Morgunblaðið - Sunnudagur - 07.06.2015, Side 32

G
uðrún Helga Magnúsdóttir og Steinar Þór Þorfinnsson eru lífsglöð
hjón sem tóku nýlega við veitingastaðnum Krúsku, en þar er að
finna einstaklega góðan og hollan mat. Á dögunum héldu þau mat-
arboð fyrir starfsfólk sitt og maka þeirra inni á veitingastaðnum og
var það nokkurs konar fögnuður í tilefni af nýjum eigendum, en hjónin tóku
formlega við Krúsku 1. maí.
„Það hefur alltaf blundað í okkur sá draumur að stofna eða taka við okkar
eigin fyrirtæki,“ segir Guðrún Helga. „Þegar Valentína, fyrrverandi eigandi
Krúsku, kom með þessa hugmynd til Steinars ákváðum við eiginlega strax að
skella okkur í fyrirtækjareksturinn. Það var ekki spurning, bara að prófa þetta.
Lífsspeki mín er að gera það sem mann langar að gera og lifa lífinu svolítið létt,
ekki vera að stressa sig of mikið yfir einhverju sem gæti gerst heldur hafa trú á
því að það sem maður gerir virki. Maður kemst langt á jákvæðni og brosi.“
Krúska er fallegur staður þar sem er sérstaklega rólegt og gott andrúmsloft
og boðið er upp á heiðarlegan og góðan mat. „Á Krúsku færðu mat sem lætur
þér líða vel líkamlega eftir að hafa borðað hann. Einnig eru þar fallegir munir
sem við komum með á staðinn og er skemmtilegt að segja frá því að margir
hlutirnir eiga sér sögu og eru frá langömmu minni. Mér þykir gott að hafa muni
frá henni í kringum mig, þar sem langamma mín var ein besta kona sem ég hef
þekkt. Hún var ein fordómalausasta kona sem ég hef kynnst og ég trúi að hlut-
irnir hennar gefi Krúsku gæfu og góðan anda,“ segir Guðrún Helga.
Maturinn gerður alveg frá grunni
Steinar er matreiðslumeistari að mennt og hafði unnið á Krúsku í einhvern tíma
áður og þekkti því fyrirtækið og rekstur þess vel. Hann hefur unnið á mörgum
veitingastöðum bæjarins og er mikil matarunnandi. Guðrún er kennari með
meistaragráðu í mannauðsstjórnun og starfar sem stjórnandi í Brúarskóla. Sam-
an hafa þau unnið saman í veislugerð í mörg ár. „Ég hef brennandi áhuga á
hollum og góðum mat, mat sem er gerður alveg frá grunni. Krúska er einmitt
þannig veitingastaður og því gott tækifæri fyrir okkur til þess að koma hug-
myndum okkar á framfæri,“ segir Steinar. „Ein nýjung sem Krúska býður upp
á er veisluþjónusta, en þá sendum við út veislur fyrir öll tækifæri. Við setjum
veislurnar fallega upp og leggjum mikið upp úr því að maturinn sé gerður úr
besta fáanlega hráefninu. Það er greinilegt að fólk er hrifið af því að geta fengið
veislur sem eru búnar til frá grunni.“
Áhugi þeirra hjóna á hollu mataræði er mikill og hefur Steinar til að mynda
farið á ýmis námskeið í hollri matargerð og nýnorrænni matargerð. Þau eru
dugleg að elda matinn einnig frá grunni fyrir fjölskylduna þegar heim er komið.
Guðrún Helga og Steinar Þór
eru nýir eigendur veitingastað-
arins Krúsku á Suðurlandsbraut.
SANNKÖLLUÐ SMAKKVEISLA Á KRÚSKU
Kemst langt á
jákvæðni og brosi
* Ég hefbrennandiáhuga á hollum
og góðum mat,
mat sem er ekki
unninn heldur
gerður alveg frá
grunni.
NÝIR EIGENDUR HOLLUSTUSTAÐARINS KRÚSKU BUÐU
STARFSFÓLKI SÍNU UPP Á SMAKKVEISLU OG MYNDAÐIST
SKEMMTILEG STEMNING Í KRINGUM GÓÐAN MAT.
Gunnþórunn Jónsdóttir gunnthorunn@mbl.is
32 MORGUNBLAÐIÐ SUNNUDAGUR 7.6. 2015
Matur og drykkir
400 g saltfiskur
2 stk. kartöflur
1 laukur
1 dl hvítvín
1 dl rjómi
1 egg
1 tsk. pipar
Saltfiskurinn er roðrifinn og
skorinn í litla bita. Kartöflurnar
eru bakaðar, kældar og skorn-
ar í teninga. Laukurinn er sax-
aður og hitaður á pönnu (á ekki að brúnast). Saltfiskurinn fer á pönnuna
með lauknum, þá er hvítvíninu og rjómanum bætt á pönnuna. Hitað upp
að suðu og látið standa í um 5 mínútur. Að lokum er blandan sigtuð og
allt sett saman í hrærivél ásamt piparnum. Ef deigið er mjög blautt má
þurrka það með brauðraspi. Deigið er síðan mótað í kúlur og djúpsteikt.
Saltfiskbollur
HEIMATILBÚIÐ PESTÓ
1 búnt basilíka
½ búnt klettasalat
20 g furuhnetur
30 g parmesan
200 ml ólífuolía
salt eftir smekk
Basil, rucolasalat, furuhnetur og parmesanostur er sett
saman í matvinnsluvél og maukað. Að lokum er olíunni og
saltinu bætt út í og hrært saman við.
KJÚKLINGURINN
3 stk. chilli
3 hvítlauksgeirar
1 paprika
1 dl heimatilbúið pestó
Chilli, hvítlaukur og paprika er bakað í ofni með smá olíu
við 180 °C í 15 mínútur. Fræin eru þá hreinsuð úr chillíinu
og paprikunni eftir að hefur bakast í ofni. Allt sett í mat-
vinnsluvél og maukað saman, pestói er síðan blandað við
og sett á kjúklinginn (má láta bíða í einhvern tíma). Kjúk-
lingurinn er síðan grillaður eða bakaður í ofni, gott er að
setja límónusneiðar ef kjúklingurinn er bakaður í ofni.
Konfekttómötum og mozzarellakúlum er síðan raðað á
spjótin inn á milli.
Pestókjúklingur með mozzarellakúlum
og kirsuberjatómötum
Maturinn sló í gegn
enda afar girnilegur
og glæsilegur.