Morgunblaðið - Sunnudagur - 07.06.2015, Page 20
Ein víetnömsk fjölskylda átti leið
hjá eyjunni okkar og veifaði.
Ljósmyndir/Edda Lárusdóttir
Þ
að kom á óvart, þar sem
við flæmdumst milli landa
í Suðaustur-Asíu með
bakpoka einan farangurs,
hversu fjölbreyttur þessi heims-
hluti í raun er. Mér hefði til
dæmis ekki getað dottið í hug
hversu ólíkir áfangastaðir Taíland
og Víetnam væru fyrr en ég var
lentur og á leiðinni frá flugvell-
inum í höfuðborginni Hanoí. Eftir
mánaðardvöl í Chiang Mai, Norð-
ur-Taílandi, var Víetnam við
fyrstu sýn eins og önnur pláneta,
ólíkt öllum hugmyndum sem ég
hafði gert mér upp heima á Ís-
landi. Kommúnísk áróðursplaggöt,
frönsk áhrif í byggingarlist og
allt önnur tunga, menning og
matargerð mættu manni í einu
vetfangi eins og löðrungur. Næstu
þrjátíu dagar áttu eftir að verða
þeir allra eftirminnilegustu í ferð-
inni um þennan kynngimagnaða
heimshluta.
Völundarhúsið Hanoí
Hanoí var eins og áður sagði það
fyrsta sem mætti okkur. Það er
erfitt að koma orðum að því
hvernig allt viðmót og andinn yfir
öllu virtist allt annar en á Taí-
landi, hvað þá heima á Íslandi. Í
miðbænum lykkjast ótal götur
saman í þröngri kös og að því er
virðist fullkominni óreiðu. Eins og
hálfgert völundarhús. Ég mæli
með því að hafa góða skó með-
ferðis, næla sér í kort af bænum,
sem eru víða ókeypis, og taka
a.m.k. einn dag í að labba um
gamla bæinn og sjá hvað verður
á vegi manns. Framandi hof með
kínversku letri ættu að vera auð-
fundin og fjöldi veitingahúsa er
alltaf handan við hornið.
Það getur verið upplifun í
sjálfu sér að sitja fyrir utan veit-
ingastað á fjölförnum vegamótum,
oft á pinkulitlum plastkollum sem
eru mikið notaðir í Víetnam, og
horfa á umferðina þjóta hjá. Kon-
ur með oddhvasa hatta munu
reyna að selja ykkur varning
sinn, sem venst fljótt, og aragrúi
reið- og mótorhjóla streymir hjá.
Ekki skemmir heldur fyrir að
bjórglas kostar hér um bil fjórtán
íslenskar krónur, en svokallaður
„bía hoí,“ ódýr bjór sem er
bruggaður daglega hjá mörgum
veitingastöðum, er eitt af sér-
einkennum Víetnam og þá sér-
staklega Hanoí.
Flói hinna þúsund eyja
Náttúrufegurðin í Víetnam er
gríðarleg og fjölbreytt eftir lands-
hlutum. Ef ferðinni er heitið frá
Hanoí eru tveir áfangastaðir
norðarlega í landinu sem allir
ferðamenn ættu að kynna sér:
fjallabærinn Sapa og Halong-flói,
„flói hinna þúsund eyja.“
Allnokkrar leiðir eru í boði til
að skoða flóann, eins og ein
heimsókn á ferðaskrifstofu í
Hanoí mun sanna. Persónulega
reyndi ég að forðast allar fyr-
irframgreiddar pakkaferðir og
mun því lýsa aðeins „frumlegri“
leið.
Við tókum strætó frá Hanoí til
hafnarborgarinnar Hai Phong,
sem okkur fannst ómerkilegt
pláss en þar mátti þó finna bát
til eyjarinnar Cat Pa, sem er fyr-
ir sunnan flóann fræga. Í ferjunni
kynntumst við einstaklega hress-
um áströlskum strák sem við átt-
um eftir að vera mikið með
næstu daga. Þegar til eyjarinnar
var komið gerðum við okkur glað-
an dag og leigðum kajak, keypt-
um nesti, drykki og klaka í fötu
og rerum milli aragrúa óbyggðra
smáeyja flóans á sólríkum degi. Á
einni þessara eyja fundum við
auða strönd sem við ákváðum að
yrði miðpunktur bátsferðarinnar,
og þar vörðum við deginum í vel-
lystingum. Við sáum ekki sálu á
ferð nema víetnamska fjölskyldu,
sem sigldi framhjá eyjunni okkar
og veifaði. Við sólarlag rerum við
aftur í höfn.
Heimagisting í fjallaþorpum
norðursins
Eftir ævintýrið í flóanum var
ferðinni aftur heitið til Hanoí og
þaðan norður til bæjarins Sapa.
Margir sem fara til Norður-
Víetnam hafa það fyrir augum að
ganga á fjöll, enda fegurðin þar
mikil og af öðrum toga en í
Halong-flóa. Aftur voru fjölmarg-
ar fyrirframgreiddar pakkaferðir í
boði sem við kepptumst við að
forðast, og mun ég því enn og
FRÁ ÞÚSUND EYJA FLÓUM TIL AFSKEKKTRA FJALLAÞORPA
Ævintýralandið
Víetnam
VÍETNAM ER ÁFANGASTAÐUR SEM ALLIR ÆTTU AÐ HAFA Í SIGTINU.
GÓÐUR MATUR, MENNINGARNAUTN OG NÁTTÚRUFEGURÐ BÍÐUR
MANNS HVARVETNA OG EINHVERN VEGINN VIRÐIST ALLTAF VERA
ÆVINTÝRI HANDAN VIÐ HORNIÐ, SÉ MAÐUR OPINN FYRIR SLÍKU.
Matthías Tryggvi Haraldsson mth@mbl.is
* Þeir sem fara á sambærileganflæking um Suðaustur-Asíu munueflaust kynnast því að ferðast með næt-
urrútu, en það er einstaklega ódýr en
óþægilegur ferðamáti.
Svona lítur dæmigerður
hrísgrjónaakur út í grennd-
inni við Sapa.
Gestgjafinn og húsmóðurin Xa
ásamt yngsta syninum. Heim-
ilislífið var skrautlegt þar á bæ.
20 MORGUNBLAÐIÐ SUNNUDAGUR 7.6. 2015
Ferðalög og flakk