Dagblaðið Vísir - DV - 20.11.2009, Blaðsíða 44

Paul John Knowles Paul John Knowles fæddist 1946 og var
handtekinn í fyrsta skipti átján ára að aldri. Í kjölfarið eyddi hann um sex mán-
uðum af hverju ári á bak við lás og slá fyrir hin ýmsu brot. Hann afplánaði dóm í
Raiford-fangelsinu í Flórída þegar hann hóf bréfaskriftir við Angelu Cocic, fráskilda
konu frá Kaliforníu. Angela heimsótti Knowles í fangelsið og áður en yfir lauk hafði
hún samþykkt að giftast honum og einnig pungað út nægu fé til að lögfræðingur gæti
náð honum úr fangelsi. Angela fékk bakþanka og lét sig hverfa. Að eigin sögn myrti Knowles í kjöl-
farið þrjár manneskjur á götum San Francisco. Lesið um Paul John Knowles í næsta helgarblaði DV.
Hommabaninn
Colin Ireland vildi verða raðmorðingi og hafði lesið að til að öðlast þann titil yrði að myrða að minnsta kosti
fimm manns. Ireland fann fórnarlömb sín á krá fyrir samkynhneigða karlmenn í vesturhluta Lundúna. Þrátt
fyrir að gæta ítrustu varúðar og hreinsa vel eftir sig að morði loknu yfirsást Ireland eitt lítið smáatriði.
„Hommabaninn“ Colin Ireland
fékk nafngift sína fyrir þær sakir
að fórnarlömb hans voru öll sam-
kynhneigðir karlmenn. Í ársbyrj-
un 1993, þá 39 ára að aldri, sór Ir-
eland eins konar nýársheit og hét
því að gerast raðmorðingi. Fyrir
hafði hann komist í kast við lögin
vegna innbrota og rána, en ákvað
að færa út kvíarnar. Þegar þar var
komið sögu bjó Ireland í Sout-
hend á Englandi en leitaði fórnar-
lambanna í Lundúnum, nánar til
tekið á Coleherne-kránni sem var
samkomustaður samkynhneigðra
karlmanna í vesturhluta Lundúna.
Coleherne-kráin var þekkt sem
staður þar sem karlmenn leituðu
rekkjunauta af sama kyni og skört-
uðu vasaklútum í hinum ýmsu lit-
um sem gáfu til kynna sérstakar
óskir þeirra. Fyrir einhverjar sakir
leitaði Ireland fórnarlamba sinna
í hópi þeirra sem vildu vera undir-
gefnir og höfðu áhuga á pyntinga-
og kvalalosta. Sú blanda gerði Ire-
land hægara um vik við að fjötra
fórnarlömbin með þeim hætti að
þau töldu að um kynlífsleik væri
að ræða.
Vel búinn til morðs
Colin Ireland hafði verið kvænt-
ur og síðar hélt hann því fram að
hann væri gagnkynhneigður og að
hann hefði einungis þóst vera sam-
kynhneigður til að geta vingast við
hugsanleg fórnarlömb. Hvort sem
það er rétt eður ei hefur ekki feng-
ist staðfest hvort hvatinn að morð-
unum hafi tengst kynlífi.
Colin Ireland var ávallt vel und-
irbúinn og við hvert morð hafði
hann í fórum sínum nauðsynlegan
útbúnað til verksins; reipi, hand-
járn og föt til skiptanna. Að morði
loknu þreif hann morðstaðinn
vandlega og gætti þess að hvorki
yrði mögulegt að finna tangur né
tetur sem tengt gæti hann við glæp-
inn. Einnig dvaldi hann í íbúðinni
til morguns með það fyrir augum
að vekja ekki grunsemdir með því
að yfirgefa hana um miðja nótt.
Tilkynnir sjálfur um morðið
Fyrsta fórnarlamb Irelands var
Walker, 45 ára danshöfundur, sem
hafði boðið Ireland heim til sín í
Battersea. Heim kominn var Walk-
er fjötraður og að lokum kæfður
með plastpoka. Ireland stillti upp
tveimur leikfangaböngsum í kyn-
ferðislegum stellingum á líki Walk-
ers. Hunda Walkers hafði Ireland
lokað inni í öðru herbergi.
Daginn eftir beið Colin Ire-
land óþreyjufullur eftir fréttum af
morðinu, en þær létu bíða eftir sér.
Á endanum hafði Ireland sjálfur
samband við stuðningssamtökin
Samaritans og blaðamann frá The
Sun og tilkynnti þeim um hunda
Walkers og að hann hefði drepið
húsbónda hundanna.
Þrjátíu og sjö ára bókasafns-
fræðingur, Dunn að nafni, féll
næst fyrir hendi Irelands. Í fyrstu
var talið að um slys væri að ræða
og að Dunn hefði dáið í kynlífsleik
sem fór úr böndunum. Að auki bjó
Dunn ekki á sama svæði og Walker,
aðrir rannsóknarlögreglumenn
rannsökuðu málið og því var dauði
bókasafnsfræðingsins ekki tengd-
ur morðinu á Walker.
Fjötrar nauðsynlegir
Colin Ireland hitti þriðja fórn-
arlamb sitt, Perry Bradley III, á
Coleherne-kránni. Bradley bjó
í Kensington og var sonur áber-
andi stjórnmálamanns frá Texas í
Bandaríkjunum.
Þegar þeir komu heim til
Bradleys hljóp snurða á þráðinn
því Bradley var ekki ginnkeyptur
fyrir pyntinga- og kvalalostaleikj-
um og nú voru góð ráð dýr.
Ireland greip til þess ráðs að
segja að hann væri ófær um að
stunda kynlíf án þess að fjötrar
kæmu við sögu. Bradley gaf eft-
ir með semingi og fyrr en varði
lá hann eins og bandingi í eigin
rúmi.
Ireland sagði Bradley að hann
væri einungis þjófur og krafðist
peninga af honum og fékk með
hótunum uppgefið leyninúmer og
aðrar bankaupplýsingar. Á tíma-
bili hvarflaði að Ireland að eira
Bradley, en hann hvarf frá þeirri
hugmynd og herti að snöru sem
hann hafði komið fyrir um háls
hans. Áður en hann yfirgaf íbúðina
setti hann dúkku á lík Bradleys.
Engin fjölmiðlafrægð
Ekki liðu nema þrír dagar þar til
Ireland myrti á ný, enda var hann
reiður því þrátt fyrir þrjú morð
hafði hann ekki uppskorið þá fjöl-
miðlafrægð sem hann taldi sig eiga
skilið. Á Coleherne-kránni hitti
Ireland Andrew Collier, 33 ára hús-
vörð, og fóru þeir saman heim til
Colliers í Dalston.
Rétt eftir að þeir komu heim til
Colliers urðu þeir varir við ólæti
fyrir utan og fóru báðir út í glugga
til að sjá hvað um væri að vera. Þá
greip Ireland um járnstöng sem lá
þvert fyrir gluggann. Hann gleymdi
að þrífa stöngina og á henni fann
lögreglan síðar fingraför hans.
Þegar Ireland hafði fjötrað
Collier krafðist hann upplýsinga
um bankaeikninga, bankakort og
leyninúmer, en Collier varð ekki
við kröfunni. Ireland brást hinn
versti við og hengdi kött Colliers
fyrir framan hann og gerði síðan
slíkt hið sama við Collier. Að því
loknu setti Ireland smokk á getn-
aðarlim Colliers og kom síðan fyr-
ir í munni kattarins, rófu kattarins
stakk hann upp í Collier. Einn-
ig stakk hann smokki upp í munn
Colliers, en slíkt hið sama hafði
hann gert við Walker og hugsaði
það sem vísbendingu til lögregl-
unnar. Í morgunsárið yfirgaf Ire-
land íbúðina með þau 70 sterlings-
pund sem hann hafði haft upp úr
krafsinu.
Fimm fórnarlömb nauðsynleg
Einhvers staðar hafði Ireland les-
ið að morðingi þyrfti fimm fórn-
arlömb til að teljast raðmorðingi
og fyrir valinu varð írskur kokkur,
Emanuel Spiteri. Líkt og áður fór
Ireland heim til fórnarlambsins og
þar féllst Spiteri á að vera fjötraður
og handjárnaður.
Ireland hafði ekki erindi sem
erfiði þegar hann krafðist upplýs-
inga um bankareikninga Spiteris
og viðhafði því engar málalenging-
ar og herti snöru að hálsi fimmta
fórnarlambs síns og var þar með
orðinn raðmorðingi.
Ireland hreinsaði íbúðina líkt og
áður, en bar síðan eld að henni og
yfirgaf vettvanginn. Síðar hringdi
hann í lögregluna og sagði henni
að hún myndi finna lík á staðn-
um og hnykkti út með því að hann
myndi sennilega ekki myrða á ný.
Fingraför fella Ireland
Lögreglunni tókst um síðir að
tengja morðin fimm og við rann-
sókn á morðinu á Spiteri kom í ljós
að Ireland hafði verið honum sam-
ferða heim og sýndu upptökur þá
saman á lestarstöðinni við Charing
Cross.
Þegar Ireland varð þetta ljóst
hafði hann samband við lögregl-
una og staðfesti að hann væri mað-
urinn sem var með Spiteri, en full-
yrti að hann hefði yfirgefið Spiteri
sem þá hefði verið í félagsskap
þriðja manns í íbúð sinni.
Það sem Colin Ireland ekki vissi
var að lögreglan hafði fingraför
hans sem hann hafði skilið eftir á
gluggastöng í íbúð Colliers.
Auðveld fórnarlömb
Ireland var ákærður fyrir morðið á
Collier og Spiteri, og játaði hin þrjú
á sig á meðan hann beið réttar-
haldanna í fangelsi. Að eigin sögn
var ástæða morðanna ekki sú að
hann hefði eitthvað á móti sam-
kynhneigðum karlmönnum, þeir
hefðu orðið fyrir valinu því þeir
væru auðveldustu skotmörkin.
Ireland sagðist hafa rænt þá sem
hann myrti til að fjármagna frekari
morð því hann hefði verið atvinnu-
laus á þeim tíma og það kostaði sitt
að ferðast til og frá Lundúnum í leit
að fórnarlömbum.
Colin Ireland var dæmdur til
lífstíðarfangelsis fyrir hvert morð
og játaði sök sína í öllum ákæru-
atriðum. Dómurinn var kveðinn
upp 22. desember 1993 og er Col-
in Ireland einn örfárra manna sem
ólíklegt er að nokkurn tímann fái
reynslulausn.
UmSJón: KoLbeinn þoRSteinSSon, kolbeinn@dv.is
44 föstudagur 20. nóvember 2009 saKamál
BakkaBræður
fyrir Börnin
Öllum börnum er
nauðsynlegt að
kynnast þessum
óborganlegu
bræðrum sem
svo rækilega hafa
greypt sig inn
í þjóðarvitund
Íslendinga.
SKRUDDA
Eyjarslóð 9 - 101 Reykjavík
s. 552 8866 - skrudda@skrudda.is
www.skrudda.is
Ireland brást hinn
versti við og hengdi
kött Colliers, fyrir
framan hann, og gerði
síðan slíkt hið sama
við Collier.
Fjötrar, sviðsett
mynd Fórnarlömb
irelands voru af
svipuðum toga.
Mynd PhoTos.CoM
Coleherne-kráin Fórnarlömbin sóttu
krána, en hún heyrir nú sögunni til.
hommabaninn Colin ireland sór
undarlegt nýársheit.