Morgunblaðið - Sunnudagur - 07.06.2015, Side 18

Ferðalög
og flakk *Mílanófarar kvarta oft sáran undan háu verð-lagi í borginni. Næturklúbbar eru þar enginundantekning en fljótlega eftir að fjármála-kreppan skall á fyrir nokkrum árum tókuhópar fólks upp á því að dansa tangó á götumog torgum að kvöldlagi. Danssamkomur semþessar undir berum himni eru enn haldnar í
Mílanó og mætti taka upp í fleiri borgum en
stemningin ku vera góð.
Dansað á götum úti
M
argir leiða hugann að
Róm þegar ítalska
menningu ber á
góma og er það
skiljanlegt, enda borgin víðfræg
sögu sinnar og menningar
vegna. Mökkur ferðamanna sæk-
ir borgina heim á ári hverju og
falla aðrar ítalskar borgir þá
stundum í skuggann. Ein þeirra
borga er Mílanó sem helst er
þekkt sem háborg tísku en
borgin hefur hins vegar upp á
margt annað að bjóða. Þótt
verslanir séu oft nefndar sem
helsta aðdráttarafl borgarinnar
er þar ýmislegt annað hægt að
finna sér til dundurs.
Bókasafn frá 1609
Listasafnið Pinacoteca de Brera
er eitt fremsta safn Ítalíu og
geymir verk eftir ítalska málara
og myndhöggvara. Gera má ráð
fyrir að bókelskir ferðalangar
kunni að meta Ambrosiana-safnið
er hýsir bæði bækur og lista-
verk og var opnað í lok árs
1609. Borgina prýða einnig af-
spyrnufallegar byggingar á borð
við dómkirkjuna, Duomo di Mil-
ano, og óperuhúsið víðfræga, La
Scala. Fyrir fjörugri ferðamenn
má síðan benda á rómað nætur-
líf borgarinnar.
Hugað að pyngjunni
Mílanó varð illa úti í seinni
heimsstyrjöld en þykir nú öll
hin glæsilegasta enda helsta
miðstöð viðskipta á Ítalíu. Hafa
þarf þó í huga að verðlagning
er eftir því. Lítill vandi er þó
að lækka kostnað, t.d. með því
að forðast veitingastaði á hefð-
bundnum ferðamannastöðum sem
oft eru ekki einungis rándýrir
heldur bjóða oft einnig lakari
mat. Leigubílum má sleppa og
nýta þess í stað almennings-
samgöngur. Einnig er vert að
hafa það í huga að margt af því
besta er ókeypis, t.d. göngutúrar
um lystigarða borgarinnar.
AFP
Lystigarðurinn Parco Sempione er einn af fallegustu görðum
Mílanó. I baksýn sést Friðarboginn (ít. Arco della Pace).
SAGA, LIST, BÓKMENNTIR OG NÆTURLÍF
Menningar-
borgin Mílanó
ÞVÍ HEYRIST STUNDUM FLEYGT AÐ ÍTALSKA BORGIN MÍL-
ANÓ HAFI FÁTT UPP Á AÐ BJÓÐA FYRIR ÞÁ SEM EKKI
HAFA ÁHUGA Á HÁTÍSKU. ÞVÍ FER ÞÓ FJARRI OG BORGIN
VINNUR NÚ Á SEM NÚTÍMALEG MENNINGARBORG.
Guðrún Ingibjörg Þorgeirsdóttir gith@mbl.is
Þrátt fyrir að státa ekki af fornminjum á borð
við Colosseum Rómaborgar býður Mílanó
áhugamönnum um sagnfræði engu að síður
upp á ýmislegt
krassandi.
Borgin var til
dæmis áber-
andi í uppgangi
og falli fasism-
ans á síðustu
öld, en á torg-
inu Piazza San
Sepolcro kom hreyfing Mussolinis, Fasci di
Combattimenti, saman í fyrsta sinn árið
1919. Nokkru seinna og á öðru torgi horfðu
málin öðruvísi við, þegar lík Mussolinis,
Clöru Petacci, hjákonu hans, og nokkurra
annarra leiðtoga fasista voru hengd upp á
hvolfi árið 1945 á torginu Piazzale Loreto.
Torg þessi eru öllu friðsælli nú á tímum, en
áhugaverð til upplifunar í ljósi sögunnar.
Horft yfir fjármála-
hverfi Mílanó af þaki
dómkirkjunnar.
Óperuhúsið La Scala í Mílanó er í fremstu röð á heimsvísu. Húsið sjálft er með frægari byggingum borgarinnar.
HEIMSSAGAN Í MÍLANÓ
Mussolini á hvolfi