Morgunblaðið - 13.03.2015, Blaðsíða 21

FRÉTTIR 21Erlent
MORGUNBLAÐIÐ FÖSTUDAGUR 13. MARS 2015
Þórdís Ósk Helgadóttir & Reynir Sýrusson
Sy ru sson Hönnunar hús
Síðumúla 33
Þér er boðið í partý í kvöld
Daniel Byström og Kristján Kristjánsson
Sonja Design
Þóra Silla
Þuríður Ósk Smáradóttir
Orka, dugnaður og áræðni hefur einkennt íslenska
hönnuði í sköpun sinni á líðandi ári. Þetta endurspeglast í
spennandi samsýningu hönnuða sem haldin verður í
Syrusson hönnunarhúsi Frá 12-15 mars í Síðumúla 33.
Syrusson hönnunarhús býður þig velkomin í
Stórskemmtilegt opnunarhóf frá 18:00-22:00 i kvöld
föstudaginn 13 mars. fjölbreyttar nýjungar verða til
sýnis í húsgögnum, ljósum, gjafavörum og öðrum
listrænum munum, Gestir fá tækifæri til að kynnast hinu
magnaða Logy nuddtæki og verða einnig veitingar í boði.
Hlökkum til að sjá ykkur.
Bogi Þór Arason
bogi@mbl.is
Í nýrri skýrslu hjálpar- og mannrétt-
indasamtaka eru ríki heims gagn-
rýnd fyrir að hafa brugðist sýr-
lensku þjóðinni og látið hjá líða að
framfylgja ályktunum öryggisráðs
Sameinuðu þjóðanna vegna stríðsins
í Sýrlandi.
Stríðshörmungunum í Sýrlandi er
lýst sem „smánarbletti á samvisku
alþjóðasamfélagsins“ í skýrslu 21
samtaka, þ.á m. Barnaheilla og Ox-
fam. Meðal annars er skírskotað til
þess að öryggisráðið samþykkti
þrjár ályktanir á síðasta ári þar sem
allar fylkingarnar í stríðinu voru
hvattar til að vernda óbreytta borg-
ara og tryggja hjálparstofnunum að-
gang að milljónum Sýrlendinga sem
þurfa á hjálp að halda. „Þessar álykt-
anir, og vonirnar sem þær vöktu,
hafa þó verið innantómar og einskis-
virði fyrir sýrlenska borgara. Fylk-
ingarnar í stríðinu, önnur aðildarríki
Sameinuðu þjóðanna og jafnvel ríki í
öryggisráðinu hafa hunsað ályktan-
irnar eða grafið undan þeim.“
„Svik við hugsjónir okkar“
Alls hafa minnst 210.000 manns
látið lífið af völdum stríðins í Sýr-
landi frá því að það hófst fyrir fjórum
árum, þeirra á meðal að minnsta
kosti 65.146 óbreyttir borgarar, þar
af 10.664 börn.
Þessar tölur byggjast á upplýsing-
um sem mannréttindasamtökin
Syrian Observatory for Human
Rights hafa safnað í Sýrlandi. Sam-
tökin segja að tala látinn sé senni-
lega „miklu hærri“ vegna þess að
ógerningur sé að safna upplýsingum
á sumum svæðum sem eru á valdi
einræðisstjórnarinnar eða liðs-
manna Ríkis íslams, samtaka íslam-
ista. Þar að auki sé ekki vitað um af-
drif 20.000 manna í fangelsum sem
eru alræmd fyrir illa meðferð á föng-
um.
Hjálparstofnanir Sameinuðu þjóð-
anna segja að um 11,4 milljónir
manna hafi flúið heimkynni sín
vegna stríðsins í Sýrlandi. Þar af
hafa nær fjórar milljónir Sýrlend-
inga flúið til grannríkjanna, en nær
átta milljónir eru á vergangi í Sýr-
landi. Alls þurfa um tólf milljónir
manna á hjálp að halda í Sýrlandi til
að lifa af, að sögn Flóttamannastofn-
unar Sameinuðu þjóðanna. Um 4,8
milljónir þeirra eru á svæðum þar
sem erfitt er fyrir hjálparstofnanir
að veita fólkinu aðstoð og 212.000
manns í bæjum sem eru í herkví.
Hjálparsamtökin segja að ástand-
ið í Sýrlandi haldi áfram að versna
og ríki heims hafi aðeins lagt fram
57% af því fé sem óskað var eftir
vegna hjálparstarfsins á síðasta ári.
„Þetta eru svik við hugsjónir okkar,
vegna þess að við ættum ekki að
horfa upp á fólk þjást og deyja í
hrönnum á árinu 2015,“ sagði Jan
Egeland, framkvæmdastjóri Flótta-
mannráðs Noregs og einn höfunda
skýrslu hjálparsamtakanna.
Hafa brugðist Sýrlendingum
 Hörmungunum í Sýrlandi lýst sem smánarbletti á samvisku þjóða heims í nýrri skýrslu hjálparsam-
taka  Að minnsta kosti 65.000 óbreyttir borgarar hafa látið lífið í stríðinu, þar af hátt í 11.000 börn
AFP
Tortíming Stúlkur ganga framhjá rústum byggingar á leiðinni heim úr skóla á vegum Barnahjálpar Sameinuðu
þjóðanna í borginni Aleppo sem er á valdi uppreisnarmanna. Margir skóla Sýrlands hafa verið lagðir í rúst.
Milljónir barna þjást
» Um 5,6 milljónir barna þurfa
á hjálp að halda vegna stríðs-
hörmunganna í Sýrlandi, 31%
fleiri en árið 2013.
» Meira en 2,4 milljónir barna
í Sýrlandi geta ekki gengið í
skóla vegna stríðsins.
» Fjórðungur allra skóla
landsins hefur eyðilagst eða er
notaður til að hýsa flóttafólk.
Rúmur helmingur allra sjúkra-
húsa Sýrlands hefur verið lagð-
ur í rúst.