Dagblaðið Vísir - DV - 02.10.2009, Blaðsíða 45

Í viðtali við BBC árið 2004 má segja að Paul McCartney
hafi tekið af allan vafa um eðli lagsins Lucy in the Sky with
Diamonds þegar hann sagði berum orðum að „nokkuð
augljóst“ væri að lagið fjallaði í raun réttri um LSD.
helgarblað 2. október 2009 föstudagur 45
Lucy O’Donnell var, segir sagan, fjög-
urra ára þegar leikskólavinur hennar
málaði mynd af henni, í stjörnugeri
með krúsídúllur, og tók með sér heim
að sýna foreldrum sínum.
Drengurinn var Julian Lennon
og sagði hann föður sínum, John, að
myndin væri af Lucy uppi í himninum
með demanta.
Að sögn Johns Lennon varð mynd-
in kveikja að einu þekktasta lagi hljóm-
sveitarinnar the Beatles; Lucy in the
Sky with Diamonds. Umrædd Lucy
O’Donnell safnaðist til feðra sinna fyr-
ir nokkrum dögum og í kjölfarið varð
tilurð lags Johns Lennon enn á ný til-
efni vangaveltna, enda er að finna
skammstöfunina LSD í heiti lagsins og
textinn afskaplega sýrukenndur.
Staðfesting Julians Lennon
Í kjölfar útgáfu lagsins á plötunni Sgt.
Pepper’s Lonely Hearts Club Band
árið 1967 töldu aðdáendur Bítlanna
og fleiri, sennilega réttilega, sig heyra
lýsingu á ofskynjunum vegna neyslu
LSD og varð lagið afar umdeilt og
bannað af breska ríkisútvarpinu BBC
vegna meintrar skírskotunar til fíkni-
efnaneyslu.
Þegar John Lennon var spurður
um tilurð lagsins sagði hann söguna
um Julian, son sinn, sem kom heim af
leikskólanum með teikningu af Lucy,
leikskólasystur sinni. Í viðtali við tíma-
ritið Rolling Stone þvertók John fyrir
að heiti lags eða texti hefði nokkuð að
gera með LSD.
Síðar sagði Julian Lennon að hann
vissi ekki hvers vegna hann hefði kall-
aði myndina „Lucy – in the sky with di-
amonds“ en það mætti teljast ljóst að
hann hafi jafnvel verið skotin í þessari
leikskólasystur sinni.
Útskýring Pauls McCartney
Í viðtali við BBC árið 2004 má segja að
Paul McCartney hafi tekið af allan vafa
um eðli lagsins Lucy in the Sky with
Diamonds þegar hann sagði berum
orðum að „nokkuð augljóst“ væri að
lagið fjallaði í raun réttri um LSD.
Hvað sem þessari fullyrðingu Pauls
líður er ekki útilokað að teikning Ju-
lians hafi kveikt hugmyndina að lagi
Lennons. Vel getur verið að honum
hafi fundist að þarna væri um gott
lagaheiti að ræða. Í ljósi þess að hann
neytti LSD ótæpilega á þessum tíma
er ekki fráleitt að hann hafi, hvað sem
seinni tíma útskýringu hans líður, séð
skammstöfun ofskynjunarlyfsins í út-
skýringu sonar síns.
Áhrif Lewis Carroll
Sjálf var Lucy O’Donnell aldrei sátt við
lagið sem henni var gefið að hafa verið
hvatinn að og lái henni hver sem vill.
Í texta lagsins er ekki að finna margt
sem skírskotar til bernsku eða barns-
legrar skynjunar. „Mér finnst ég ekki
geta samsamað mig því. Mér líkar
það einfaldlega ekki. Ég get ekki séð
fyrir mér fjögurra ára barn hlaupandi
um með kviksjáraugu (kaleidescope
eyes). Það er ekkert vit í því,“ sagði
Lucy um lagið.
Lucy hefur ýmislegt til síns máls
því ofskynjunarkenndur texti lagsins
er meira í ætt við skrif rithöfundarins
Lewis Carroll en nokkuð annað sem
John lét frá sér, en Lennon mun hafa
haft mikið dálæti á Carroll á æskuár-
um sínum. Nokkrir texta Lennons frá
þessum tíma draga dám af Carroll
og má til dæmis nefna lagið I am the
Walrus, en þar leitar Lennon í smiðju
Carrolls, bókina Through the Look-
ing-Glass. Þess má til gamans geta að
síðar sagði Lennon í laginu Glass On-
ion: „The Walrus was Paul“, hugsan-
lega vegna þess að það hafði runnið
upp fyrir honum að rostungurinn var
ekki allur þar sem hann var séður.
Lennon einnig ósáttur
Líkt og Lucy var Lennon aldrei al-
mennilega sáttur við lagið þótt hans
óánægja grundvallaðist á öðrum sjón-
armiðum. Eftir að Bítlarnir lögðu upp
laupana lýsti Lennon vonbrigðum
sínum með endanlega útgáfu lagsins
og kvartaði yfir því að ekki hefði gef-
inn nægur tími til að fullvinna og þróa
upphaflega hugmynd hans að laginu.
Reyndar hafði John Lennon skýr-
ingu á því á reiðum höndum og skellti
skuldinni á LSD-neyslu sína á þeim
tíma sem hann sagði hafa valdið því
að hann varð undanlátssamur og
óvirkur í hljóðverinu.
Að auki, sagði Lennon í viðtali við
blaðamanninn Ray Connolly að hon-
um fyndist hann ekki syngja lagið vel.
En „mér líkar textinn“ sagði Lennon
við Connolly.
Lucy Richardson
En það eru fleiri en Lucy O’Donnell
sem eignaður hefur verið heiðurinn af
hugmynd Lennons að laginu Lucy in
the Sky with Diamonds. Lucy Richard-
son hét kona sem lést í júní 2005, 47
ára að aldri.
Lucy Richardson, sem taldi sig
einnig eiga tilkall til lags Lennons,
gekk í sama skóla og Julian Lennon í
Weybridge í Surrey á Englandi, og varð
síðar á ævinni leikstjóri. Á vef IMDb er
að finna eftirfarandi sögu: Lucy þessi
var nokkrum árum eldri en Julian og
rak fjölskylda hennar fornmuna- og
skartgripaverslun sem Lennon og hin-
ir Bítlarnir versluðu stundum í.
Lucy Richardson þekkti að sjálf-
sögðu hinn unga Julian og var gjarna
fengin til að stytta honum stundir og
gæta hans þegar hann sat og dundaði
sér við að draga línur á blað.
Halló Lucy
„Dag einn kom John Lennon í búðina
og sagði, „Halló, Lucy in the sky with
diamonds“, en þau [Lucy Richard-
son og fjölskylda] héldu að þetta væri
bara John eins og hann átti að sér. En
þegar lag með þessu sama nafni kom
út á Sgt. Pepper’s Lonely Hearts Club
Band, 1967, runnu á þau tvær grím-
ur. Og þegar Lennon útskýrði að hann
hefði fengið hugmyndina frá teikningu
sonar síns af stúlku sem hét Lucy, féll
síðasta púslstykkið á réttan stað, segir
á síðu IMDb og er þar vitnað í Mary,
systur Lucy.
Frásögn systur Lucy Richardson
en samhljóma frásögn Lennons hvað
varðar teikningu Julians, en hvort
teikning Julians er af Lucy Richardson
eða Lucy O’Donnell skal ósagt látið.
Að öllu þessu sögðu má fastlega
gera ráð fyrir að Lucy in the Sky with
Diamonds lýsi skynhrifum Lennons
vegna neyslu LSD, en hins vegar er allt
eins ekki útilokað að teikning Julians
af stúlku sem heitir Lucy, og er í himn-
inum með demanta, hafi kveikt hug-
mynd í huga Johns Lennon.
Lag Johns Lennon, Lucy in the Sky with Diamonds, hefur verið endalaus uppspretta vangaveltna. Sjálfur
sagði Lennon að hugmyndin að laginu hafi komið til vegna teikningar sem Julian, sonur hans, kom með
heim af leikskólanum. Flestir hafa, sennilega með réttu, leyft sér að efast um að jafnsakleysisleg teikning
hafi gefið af sér texta lagsins sem þykir í meira lagi sýruskotinn.
Nokkrir texta Lennons frá þessum tíma draga
dám af Carroll og má til dæmis nefna lagið I
am the Walrus, en þar leitar Lennon í smiðju
Carrolls, bókina Through the Looking-Glass.Lucy in the Sky
with DiamonDS
Teikning Julians Lennon af Lucy
Var lengi í fórum Cynthiu Lennon.
Lucy O’Donnell
Var aldrei sátt við
lagið Lucy in the
Sky with Diamonds.
John Lennon Ljósmynd
Richards Avedon frá 1968.
Dalvegi 2, Kóp. | Dalshrauni 13 Hfj. | S: 577 3333 | www.castello.is
Höfum opnað nýjan stað á Dalshrauni 13, Hfj.
20 % afsláttur af sóttum pizzum
Örugg og góð þjónusta í 25 ár.
MYND
Bæjarhrauni 26, Hafnarfirði
S: 565 4207 - Gsm: 893 5950
www.ljosmynd.is
Vandaðar
skólamyndatökur