Morgunblaðið - Sunnudagur - 07.06.2015, Page 26

E
rna Björk, sem nýlega opnaði sölusíðu á kisinn.is,
nýju vefsvæði sem býður hönnuðum og handverks-
fólki upp á að selja vörur sínar á netinu, segist
hafa byrjað að spreyta sig á mósaík sem unglingur.
„Allt er svo tilviljunum háð. Ég byrjaði sem unglingur að
vinna með steina og skeljar og gerði meðal annars mynd af
Bítlunum í gagnfræðaskólanum í gamla daga úr muldu
grjótisem þótti nokkð góð og vakti athygli.
Ég tók mér frí á meðan maður var að koma sér upp
heimili og fjölskyldu.
Það sem síðan ýtti við mér og kom mér að stað aftur var
það að árið 2002 fékk ég brjóstakrabbamein og þegar
ég var búin að ganga í gegnum lyfjagjöf og geisla-
meðferð þá fór ég í endurhæfingu hjá Ernu Magn-
úsdóttur iðjuþjálfa, sem nú rekur Ljósið.“ Erna
segir nöfnu sína hafa kveikt þennan neista aftur og
eftir það fór hún á námskeið til þess að læra mósa-
ík, fyrst hérna heima og síðan til Ítalíu í nokkrar
ferðir. „Sparkið þarna með brjóstakrabbann kom
mér af stað aftur og að kynnast Ernu Magnús-
dóttur sem kveikti neistann á ný.“
Erna sótti nám í skólanum Mosaic Art School á
Ítalíu, sem Lusiana Notturni rekur. Þar lærði hún
meðal annars gömlu aðferðina sem var notuð til forna
við að höggva niður marmara og nota smalti, gler sem
notað notað var í gömlu kirkjunum og er notað enn þann
dag í dag í veggskreytingar.
„Þegar ég kom heim fór ég að prófa mig áfram í að nota
íslenskt grjót og höggva það niður og nota í staðinn og það
þykir mér skemmtilegasti efniviðurinn. Svo af því að við
höfum ekki okkar hefð í mósaík þá langaði mig að reyna að
gera þetta svolítið íslenskt,“ segir Erna sem notast við ís-
lenska steina, grjót og skeljar í verk sín. „Íslenska grjótið
er mjög mismunandi, sumar bergtegundir vilja molna nið-
ur, en aðrar eru harðari í sér. Ég hef svolítið grófa áferð á
þessu og er ekkert að reyna að höggva þetta til svo að
þetta verði alveg slétt. Svo er ég líka að saga niður grjót
og nota flögur með og leik mér með þetta.
Þannig að það er bara gaman að spreyta sig á þessu og
litadýrðin er ótrúlega mikil.“
Erna segist jafnframt sækja innblástur í náttúruna og
landið sjálft. „Það fer eftir á hvaða tíma árs eða sólar-
hrings, eftir veðurskilyrðum. Það er alltaf einhver nýr flöt-
ur sem maður finnur á landinu. Ég held að það sé bara
spurning um að heillast af því sem er í kringum mann. Ef
ég sé fallega liti, hvort sem það er í garni eða mósaíkflísum
eða öðru, þá fer hugmyndaflugið af stað.“
Aðspurð hvað sé skemmtilegast við mósaík segir Erna
þessa óendanlegu möguleika í mósaík heilla einna mest.
„Það eru engin takmörk fyrir því hvað hægt er að gera.
Það er bara spurning um hugmyndaflugið. Það er í raun
hægt að nota hvað sem er í mósaík, ef þú ert með fallegt
efni í höndunum sem heillar þig, þá er gaman að prófa að
búa eitthvað til úr því á þennan hátt. Svo er tæknin líka
mjög mismunandi í mósaík en skemmtilegust finnst mér
þessi gamla aðferð sem ég lærði á Ítalíu.“
Erna Björk, sem er með góða að-
stöðu í bílskúrnum heima hjá sér,
nýtur þess að prófa sig áfram með
ýmis hráefni í mósaík.
Morgunblaðið/Eggert
Margvíslegar íslenskar bergtegundir og heillandi litaval má sjá í
verkum Ernu sem sækir innblástur í íslenska náttúru.
Falleg fiskamynd eftir Ernu gerð úr
íslensku grjóti.
Fallegur skeljavasi.
Erna fer mikið í
fjöruferðir og sækir
áhugaverðan efnivið.
Á Ítalíu lærði Erna að nota þá mósaík-
aðferð sem var notuð til forna.
BYRJAÐI AÐ VINNA MEÐ SKELJAR OG STEINA Á UNGLINGSALDRI
Engin takmörk í
mósaíkinni
ERNA BJÖRK ANTONSDÓTTIR LÉT DRAUMINN RÆTAST OG SKELLTI SÉR Á MÓSAÍKNÁM-
SKEIÐ Á ÍTALÍU TIL ÞESS AÐ LÆRA GÖMLU MÓSAÍKTÆKNINA. ERNA SEGIST ALLTAF HAFA
HAFT ÁHUGA Á MÓSAÍK EN HÚN NOTAST VIÐ ÍSLENSKT GRJÓT OG SKELJAR Í VERK SÍN.
Sigurborg Selma Karlsdóttir sigurborg@mbl.is
Heimili
og hönnun *Þau Einar Gylfason og Unnur Val-dís hjá hönnunarstofunni Leyni-vopninu hlutu nýverið gullverðlauní hinni alþjóðlegu Graphis-hönnunarkeppni. Hljóta þau verð-launin fyrir veggspjaldaröð, hann-aða fyrir Float, sem hefur verið
valin til birtingar í bókinni Graphis
Poster Annual 2016.
Leynivopnið hlýtur gullverðlaun