Morgunblaðið - 30.04.2015, Blaðsíða 14

14 FRÉTTIRInnlent
MORGUNBLAÐIÐ FIMMTUDAGUR 30. APRÍL 2015
Brynja Dögg Guðmundsdóttir Briem
brynjadogg@mbl.is
Verslunarkeðjan Zara hefur lækkað
vöruverð í verslunum sínum hér á
landi umtalsvert og nemur lækkunin
allt að 25%. Verslunin hafði lengi
reynt að ná betri samningum við er-
lendan birgi en virðisaukabreytingin
um áramótin varð til þess að samn-
ingar náðust og í kjölfarið gat versl-
unin lækkað vöruverð.
„Þegar virðisaukaskattur lækkaði
um áramótin komst á nýr samnings-
grundvöllur við Inditex sem er eig-
andi vörumerkisins og framleiðandi
vörunnar. Þetta tók sinn tíma en
skilaði sér að lokum og við höfum
skilað virðisaukabreytinguni og gott
betur til viðskiptavina okkar. Niður-
staðan er sú að 11-25% verðlækkun
er komin til að vera,“ segir Ingibjörg
Sverrisdóttir, rekstrarstjóri Zöru á
Íslandi.
Verðlækkun tók gildi 5. mars síð-
astliðinn og segir Ingibjörg að vör-
urnar muni ekki hækka aftur. Verð-
lækkunin leiði til þess að verðið hafi
færst mun nær því sem tíðkast í ná-
grannalöndum okkar en meðaltals-
lækkunin nemi 14%. Sem dæmi um
verðlækkun nefnir hún að bolur sem
áður fékkst á 2.295 krónur fáist nú á
1.995 krónur og skór sem fengust á
3.995 krónur kosti nú 2.495 krónur.
Hvatning fyrir aðrar verslanir
Haraldur Bergsson, rekstrar-
stjóri NEXT-verslunarinnar, telur
lækkun vöruverðs í verslunum Zöru
hvetjandi fyrir aðrar verslanir til að
herja á birgja um slíka samninga en
verslun NEXT er að hefja formlegar
samningaviðræður við sína birgja.
Segir Haraldur háa tolla og aðflutn-
ingsgjöld stærsta vandamálið í
verslunarrekstri. „Gjöldin gera
verslanir ósamkeppnishæfar við er-
lendar verslanir. Ef ég ber versl-
unina til dæmis við NEXT-verslun í
Bretlandi þá er samkeppnin mjög
erfið þar sem ekki er ekki lagður
virðisaukaskattur á barnafatnað þar
í landi. Það er ekki hægt að keppa
við verslanir erlendis,“ segir Har-
aldur.
Erfiður markaður hérlendis
Elísabet Inga Marteinsdóttir er
rekstrarstjóri Topshop, Dorothy
Perkins, Evans, Karen Millen og
Warehouse. Aðspurð um möguleika
verslananna til að ná áþekkum
samningi og Zara segir hún að lengi
hafi verið leitað eftir stuðningi frá
samstarfsaðilum erlendis. „Við höf-
um gert samstarfsaðilum okkar ljóst
í langan tíma hversu erfiður mark-
aðurinn er hérlendis og leitað eftir
stuðningi frá þeim.“
Bæði hún og Haraldur vona að
samningur Zöru setji gott fordæmi
og leiði til þess að samstarfsaðilar
erlendis verði tilbúnir að styðja
verslanir þeirra með samskonar
samningum.
Erlendir samningar
geta lækkað vöruverð
 Varanleg meðaltalslækkun í verslunum Zöru nemur 14%
 Gjöld og tollar skaða samkeppnisstöðu íslenskra verslana
Verðlækkun Fleiri fataverslanir hafa hug á að lækka verð. Ingibjörg
Sverrisdóttir, rekstrarstjóri Zöru, segir verðlækkunina varanlega.
Gjöld og skattar
» Gjöld á fatnað hér á landi
hafa lengi verið gagnrýnd.
» Fatnaður ber 24% virðis-
aukaskatt hér á landi, sem er
hið almenna þrep virðis-
aukaskattsins.
» Ýmsar tölur hafa heyrst
um hversu hátt hlutfall af
fatakaupum Íslendinga fer
fram erlendis, t.d. hafa kann-
anir sýnt að þau eru á bilinu
30-45%.
» Andrés Magnússon, fram-
kvæmdastjóri Samtaka versl-
unar og þjónustu, sagði fyrir
nokkrum mánuðum í frétt á
vef Landsbankans, að um
40% af innkaupum á barna-
fötum væru gerð erlendis.
Brynja Björg Halldórsdóttir
brynja@mbl.is
Kostnaður Skútustaðahrepps við að
uppfylla skilyrði laga og reglugerðar
um verndun Mývatns og Laxár í
Suður-Þingeyjarsýslu getur numið
um fjórðungi árstekna sveitarfé-
lagsins. Þetta segir Jón Óskar Pét-
ursson, sveitarstjóri. Honum þykir
eðlilegt að íslenska ríkið komi að
kostnaði af ítarlegri hreinsun skólps
í sveitarfélaginu.
Efla verkfræðistofa framkvæmdi
frumhönnun og kostnaðarmat vegna
fráveitukerfis í Reykjahlíð en sam-
antekt á því var lögð fram á fundi
sveitarfélagsins þann 15. apríl sl. Jón
Óskar segir að verkfræðistofan hafi
metið árlegan kostnað sveitarfé-
lagsins af svokallaðri ítarhreinsun
allt að 100 milljónum króna. ,,Vegna
laga um verndun Mývatns og Laxár,
sem og reglugerð sem sett var á
grundvelli þeirra er gerð krafa um
ítarhreinsun, sem er meiri en al-
mennt tíðkast,“ útskýrir hann.
Hann fundaði þann 16. apríl sl.
með umhverfisráðherra um málið.
„Okkur þykir eðlilegt að þegar ríkið
gerir auknar kröfur, skuli það koma
að kostnaðinum. Það er sanngirnis-
mál að okkar mati,“ segir hann og
bætir við að það sé einkennilegt að
láta lítið sveitarfélag á borð við
Skútustaðahrepp sitja eftir með um-
talsverðan kostnað. Hann kveður
ráðherra hafa tekið erindinu vel og
sýnt málinu stuðning.
Hann bendir á að Mývatn sé fyrir
margar sakir einstakt náttúrufyrir-
brigði. ,,Af þeim sökum er mjög
eftirsóknarvert fyrir allt Ísland að
þarna sé vel að málum staðið.“
Töluverður kostnað-
ur af skólphreinsun
 Ítarleg hreinsun get-
ur kostað Skútustaða-
hrepp um 100 milljónir
Ljósmynd/Birkir Fanndal
Mývatn Jarðböðin í góðu veðri.
Agnes Bragadóttir
agnes@mbl.is
„Laun starfsmanna sem kjararáð
ákveður hafa hækkað hlutfallslega
minna en laun á almennum vinnu-
markaði og laun ríkisstarfsmanna
sem ekki heyra undir kjararáð.
Þannig hafa laun þeirra síðast-
nefndu hækkað um um það bil 66%
frá miðju ári 2006 til loka árs 2014 en
laun embættismanna undir kjararáði
um tæp 50%. Laun forstjóra félaga í
eigu ríkisins eru svipuð nú og þau
voru árið 2010,“ segir í upphafi
fréttar á heimasíðu fjármála- og
efnahagsráðuneytisins.
Þar kemur fram að í tilefni af svari
við fyrirspurn frá Sigurði Erni
Ágústssyni til fjármála- og efna-
hagsráðherra um launaþróun þeirra
ríkisstarfsmanna sem kjararáð
ákveður og annarra starfsmanna á
sama tíma hafi ráðuneytið tekið sam-
an frekari upplýsingar um launaþró-
un þessara ríkisstarfsmanna. Um sé
að ræða embættismenn (þ.m.t. for-
stöðumenn ríkisstofnana), forstjóra
félaga í eigu ríkisins og alþingis-
menn og launaþróunin borin saman
við aðra opinbera starfsmenn og
starfsmenn á almennum vinnumark-
aði.
Fram kemur í fréttinni að laun al-
þingismanna hafi þróast líkt og laun
embættismanna þó hækkunin fyrir
tímabilið 2006-2014 hafi verið heldur
minni, eða um 38%.
„Forstjórar félaga í eigu ríkisins
færðust undir ákvörðunarvald kjara-
ráðs með lögum nr. 87/2009 og hafa
fengið laun samkvæmt ákvörðun
kjararáðs frá febrúar 2010. Í hópn-
um eru alls 29 forstjórar. Varlega
áætlað má gera ráð fyrir að laun for-
stjóranna hafi lækkað um 15% eftir
að þeir færðust undir kjararáð þó
vitað sé að laun einstakra aðila hafa
verið lækkuð meira. Laun forstjóra
félaga í eigu ríkisins eru svipuð nú og
þau voru árið 2010,“ segir orðrétt í
fréttinni á heimasíðu ráðuneytisins.
Launaþróun 2006-2014
180
170
160
150
140
130
120
110
100
90
80
Launavísitala: Starfsmenn á almennum vinnumarkaði Launavísitala: Opinberir starfsmenn
Embættismenn sem heyra undir kjararáð Þingmenn
Áætlað forstjórar Lög nr.87/2009
2006/07 2007/07 2008/07 2009/07 2013/072010/07 2011/07 2014/072012/07 2014/12
Heimild: Fjármála- og Efnahagsráðuneytið
Laun opinberra
forstjóra hafa
hækkað minnst
 Laun á almennum vinnumarkaði hafa
hækkað mest frá 2006  Laun opinberra
starfsmanna hafa hækkað næstmest