Morgunblaðið - Sunnudagur - 22.02.2015, Síða 59
22.2. 2015 MORGUNBLAÐIÐ SUNNUDAGUR 59
Plantan á ganginum heitir
bók eftir þær Elísabetu Rún
og Elínu Eddu Þorsteins-
dætur sem þær systur gáfu
út sjálfar.
Bókin segir frá Geirþrúði
Flóru Jónsdóttur sem býr í
miðbæ Reykjavíkur. Hún er
einræn og sækist ekki eftir
samneyti við neinn nema
blómin sín, en skrifast þó á
við Ýri frænku sína sem er
ferð og flugi um heiminn. Svo
fer að Geirþrúður kynnist
nágranna sínum og finnur þar
félaga.
Sagan birtist á vefnum frá
2012 til 2014 og hægt að
skoða hana á síðunni thepl-
antinthehallway.tumblr.com/
en þar er líka hægt að fræð-
ast um tilurð bókarinnar.
Plantan á ganginum er
gefin út í 71 tölusettu ein-
taki.
Plantan á
ganginum
Bókaútgáfan Sæmundur á Selfossi hyggst gefa út að nýju skáldsöguna Skál-
holt eftir Guðmund Kamban. Bókin verður gefin út í tveimur hlutum – í
fyrri hlutanum, sem kemur út í sumar, er sagt frá Ragnheiði Brynjólfs-
dóttur.
Skálholt kom fyrst út í fjórum bindum á árunum 1930-1935 en hefur
verið endurprentuð þrívegis, síðast árið 1982.
Í bókinni rekur Guðmundur Kamban fjölskyldusögu Brynjólfs Sveinssonar
(1605-1675) biskups í Skálholti og örlagasögu Ragnheiðar dóttur hans og
Daða Halldórssonar sem hefur verið mönnum hugleikin frá því Torfhildur
Hólm skrifaði fyrstu sögulega skáldsöguna um líf biskupsfjölskyldunnar
1882 og birtist nú síðast í óperunni Ragnheiði eftir þá Gunnar Þórðarson
og Friðrik Erlingsson sem frumflutt var fyrir rétt tæpu ári – 1. mars 2014.
Guðmundur Kamban varð fyrstur til að rannsaka frumheimildir og birti
umfangsmikla greinargerð í Skírni 1929, áður en fyrsta bindið kom út. Skál-
holt varð vinsælasta verk Guðmundar og kom út á dönsku, þýsku og
ensku. Hún fékk misjafna dóma í Danmörku, en í umsögn um bókina í
„Berlingske Tidende“ skrifar magister Henning Kehler ritdóm um fyrsta
bindi Skálholts og lauk umsögninni svo: „Þess er óskandi að skáldsagan
Ragnheiður Brynjólfsdóttir verði höfundinum til frama. Hann á það skilið,
því að hann er meira skáld en flestir þeir, sem skrifa skáldsögur.“
Guðmundur Kamban skrifaði síðar samnefnt leikrit eftir bókinni. Þóra Einarsdóttir söng hlutverk Ragnheiðar Brynjólfsdóttur í samnefndri óperu Gunnars Þórðarsonar.
Morgunblaðið/Ómar Óskarsson
SKÁLHOLT GEFIN ÚT AÐ NÝJU
Lóaboratoríum eftir Lóu Hlín
Hjálmtýsdóttur, sem Ókeibæ
gaf út á síðasta ári, er frekar
teiknimyndasafn, en teikni-
myndasaga, enda er hún ekki
samhangandi saga þó að sumar
teikningarnar í henni tengist
saman í einskonar söguþráð,
nánast eins og smásagnasveig-
ur.
Í bókinni er úrval af teikni-
myndasögum úr smiðju Lóu frá
síðustu árum sem sumar hafa
birst í blöðum og tímaritum.
Lóa hefur starfað sem teikn-
ari undanfarin ár, en hún er líka
söngkona í hljómsveitinni FM
Belfast og myndlistarkona. Þess
má geta að nú stendur sýning á
verkum hennar í Galleríi
Gróttu á Eiðistorgi. Hún gaf út
bókina Alhæft um þjóðir árið
2009 og teiknaði hluta teikni-
myndaseríunnar Hulla.
Lóaboratoríum
Lóu Hlínar
Fleiri íslenskar
teiknimynda-
sögur koma út
ÍSLENSKAR MYNDASÖGUR
HÉR TIL HLIÐAR ER SAGT FRÁ TVEIMUR
MYNDASÖGUM SEM KOMU ÚT Á SÍÐASTA
ÁRI, EN ÞAÐ KOMU FLEIRI ÍSLENSKAR
MYNDASÖGUR Á ÁRINU OG GREINILEGT AÐ
ÞAÐ ER GRÓSKA Á ÞVÍ SVIÐI.
Djákninn á Myrká birtist sem teikni-
myndasaga úr smiðju Söndru Rósar
Björnsdóttur á síðasta ári. Teikni-
myndasagan er trú upprunalegu
þjóðsögunni, og gerist til að mynda
á sama eða svipuðum tíma, þó að
Sandra hafi lagað söguþráðinn eilít-
ið til svo hann falli betur að form-
inu.
Djákninn á Myrká var gefinn út í
gegnum Kickstarter-fjármögnun.
Djákninn á
Myrká
Lífsþorsti eftir myndlistarmanninn og rit-
höfundinn Kristján Jón Guðnason er átt-
unda bók hans, en sjöunda teiknimyndasag-
an.
Áður hefur Kristján gefið út teikni-
myndabækurnar Óhugnanleg pláneta, sem
kom út 1993, Edensgarðinn, Afbökur, Vor-
blús, Tenerífedaga og Átök á Júpíter. Bóka-
útgáfan Óþurft gefur allar teiknimyndabæk-
urnar út nema þá nýjustu, Lífsþorsta, sem
Froskur útgáfa gefur út.
Lífsþorsti er með þremur sögum með
svart/hvítum teikningum og allar með kon-
ur í aðalhlutverki. Í einni sögunni segir
Kristján sögu úr fjölskyldu sinni, en allar
fjalla sögurnar um lífsbaráttu daglegs lífs.
Lífsþorsti Kristjáns
Jóns Guðnasonar
BÓKSALA 11.-17. FEBRÚAR
Allar bækur
Listinn er tekinn saman af Eymundsson
1 AfturganganJo Nesbø
2 Dansað við björninnRoslund & Thunberg
3 Hreint mataræðiDr.Alejandro Junger
4 ÖræfiÓfeigur Sigurðsson
5 Heimsmetabók Skúla skelfisFrancesca Simon
6 Óvættaför 18Adam Blade
7 HafnfirðingabrandarinnBryndís Björgvinsdóttir
8 Þekkir þú Línu langsokk?Astrid Lindgren
9 Krúttlegt hekl fyrir litlar tásurVita Apala
10 NáðarstundHannah Kent
Íslenskar kiljur
1 AfturganganJo Nesbø
2 Dansað við björninnRoslund & Thunberg
3 ÖræfiÓfeigur Sigurðsson
4 AlexPierre Lemaitre
5 Fimmtíu gráir skuggarE. L. James
6 LjónatemjarinnCamilla Läckberg
7 Bonita AvenuePeter Buwalda
8 UnderR.J.Palacio
9 Fimmtíu dekkri skuggarE. L. James
10 Fimmtíu skuggar frelsisE. L. James