Morgunblaðið - Sunnudagur - 22.02.2015, Side 20

20 MORGUNBLAÐIÐ SUNNUDAGUR 22.2. 2015
Ferðalög og flakk
Hér má sjá elsta hluta The
Belfry en byggingin er sér-
staklega heillandi á ein-
staklega enskan hátt.
Hótelið The Belfry í nágrenni
Birmingham hefur upp á margt
að bjóða fyrir golfara en hjá hót-
elinu eru þrír golfvellir, Brabazon,
PGA National og The Derby.
Þeir eru mjög mismunandi og
hæfa golfurum af ólíkri getu.
Brabazon-völlurinn er hannaður
af Peter Alliss og Dave Thomp-
son og hefur Ryder-bikarinn ver-
ið haldinn þar fjórum sinnum,
oftar en á nokkrum öðrum stað.
Þar hafa frægir kylfingar á borð
við Seve Ballesteros, Tiger Wo-
ods og Nick Faldo komist í hann
krappan.
Þeir sem hafa ekki áhuga á að
spila golf geta heimsótt spa hót-
elsins. Þar er hægt að fara í nudd
eða ýmsar snyrtimeðferðir eða
slaka á í gufu eða laug.
Hótelið er líka vinsælt fyrir
veislur af ýmsu tagi og The Belfry
er líka samkomustaður fótbolta-
kappanna á svæðinu en við hlið
hótelsins er næturklúbburinn Bel
Air þar sem hægt er að dansa af
sér skóna.
Annar kostur er að tveir góðir
veitingastaðir eru á hótelinu.
Sam’s Club House er í afslapp-
aðari kantinum en þar er hægt
að fá djúpsteiktan fisk og fransk-
ar og eldbakaðar flatbökur sem
skolað er niður með heiðarlegum
bjór. Ryder Grill er fínni staður,
sem meðal annars býður upp á
mat úr héraði og úrval vína.
Hótelið sjálft er nýlega uppgert
og samanstendur af eldri og nýrri
byggingum. Hótelið dreifist um
stórt svæði því ekki er byggt upp
á við og tengjast nýju bygging-
arnar vel þeim eldri.
Brabazon-barinn er glæsilegur og býður upp á gott úrval drykkja.
Fagurt umhverfi á átjándu holu.
Nýjasta viðbótin við hótelið er spa þar sem hægt er að fara í ýmsar gufur, lauga
sig eða fara í nudd og fleiri meðferðir.
Fjórum sinnum heimavöllur
Ryder-bikarins
GOLF