móður
Ragnar 14 ára og 9 mánaða Landsbyggðinni Býr með foreldrum og tveimur systkinum
Geir 14 ára og 10 mánaða Landsbyggðinni Býr með foreldrum
Í upphafi viðtals var viðmælendum gerð grein fyrir því að þeim væri ekki skylt að
ræða alla þætti sem komið væri inn á og að þeim væri frjálst að hætta þátttöku hvenær
sem þeir vildu. Þá var þeim tilkynnt um það hvenær upptaka hófst og hvenær henni
lauk. Viðtölin voru hálfstöðluð og fjölluðu um líðan og hegðun viðmælenda er varð-
aði netnotkun, upplifun og áhrif af notkun netsins.
Greining gagna
Rannsakandi fékk aðgang að viðtölum við unglinga sem þegar höfðu verið afrituð
orðrétt. Til að tryggja að merking þess sem þeir sögðu kæmist til skila hlustaði rann-
sakandi á hvert viðtal tvisvar og sum þeirra þrisvar. Einnig voru viðtölin lesin ítarlega
og leitað eftir ummælum og vísbendingum um áhrif þeirra marka sem foreldrar settu
varðandi netnotkun unglinganna og samskipti þeirra við foreldra sína. Textabútar
sem tengdust þessum atriðum voru afritaðir, merktir eftir innihaldi þeirra og afritaðir
í yfirlitsskjal. Kóðuninni var ætlað að draga fram upplýsingar sem mynduðu mynstur
og þemu. Þegar þemagreiningu var lokið voru viðtölin lesin aftur yfir til að sjá hvort
rannsakanda hefði yfirsést eitthvað í textanum.
Takmarkanir rannsóknarinnar
Aðferðafræðilegar takmarkanir rannsóknarinnar eru þær helstar að úrtakið nær að-
eins til unglinga sem skora 30 stig eða meira á IAT-kvarðanum og það gefur því ekki
mynd af öðrum unglingum en þeim sem falla undir þá skilgreiningu. Sá hópur sem er
til skoðunar í rannsókninni er þannig líklegri til að glíma við einhvers konar vanda en
unglingar almennt. Markmiðið var því ekki að veita alhæfingargildi heldur að öðlast
frekari skilning á samskiptum unglinga og foreldra vegna netnotkunar.