Morgunblaðið - Sunnudagur - 19.04.2015, Page 14

14 MORGUNBLAÐIÐ SUNNUDAGUR 19.4. 2015
Knattspyrna
S
æll herra Steinarsson.
Bókin er mikið þrekvirki og
enda þótt ég lesi ekki íslensku
hefur tölfræðin skilað mér
miklu magni af upplýsingum
sem mig hefur vantað frá því ég fékk
fyrst áhuga á íslenskri knattspyrnu seint
á áttunda áratugnum.
Kærar þakkir fyrir að gera svona góða
bók.
Bestu kveðjur,
Chris Hood.“
Þannig hljóðar bréf sem Sigmundi Ó.
Steinarssyni, höfundi bókarinnar Saga
landsliðs karla í knattspyrnu, barst frá
fásinninu í Blenheim á Nýja Sjálandi á
dögunum. Ekki er sjálfgefið að menn
fylgist grannt með íslenskri knattspyrnu
þar um slóðir og fyrir vikið setti Sunnu-
dagsblað Morgunblaðsins sig vitaskuld í
samband við bréfritara, Chris Hood, og
innti hann eftir þessum áhuga.
„Ég fékk fyrst áhuga á íslenskri knatt-
spyrnu árið 1979, þegar ég var sautján
ára. Ég er 52 ára núna,“ útskýrir Hood
en hann starfar sem dómritari við hér-
aðsdóm í Blenheim. „Ég rakst á grein í
tímaritinu World Soccer í mars það ár
og heillaðist af þeirri staðreynd að Ísland
ætti svo marga leikmenn í öðrum löndum
og að þjóðin hefði svo frambærilegu
landsliði á að skipa þrátt fyrir fámennið.“
Fylgist minna með
Íslandsmótinu
Þar með byrjaði hann að fylgjast með ís-
lenska landsliðinu og hefur ekki linnt lát-
um síðan. „Ég fylgist aðallega með lands-
liðinu en svolítið með Íslandsmótinu líka.
Ég á mér ekki beinlínis neitt uppáhalds-
lið en hefur alltaf þótt ÍBV spennandi.“
Áhugi Hoods er bundinn við karla-
landsliðið. Hann fylgist ekki með kvenna-
knattspyrnu.
Svo sem fram kemur í bréfi Hoods til
Sigmundar er hann forfallinn áhugamaður
um tölfræði og heldur þeim upplýsingum
kappsamlega til haga. „Ég á fjöldann all-
an af fótboltabókum hvaðanæva úr heim-
inum,“ segir hann.
Hood hefur hvorki komið til Íslands né
séð landsliðið spila með berum augum.
„Eina tenging mín við Ísland er sú að
Hrífst af
íslenskum
fótmenntum
úr fjarska
ÍSLENSKA KARLALANDSLIÐIÐ Í KNATTSPYRNU SÆKIR EKKI BARA
FYLGI SITT Í HAFNARFJÖRÐ, NESKAUPSTAÐ OG VOGA Á
VATNSLEYSUSTRÖND. Á NÝJA SJÁLANDI FYLGIST RÍFLEGA FIMM-
TUGUR MAÐUR, CHRIS HOOD, SEM ALDREI HEFUR KOMIÐ TIL
ÍSLANDS, MEÐ HVERJUM ÚRSLITUM OG ÞRÁIR AÐ SJÁ LIÐIÐ
SKILA SÉR Í ÚRSLIT Á EM 2016.
Orri Páll Ormarsson orri@mbl.is
frændi minn var þar um tíma í seinni
heimsstyrjöldinni með breska hernum.
Rætur mínar eru í Englandi en ég flutti
búferlum til Nýja Sjálands fjögurra ára
gamall.“
Auk Íslands hefur Hood að vonum
mestar taugar til enska og nýsjálenska
landsliðsins en á þessum lista er líka,
merkilegt nokk, landslið Grænhöfðaeyja.
„Ég fór að fylgjast sérstaklega með því
liði fyrir um fimmtán árum og það er
svo merkilegt að því hefur nú tekist að
komast í tvígang í úrslit Afríkumótsins.“
Minnstu munaði að Hood fengi
draumariðil á heimsmeistaramótinu í
Brasilíu í fyrra. Hefðu undanriðlarnir
spilast eins og þeir áttu að gera hefði
Brasilía verið í riðli með Nýja Sjálandi (í
stað Mexíkó), Íslandi (í stað Króatíu) og
Grænhöfðaeyjum (í stað Kamerún).
Það verður ef til vill síðar.
Hood kveðst því miður hafa sárafá
tækifæri til að sjá íslenska landsliðið
leika í sjónvarpi. Það komi þó fyrir að
ESPN-stöðvarnar, sem hann hefur að-
gang að, sýni leiki liðsins. „Ég held ég
hafi séð einn leik á síðasta ári.“
Ásgeir í mestu uppáhaldi
Spurður um uppáhaldsleikmenn nefnir
Hood strax Ásgeir Sigurvinsson. „Sér-
staklega vegna þess að hann heillaði ekki
Rangers í Skotlandi þegar hann æfði þar
sem unglingur en varð svo afburðamaður
í bæði Belgíu og Þýskalandi. Ef minnið
svíkur mig ekki var hann leikmaður árs-
ins í Vestur-Þýskalandi árið 1984.“
Mikið rétt.
„Arnór Guðjohnsen er í næstmestu
uppáhaldi hjá mér en hann varð atvinnu-
maður kornungur. Ég hef oft velt því
fyrir mér hvers vegna nafnið hans endar
á sen en ekki son.“
Hann er upplýstur um það.
Íslenska landsliðið er sem stendur í
öðru sæti í sínum riðli í undankeppni
Evrópumótsins, sem fram fer í Frakk-
landi sumarið 2016. Hood hefur að von-
um fylgst grannt með gangi mála í riðl-
inum og vonar innilega að liðið skili sér í
fyrsta skipti á stórmót. „Í því sambandi
held ég að allt muni velta á heima-
leiknum gegn Tékkum og útileiknum
gegn Hollendingum.“
Spurður hvort hann telji núverandi lið
það besta sem Ísland hefur átt um dag-
ana svarar Hood játandi. „Það er naum-
lega komið fram úr liðinu sem rétt missti
af sæti í úrslitum EM 2000.“
Lengi langað í liðsmynd
Hood ber mikið lof á bók Sigmundar um
landsliðið. Hún sé í einu orði sagt frá-
bær. „Ég skil auðvitað ekki orð í ís-
lensku en tölfræðin í bókinni er ómet-
anleg og nöfn allra leikmanna við
ljósmyndirnar. Það skiptir miklu máli.
Mig hefur lengi langað í ljósmynd af ís-
lenska landsliðinu. Mér hafa áskotnast
nokkrar leikskrár frá landsleikjum gegn-
um tíðina en í engri þeirra hefur verið
liðsmynd,“ segir hann.
Hood á einnig bæði bindi Sigmundar
um 100 ára sögu Íslandsmótsins í knatt-
spyrnu og nokkur bindi af Íslenskri
knattspyrnu eftir Víði Sigurðsson frá ní-
unda áratugnum.
„Ég keypti bindin tvö um Íslandsmótið
beint af Sigmundi sjálfum og ætlaði að
kaupa landsliðsbókina af honum líka en
þegar ég fékk ekkert svar setti ég mig í
samband við bókabúð í Reykjavík. Seinna
kom í ljós að Sigmundur hafði verið í
fríi í útlöndum og þess vegna hafði dreg-
ist að svara mér. Þegar hann gerði það
var ég þegar kominn með bókina í hend-
ur. Sigmundur hefur verið afar hjálplegur
og leyft mér að fylgjast vel með útgáfu-
málum sínum.“
Já, þær rata víða, bækurnar um ís-
lenskar fótmenntir.
Chris Hood hæstánægður með Sögu landsliðs karla í knattspyrnu eftir Sigmund Ó. Steinarsson
Sigmundur Ó. Stein-
arsson segir sjald-
gæft að menn utan
Evrópu óski eftir
bókum um íslenska
knattspyrnu, eins og
Chris Hood, en á
hinn bóginn veit
hann um stóran hóp
manna sem safna
upplýsingum um ís-
lenska knattspyrnu víðs vegar um Evr-
ópu. „Margir höfðu samband eftir að
þeir lásu um útkomu 100 ára sögu Ís-
landsmótsins í fréttablaði UEFA.
Sendar hafa verið bækur til „Íslands-
vina“ í Grikklandi, Ítalíu, Þýskalandi,
Frakklandi, Spáni, Austurríki, Dan-
mörku, Noregi, Tékklandi, Hollandi,
Belgíu, Skotlandi og Englandi,“ segir
hann.
Sigmundur segir marga hafa haft
samband og óskað eftir hinum ýmsu
upplýsingum. Einn Frakki hafi til dæm-
is óskað eftir að fá markaskorara og
dómara í öllum leikjum í efstu deild
karla frá tímabilinu 1954 til 1982.
Sigmundur Ó.
Steinarsson
Margir
áhugamenn
í Evrópu