Morgunblaðið - 19.03.2015, Side 17
FRÉTTIR 17Innlent
MORGUNBLAÐIÐ FIMMTUDAGUR 19. MARS 2015
ÚR BÆJARLÍFINU
Skapti Hallgrímsson
Akureyri
Miklar skemmdir urðu á gróður-
húsum á bænum Brúnulaug í Eyja-
fjarðarsveit í fyrrinótt. Eldur kvikn-
aði í lítilli byggingu, sem tengir
húsin, mjög líklega út frá rafmagns-
töflu. Í tengibyggingunni var pökk-
unaraðstaða og öll tæki þar eru
gjörónýt.
Gísli bóndi Hallgrímsson skaut á
það í gær að tjónið gæti numið 15
milljónum króna en enn er reyndar
ekki vitað hvað verður um upp-
skeruna. Paprikuræktun er í báðum
húsunum og til stóð að tína þær í
næstu viku.
Slökkviliðið á Akureyri og lög-
reglan voru kölluð út um tvöleytið í
fyrrinótt. Bærinn er um 17 kílómetr-
um sunnan Akureyrar. Anna Sigríð-
ur Pétursdóttir, kona Gísla, varð
eldsins vör, og sagði Gísli að eld-
tungur hafðu teygt sig á að giska 10
metra til himins. „Þetta getur þýtt
að maður er tekjulaus hálft árið,“
sagði Gísli í gær, en hann segist
reyndar vel tryggður. „Ég þumbast
með þetta en þetta er samt áfall.“
Boðið verður upp á nám í tölv-
unarfræðum við Háskólann á Akur-
eyri frá og með næsta hausti. Námið
er á ábyrgð og kennt af kennurum
tölvunarfræðideildar Háskólans í
Reykjavík, í samvinnu við kennara
við HA. Samningur þar að lútandi
var undirritaður á dögunum.
Um er að ræða tveggja ára dipl-
ómanám í tölvunarfræði. Til að ljúka
BSc-gráðu þyrfti að bæta við einu
ári við Háskólann í Reykjavík, „en
einnig má nýta diplóma í tölvunar-
fræði sem undirstöðu fyrir annað
nám í öðrum hvorum háskólanum“,
segir í tilkynningu frá HA.
Sýningin Ertu tilbúin, frú for-
seti? verður opnuð í Minjasafninu á
Akureyri á laugardaginn, í tilefni
100 ára afmælis kosningaréttar
kvenna á Íslandi. Sjónum er þar
beint að Vigdísi Finnbogadóttur,
fyrrverandi forseta lýðveldisins.
„Umkringd dökkklæddum jakka-
fataráðamönnum ruddi hún óhikað
brautir, hvort sem það var með orð-
um sínum eða verkum. Þessi
ímyndarsköpun lá ekki síst í vali
hennar á fatnaði og frá fyrsta degi
var hún tákn glæsilegrar nútíma-
konu,“ segir í tilkynningu frá safn-
inu, en Vigdís var, sem kunnugt er,
fyrsti lýðræðislega kjörni kven-
forseti í heimi.
Búningar opinberra embættis-
manna hér á landi eiga sér fyrir-
myndir hjá öðrum þjóðum og um
notkun þeirra gilda alla jafna reglur.
„Vigdís hafði engar slíkar fyrir-
myndir þegar hún var kjörin í emb-
ætti, né heldur meitlaða hugmynd
um hvernig fataskápur kvenforset-
ans ætti að vera,“ segir í tilkynn-
ingu.
Á sýningunni gefst tækifæri til
að kynnast þeim áherslum sem Vig-
dís lagði í fatavali og persónulegum
minningum úr forsetatíð hennar.
Einnig er þar að sjá fylgihluti, ljós-
myndir og gripi sem tengjast marg-
þættum störfum hennar sem for-
seta. Sýningin kemur frá Hönnunar-
safni Íslands og er sett upp í sam-
starfi við Minjasafnið á Akureyri og
unnin í samvinnu við Vigdísi Finn-
bogadóttur.
Hljómsveitin Skálmöld heldur
þrenna tónleika á Græna hattinum
um helgina. Þá fyrstu annað kvöld
og tvenna á laugardagskvöldið.
Þriðja hljóðversplata sveitarinnar,
Með vættum, kom út 31. október,
strax í kjölfarið fór hljómsveitin ut-
an í tónleikaferðalag og hefur ekki
leikið í lýðveldinu síðan. Þetta eru
því síðbúnir útgáfutónleikar.
Morgunblaðið/Skapti Hallgrímsson
Tjón Lögreglumenn skoðuðu verksummerki eftir eldsvoðann í gærmorgun.
Miklar skemmdir
í eldi á Brúnulaug
Anna Lilja Þórisdóttir
annalilja@mbl.is
Óvíst er hvort norska verður áfram
kennd við Háskóla Íslands. Fjár-
styrkur norskra stjórnvalda til
kennslunnar verður felldur niður,
en hann hefur náð yfir laun sendi-
kennara. Ekki er ólíklegt að áþekk-
ir styrkir til kennslu annarra Norð-
urlandamála falli einnig niður.
Norska hefur verið kennd í Há-
skóla Íslands frá árinu 1948 og í
tengslum við námið hefur orðið til
mikið menningarstarf, að sögn Gro
Tove Sandsmark sendikennara og
lektors í norsku.
Norska er nú kennd til BA-prófs
og að auki er hún hluti af meistara-
námi í norðurlandafræði.
„Því miður er þetta að gerast og
það er vegna ýmissa breytinga í
kerfinu,“ segir Gro. Styrkurinn
hefur verið greiddur út á vegum
stofnunar sem heyrir undir norska
menntamálaráðuneytið og nú hefur
verið ákveðið í sparnaðarskyni að
hætta að greiða hann. „Nú erum
við, hópur fólks bæði í Noregi og á
Íslandi, að reyna að finna lausn á
þessu. Ein hugmyndin er að löndin
skipti lektorslaununum á milli sín.“
Ef viðunandi lausn finnst ekki,
verður norska þá ekki kennd í HÍ?
„Nei, líklega ekki,“ segir Gro.
Geir Sigurðsson, varaforseti
deildar erlendra tungumála, bók-
mennta og málvísinda segir að
þessi styrkur sé nauðsynlegur til
að halda uppi kennslu í námsgrein-
inni.
Dýrmætt nám
Samkvæmt upplýsingum á vef-
síðu Háskóla Íslands eru 13 nem-
endur nú skráðir í norskunám. Geir
segir mikilvægt að einblína ekki á
fjöldann, hægt sé að nota fleiri
mælikvarða. „Hver og einn sá sem
leggur stund á tungumál er þjóð-
félaginu afar dýrmætur,“ segir
hann.
Danska og sænska eru einnig
kenndar við deildina og að sögn
Geirs hafa stjórnvöld í Danmörku
og Svíþjóð styrkt það nám. „Núna
bendir margt til þess að sá stuðn-
ingur gæti sömuleiðis verið í hættu,
að stjórnvöld þar fari að fordæmi
þeirra norsku,“ segir Geir.
Gætu þurft að
hætta að kenna
norsku í HÍ
Fjárstyrkur felldur niður Sama
gæti gilt um hin Norðurlandamálin
Geir
Sigurðsson
Gro Tove
Sandsmark
VerðlaunahönnunfráOticon
Glæsibæ | Álfheimum 74 | 104 Reykjavík | Þjónusta á landsbyggðinni | Sími 568 6880
| www.heyrnartækni.is |
Framúrskarandi tækni íOticonheyrnartækjumskilar
þérbestumöguleguhljómgæðumíólíkumaðstæðum.
NýjudesignRITEtækinerueinstakleganettoghafa
hlotiðalþjóðleghönnunarverðlaun.Njóttuþessað
heyraskýrtogáreynslulaustmeðheyrnartækisem
hentarþínumpersónuleguþörfum.
Fáðu þetta heyrnartæki
lánað í 7 daga
- án skuldbindinga
Fullkomin þráðlaus tækni
Engir hnappar
Auðvelt að handleika
Vatnshelt
Bókaðutímaí fríaheyrnarmælingu
ogfáðuheyrnartækitilprufuívikutíma
Sími5686880
Stórt skref verður stigið í 110 ára
sögu Verslunarskóla Íslands með
nýju skólaári en þá verður í fyrsta
sinn kennt eftir nýrri námskrá. Með
henni verða stúdentar nú útskrif-
aðir á þremur árum í stað fjögurra.
Boðið er upp á fjórar náms-
brautir til stúdentsprófs við skól-
ann; alþjóðabraut, lista- og nýsköp-
unarbraut, náttúrufræðibraut og
viðskiptabraut.
Verslunarskóli Íslands, sem
stofnaður var árið 1905, hefur út-
skrifað stúdenta frá árinu 1945.
Sameiginlegur kjarni gefur 97 ein-
ingar, brautarkjarni 60 einingar og
loks velja nemendur sér áfanga og
sérhæfa sig, sem gefur 50 einingar.
Til að fá svör við þeim spurn-
ingum sem kunna að vakna er 10.
bekkingum og forráðamönnum
boðið á opið hús í Verslunar-
skólanum í dag milli kl. 17:00 og
19:00.
Þriggja ára nám í Verslunarskólanum kynnt
á opnu húsi með 10. bekkingum