Morgunblaðið - 13.03.2015, Side 2

2 FRÉTTIRInnlent
MORGUNBLAÐIÐ FÖSTUDAGUR 13. MARS 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Ingvar Smári Birgisson
isb@mbl.is
Hvassviðri geisar um landið í dag
og á morgun, eins og svo oft áður í
vetur. Óli Þór Árnason, veður-
fræðingur hjá Veðurstofu, segir
varasamt að ferðast milli landshluta
þegar veðrið verður sem verst og
minnir fólk á að hreinsa frá nið-
urföllum til að fyrirbyggja vatns-
tjón.
Upp úr hádegi í dag gengur mik-
ið hvassviðri inn yfir landið með úr-
komu sem nær hápunkti síðdegis.
Lægðin, með suðaustanátt 18-25
m/s, hefst sunnan- og vestantil og
færist síðan norður, en dregur þá
úr styrk og úrkomu og hlýnar um
vestanvert landið.
Varað er við vexti í ám í kringum
Eyjafjalla- og Mýrdalsjökul og við
sunnan- og suðaustanverðan Vatna-
jökul. Búast má við miklum leys-
ingum um allt land, þótt úrkoma
verði mest sunnan- og suðaustan-
lands. Þar sem mikill nýfallinn
snjór er víða um land má búast við
vatns-, krapa- og aurflóðum við
þessar aðstæður. Slæmt ferðaveður
verður í dag.
Þá sækir jafnvel enn kraftmeiri
stormur landið heim á morgun en
spáð er ofsaveðri, sunnanátt með
25-30 m/s og mikilli úrkomu og
verður ekkert ferðaveður um landið
fram á kvöld.
Rýmdu heilsugæsluna
Snjókögglar runnu niður hlíðina
ofan við Heilbrigðisstofnun Vest-
urlands í Ólafsvík í gær og var hún
rýmd vegna snjóflóðahættu. Fjöl-
býlishús nálægt heilsugæslustöðinni
voru ekki rýmd, en sérfræðingar
fylgdust grannt með stöðu mála.
Þá varaði Landsnet útivistarfólk
við að vera á ferð í nágrenni 66 kV
Ólafsvíkurlínu 1 á Fróðárheiði, þar
sem dregið hafði í skafla vegna
snjókomu síðustu daga.
Hvassviðri og vatnavextir
 Varað við ferðalögum þegar veðrið
verður í hámarki í dag og á morgun
Morgunblaðið/Malín Brand
Lægð Ekkert ferðaveður á morgun.
Davíð Már Stefánsson
davidmar@mbl.is
„Aflinn var um 1.200 tonn. Það er
frábært, það var einhver að segja
að þetta væri Íslandsmet í flökum.
Annars veit ég ekkert um það,“
segir Árni Ólafur Sigurðsson, skip-
stjóri frystitogarans Arnars HU,
sem kom í gær til Sauðárkróks
með góðan afla úr Barentshafi.
„Maður verður bara að vera
hógvær. Veiðarnar gengu ekkert
sérstaklega vel fyrst sökum mik-
illar ótíðar. Það var ekki mikill afli
framan af. Svo var þetta bara gott
þó tíðarfarið hafi verið svolítið erf-
itt. Við fengum alla þessa hlemma
sem síðar skullu á Íslandi. Það
voru miklar brælur þarna,“ segir
hann.
„Ég held að verðmæti aflans sé
um 430 milljónir króna. Það var
náttúrlega mjög góð veiði en það
er líka gott gengi og gott verð á
þessum fiski. Þetta spilar allt svo-
lítið saman,“ segir Árni Ólafur og
bætir við að aðeins hafi verið veitt
í norskri lögsögu, ekki rússneskri.
Eftir að fara í Rússasjóinn
„70% aflans voru þorskur og
restin annað, mest 230 tonn af ýsu.
Það var alveg hellingur af skipum
á svæðinu, hátt í sextíu skip myndi
ég halda. Það voru Rússar og
Norðmenn og svo voru íslensku
skipin þrjú eða fjögur,“ segir hann
og nefnir Kleifabergið og Mána-
bergið í því samhengi. Árni Ólafur
telur líklegt að aflinn fari að
stórum hluta til Bretlands en hann
segir Arnar HU eiga eftir að sigla
um Rússasjóinn.
„Við áttum þennan kvóta í
norsku lögsögunni og svo eigum
við eitthvað eftir í Rússasjó sem
verður tekið seinna. Það er þó ekki
búið að ákveða hvenær verður far-
ið í þann leiðangur,“ segir hann að
lokum.
Ljósmynd/Heimasíða FISK
Arnar HU Góður túr í Barentshaf.
1.200 tonn
úr Bar-
entshafi
 Arnar HU með
430 milljóna afla
Fullt var út úr dyrum í Breiðagerðisskóla í gær-
kvöldi en þar fór fram opinn íbúafundur um
Háaleitisbraut og Grensásveg vegna fram-
kvæmda við göngu- og hjólastíga. Umhverfis- og
skipulagssvið Reykjavíkurborgar og hverfisráð
Háaleitis og Bústaða kynntu þá m.a. hugmyndir
um þrengingar á Grensásvegi úr tveimur ak-
reinum í hvora átt í eina akrein í hvora átt.
Íbúar fjölmenntu á fundinn og virtust flestir
sammála um að minnka þyrfti hraða bílaum-
ferðar á svæðinu. Þeir spurðu hvert umferðin
myndi beinast í kjölfar þrenginganna, hví Háa-
leitisbraut yrði ekki einnig þrengd, hvaða áhrif
þrengingarnar hefðu á umferð sjúkrabíla og þar
fram eftir götunum.
Hjálmar Sveinsson, borgarfulltrúi og formað-
ur umhverfis- og skipulagssviðs, segir aðgerð-
irnar vera hluta af Hjólreiðaáætlun Reykjavík-
urborgar frá 2010 og í samræmi við stefnu
borgarinnar í umferðarmálum og aðalskipulag.
Sjálfstæðisflokkurinn lagði nýlega til í
borgarráði að hætt yrði við þrenginguna en
áætlaður kostnaður við framkvæmdina er 160
milljónir.
Morgunblaðið/Styrmir Kári
Margar spurningar íbúa Háaleitis og Bústaða
Sigurður Bogi Sævarsson
sbs@mbl.is
Aflýsa hefur þurft hundruðum ferða
hjá Flugfélagi Íslands á síðustu mán-
uðum vegna veðurs. Það var um
miðjan nóvember sem lægðir byrj-
uðu að streyma að landinu. Lætur
nærri að af þeim sökum hafi krappt
vetrarveður gengið yfir landið þriðja
hvern dag eða svo.
167 ferðum aflýst í febrúar
Og frá nefndum tímapunkti hafa
alls 559 ferðir hjá Flugfélagi Íslands
verið blásnar af eða þeim frestað,
flug frá til dæmis Reykjavík út á land
og til baka telst vera tvær ferðir.
„Flugið hefur sjaldan raskast
svona mikið,“ segir Ingi Þór Guð-
mundsson, forstöðumaður sölu- og
markaðssviðs FÍ, í samtali við Morg-
unblaðið. Í nóvember var 81 ferð
slegin af, 165 í nóvember, 89 í janúar
og 167 í febrúar. Og þó að aðeins séu
liðnir tólf heilir dagar af mars hefur
þurft að aflýsa 57 ferðum í mánuðin-
um.
Ingi Þór segir að í febrúar hafi um
40% allra ferða til Ísafjarðar verið
aflýst. Það sem hafi þó einna mest
áhrif sé hve veðrátta í höfuðborginni
hafi verið rysjótt. Oft hafi verið
hvasst og éljagangur – og því ekki
flugfært úr höfuðborginni eða ill-
mögulegt að lenda.
Gæti raskast næstu daga
„Veðrátta hér á suðvesturhorninu
er það sem sett hefur stórt strik í
reikninginn,“ segir Ingi Þór. Bætir
við að með tilliti til spáa um hvernig
vindar blási sé viðbúið að flugsam-
göngur gætu raskast eitthvað næstu
daga. Með hækkandi sól og lengri
degi muni þó væntanlega rætast úr
enda sé góð bókunarstaða fyrir
næstu daga og vikur.
Fjöldi flugferða blásinn af
 Á sjötta hundrað ferðum hefur verið aflýst eða frestað hjá Flugfélaginu
Morgunblaðið/RAX
Reykjavík Veðrið á suðvesturhorninu hefur sett strik í reikninginn.
Hæstiréttur sýknaði í gær norska fé-
lagið Havfisk af kröfu Glitnis. Hér-
aðsdómur Reykjavíkur hafði áður
dæmt Havfisk til að greiða Glitni
tæpa þrjá milljarða íslenskra króna.
Glitnir hafði haft milligöngu um að
selja skuldabréf útgefin af norska fé-
laginu Havfisk ASA á íslenskum
markaði. Samhliða gerðu málsaðilar
með sér gjaldmiðla- og vaxtaskipta-
samning, í því skyni að verja Havfisk
fyrir áhættu af breytingum á gengi
milli íslenskra og norskra króna og
verðbólgu hér á landi.
Havfisk rifti samningnum vegna
fyrirsjáanlegra vanefnda Glitnis, eft-
ir að Fjármálaeftirlitið setti bráða-
birgðastjórn yfir bankann í október
2008. Glitnir höfðaði þá mál á hendur
Havfisk til innheimtu skuldar skv.
samningnum og deilt var um riftun
og uppgjör. Hæstiréttur taldi Glitni
bundinn af riftunaryfirlýsingu Hav-
fisk þar sem réttmæt ástæða var fyr-
ir henni og var Havfisk því sýknað.
Sýknaðir af
þriggja millj-
arða kröfu
Góð loðnuveiði var í gær og
náðu mörg skip að fylla sig á
miðunum úti fyrir Breiðafirði.
Rúmlega tugur skipa var að
veiðum í gær, en önnur að ljúka
löndun. Skipin fengu góða
hrognaloðnu í bland við loðnu
sem átti lengra eftir í hrygn-
ingu. Það gefur fyrirheit um að
hrognaloðna veiðist út næstu
viku að minnsta kosti.
Fyrstu skipin náðu að kasta
snemma í gærmorgun er veður
gekk niður. Menn gerðu sér von-
ir um að veiðiveður yrði fram yf-
ir hádegi í dag, en veðrið hefur
verið mikill áhrifavaldur á
loðnuvertíðinni og vonskuveður
er í veðurkortunum fyrir Breiða-
fjörð eins og annars staðar.
Góð loðnuveiði
LOKS LÆGÐI Á MIÐUNUM