Morgunblaðið - Sunnudagur - 19.04.2015, Qupperneq 25

19.4. 2015 MORGUNBLAÐIÐ SUNNUDAGUR 25
I
ngibjörg Erla Grétarsdóttir, margfaldur
taikwondo-meistari, er kempa vikunnar.
Hún keppir næst á Austrian Open í Aust-
urríki í maí.
Hvenær byrjaðir þú að æfa taekwondo?
Ég byrjaði að æfa árið 2002 eða þegar ég
var 8 ára.
Hversu oft æfir þú í viku?
Það er misjafnt, á keppnistímabilinu æfi
ég um átta til tíu sinnum í viku en á sumrin
æfi ég um fimm sinnum í viku.
Hentar taekwondo öllum?
Já, ég held að taekwondo henti körlum og
konum á öllum aldri. Taekwondo er mjög fjöl-
skylduvæn íþrótt og það er ekki algengt að
heilu fjölskyldurnar æfi saman.
Hvað er það besta við taekwondo?
Það sem mér finnst eitt af besta við taek-
wondo er að ég hef ferðast mikið til útlanda
vegna æfinga- og keppnisferða og kynnst
fólki frá hinum ýmsu löndum. Taekwondo er
líka mjög góð hreyfing og maður fær mikla útrás
á æfingum. Einnig er mikill agi og fólk öðlast
meira sjálfstraust.
Hver er lykillinn að góðum árangri?
Fólk þarf að hafa áhuga og metnað fyrir því
sem það er að gera. Það verður einnig að hafa
trú á sjálfu sér og vera tilbúið í að leggja allt í
sölurnar til þess að ná góðum árangri. Það er
líka mikilvægt að vera með gott fólk í kringum
sig, meðal annars fjölskyldu og vini sem styðja
mann í því sem maður er að gera, góða þjálfara
og æfingafélaga.
Hvernig heldurðu þér í formi þegar þú ferð í
frí?
Á sumrin tek ég um það bil einn og hálfan
mánuð í frí frá taekwondo. Þá fer ég í ræktina
um fimm sinnum í viku og geri alls konar lík-
amlegar æfingar til að byggja mig upp fyrir
næsta keppnistímabil.
Ertu almennt meðvituð um mataræðið?
Já, í taekwondo er keppt í þyngdarflokkum
þannig maður þarf að passa vel upp á matar-
æðið. Svo skiptir það líka miklu máli ef maður er
að æfa mikið að næra sig vel.
Hvaða óhollusta freistar þín?
Súkkulaði!
Hvaða gildi hefur hreyfing fyrir þig?
Hreyfing er stór partur af lífi mínu þar sem
ég eyði miklum tíma í æfingar. Þannig að það
má nánast segja að líf mitt snúist um hreyfingu.
Hver eru algeng mistök hjá fólki við æfingar?
Æfa of mikið og gleyma að huga að æfingum
sem fyrirbyggja meiðsli.
Hverjar eru fyrirmyndir þínar?
Fyrirmyndin mín í taekwondo er sænska taek-
wondo-konan Elin Johannsson, en hún er efst á
heimslistanum í sínum þyngdarflokki. Ég hef
verið mjög heppin að fá að æfa með henni
nokkrum sinnum á ári bæði í hennar félagi, Soo
Shim og í Team Nordic sem er blandað lið af
Norðurlöndum sem ég hef fengið að vera hluti af
síðliðin tvö ár.
Hver eru helstu íþróttaafrek þín?
Margfaldur Íslandsmeistari og fimmfaldur
Norðurlandameistari. Einnig hef ég tvisvar verið
í 5. sæti á EM unglinga, 17. sæti á HM unglinga
og unnið til fjölda annarra verðlauna bæði hér á
landi og erlendis.
Hvaða mót eða æfingabúðir eru næst á dag-
skránni hjá þér?
Það er lítið um mót og æfingabúðir núna á
næstu vikum vegna lokaprófa í skólanum. En
næsta mót hjá mér er Austrian Open í maí.
KEMPA VIKUNNAR INGIBJÖRG ERLA GRÉTARSDÓTTIR
Taekwondo er
fjölskylduvæn íþrótt
Morgunblaðið/Eggert
Sófar geta verið óþarflega freistandi, en langar sófalegur eru
ekki heilsueflandi. Gott er að setja sér reglu um hversu lengi
má liggja í sófanum, en standa svo upp og hreyfa limina
reglulega, jafnvel dansa fyrir framan sjónvarpið.
Upp úr sófanum*Heilsa er eins og peningar. Við gerumokkur ekki fulla grein fyrir fyrir hversumikilvæg hún er fyrr en við missum hana.
Josh Billings
Bandarískur maður reif sin í þumlinum á því
að spila Candy Crush í símanum sínum.
Maðurinn spilaði leikinn allan daginn á hverj-
um degi í sex til átta vikur og notaði alltaf
vinstri höndina til verksins. Þá hægri notaði
hann til allra annarra almennra verka. Þessi
endurtekna hreyfing varð til þess að sinin
rifnaði, ekki þar sem hún er þynnst eins og
oftast varðandi meiðsl á þumli heldur þar
sem hún er þykkust. Þetta kemur fram í
nýrri skýrslu í læknaritinu JAMA Internal
Medicine.
Í skýrslunni er nefnt að það sé óvenjulegt
að maðurinn hafi ekki fundið fyrir sársauka
áður en sinin rifnaði en talið er að fíkn hans í
Candy Crush hafi komið í veg fyrir sársauka.
Það að spila tölvuleiki gefur frá sér efni í
heilanum sem tengd eru ánægju og spennu
en þau geta líka virkað sem verkjalyf. Það er
því full ástæða til að gæta hófs í því að spila
tölvuleiki í símanum.
Candy Crush er vinsæll leikur og eyddu
spilarar 865 milljónum punda í leikinn árið
2014, samkvæmt frétt Guardian.
Candy Crush-
þumall
Candy Crush þykir ávanabindandi leikur.
- Þín brú til betri heilsu
Taktu í taumana og finndu þitt jafnvægi
Heilsuborg ehf. • Faxafeni 14 • 108 Reykjavík • Sími 560 1010
Hvað hentar þér? Hafðu samband og fáðu fría ráðgjöf
– Eru kílóin að hlaðast á?
– Er svefninn í ólagi?
– Ertu með verki?
– Líður þér illa andlega?
– Ertu ekki að hreyfa þig reglulega?
– ....eða er hreinlega allt í rugli?
www.heilsuborg.is
Neytendasamtökin Which? í Bret-
landi hafa komist að því að margar
samlokur og salöt frá stórversl-
unum og keðjum séu jafnvel óholl-
ari eða í það minnsta með fleiri ka-
loríum í en hamborgari á
skyndibitastað. Mikið er af salti, fitu
og sykri í þessum réttum þrátt fyrir
að oft séu þeir markaðssettir sem
hollur valkostur í hádeginu.
Þetta átti við um hádegisverð-
arrétti frá Pret a Manger, Caffe
Nero, Marks & Spencer og Asda.
Þetta gerist ekki síst úr af því að í
salatsósunum er oftar en ekki
majónes en í einni matskeið af
majónesi (15 g) eru 101 kaloría og
11 grömm af fitu. Til dæmis inni-
heldur Brie og beikon-samlokan frá
Caffe Nero fleiri kaloríur (624)
heldur en stór McDonald’s-
hamborgari með osti (518).
Þrjár af samlokunum sem
Which? skoðaði innihéldu fleiri en
þrjár teskeiðar af sykri, þeirra á
meðal Cheddar-samloka úr hand-
verksbrauði frá Pret.
Kjúklinga- og beikonsamloka úr
fjölkornabrauði frá M & S var með
alls 694 kaloríur og 37,1 g af fitu
sem er meira en Pizza Express-
margarítupizza (683 kaloríur og
22,5 g fitu). Það borgar sig sumsé
að lesa vel á umbúðirnar.
Brie og beikon-samlokan frá Caffe Nero er kaloríubomba.
Mynd/Wikimedia
Óhollar hollustulokur