Dagblaðið Vísir - DV - 20.11.2009, Blaðsíða 49

lífsstíll 20. nóvember 2009 föstudagur 49
Verslanir komnar í jólagírinn Nú ættu allir að vera
farnir að huga að jólagjöfunum og víst er að nægt úrval er í boði
fyrir alla enda flestar verslanir komnar í jólagírinn. Kaupsýslukon-
an Svava í Sautján opnaði nýja risastóra Gallerí Sautján verslun
í Smáralind í gær og verða opnunartilboð alla helgina. Um að
gera að kíkja.
Börn vita fátt skemmtilegra en að fá
að taka þátt í smákökubakstrinum og
gaman er að leyfa þeim að skera út
sírópskökur og skreyta. Minningarn-
ar um skemmtilega stund í eldhús-
inu með mömmu og pabba munu
búa með börnunum alla tíð.
250 g smjör
250 g sykur
260 g síróp
2 stór egg
2 tsk.kanill
2 tsk. negull
3 tsk. kakó
2 tsk. matarsódi
2 tsk. lyftiduft
480-500 g hveiti
Hitið ofninn í 200°C. Setjið allt hrá-
efni nema matarsóda, lyftiduft og
hveiti í pott og hitið saman við lág-
an hita. Hrærið í þar til smjörið hefur
bráðnað og kælið þá blönduna lítil-
lega. Bætið hveitinu og lyftiefnunum
út í og hrærið vel saman. Kælið deig-
ið í 1 klst. Fletjið deigið út með köku-
kefli á hveitistráðu borði. Stingið
fígúrur út úr deiginu og raðið þeim
á bökunarpappírsklædda ofnplötu.
Munið að gera gat ef þið ætlið að
hengja kökurnar upp eða nota sem
pakkaskraut. Bakið í miðjum ofni
í u.þ.b. 3-5 mín. Skreytið e.t.v. með
glassúr.
Umsjón: Sigríður Björk Bragadóttir
Stílisti: Ólöf Jakobína Ernudóttir
Mynd: Karl Petersson
Úr eldhúsi Gestgjafans:
myndakökur
UmSjóN: HelGa KriStjáNSdóttir
daðraðu betur!
5 ráð
Hældu henni frumlega
Segðu henni að hár hennar minni
þig á frægt málverk án þess að fara í
of mikil smáatriði svo þú hljómir
ekki eins og betrumvitringur. ef hún
er voða sæt segðu henni þá að hún
sé með fallegar axlir. Hún er
örugglega komin með leið á
þessum týpísku gullhömrum sem
snúa að útliti hennar.
Náðu augnsambandi
Brostu til hennar með augunum.
Æfðu þig fyrst svo þú hræðir hana
ekki.
Mundu hvert atriði
leggðu á minnið allt í fari hennar.
Frá eyrnalokkum til skófatnaðar.
Þetta gæti komið sér vel næst þegar
þið hittist. Passaðu þig samt að vera
ekki of ákafur í upptalningunni svo
þú hljómir ekki eins og brjálæðingur.
Einbeittu þér
láttu henni líða eins og hún sé eina
konan á staðnum. ekki gleyma þér
og glápa á aðrar konur á meðan þú
daðrar við hana.
Slakaðu á
ekki vera ýtinn ef hún virðist ekki
vilja gefa þér upp símanúmerið sitt.
Hallaðu þér aftur á bak og reyndu
að kynnast henni í rólegheitum. ekki
láta líta út fyrir að hún eigi að verða
næsti sigur þinn.
tískudrósir selja
úr fataskápnum
Spennandi fatamarkaður verður
haldinn á laugardaginn í Þjóðleik-
húskjallaranum þegar nokkrar
skvísur úr tískubransanum ætla að
búa til pláss í fataskápnum sínum og
selja vel valdar gersemar. á meðal
þess sem verður í boði eru kjólar,
glingur, skinn, hattar, skór, töskur og
yfirhafnir og verður eflaust ekki
þverfótað fyrir pallíettum, leðri og
blúndum. „Við erum allar búnar að
vinna mikið bæði í second hand-
verslunum og öðrum tískubúðum
og þarna verður fullt af flottum
vörum bæði second hand og einnig
frá KronKron, andersen&lauth og
trilogiu,“ segir Berglind rögnvalds-
dóttir verslunarstjóri í Spútnik. Þessi
tryllti fatamarkaður hefst klukkan 11
og stendur til klukkan 17.
Doulan styður
þig og þína
„Áhuginn vaknaði eftir að ég var við-
stödd fæðingu hjá vinkonu minni
árið 2005. Þá kviknaði eitthvað inni
í mér og það varð ekki aftur snúið. Í
kjölfarið kynnti ég mér þetta betur.
Það var svo ekki fyrr en í byrjun árs
2007 sem ég ákvað að hætta að hugsa
og byrja að framkvæma,“ segir Soffía
Bæringsdóttir sem nýlega lauk námi
sem fæðingar-doula frá Childbirth
International. „Ekkert íslenskt orð
er til yfir doulu og ekkert orð til sem
nær almennilega yfir það og ég óska
bara hér með eftir góðu íslensku orði
yfir þetta,“ segir Soffía og bætir við
að „doula“ sé stuðningsaðili fæðandi
konu eða fjölskyldu.
„Doula veitir konunni og verðandi
fjölskyldu andlegan stuðning en hef-
ur ekkert klínískt hlutverk. Hún segir
engum til né tekur ákvarðanir. Áhersla
doulu er að vera til staðar, hlusta og
veita upplýsingar og ráðgjöf. Hennar
hlutverk er að vera hvetjandi í fæð-
ingunni og hjálpa konum í gegnum
fæðingarferlið með hvatningu, líkam-
legri snertingu og nuddi.“
Soffía segir fimm doulur starfandi
á Íslandi. Hún segir lækna og ljós-
mæður þekkja til starfseminnar enda
sé þetta þekkt í löndunum í kringum
okkur. „Fæðingar-doulur hafa verið
til í mörgum menningarsamfélögum
í langan tíma en þetta er tiltölulega
nýtt á Íslandi. Ég efast samt ekki um
að þörfin hér sé mikil. Mín tilfinning
er að hér á landi séu það frekar kon-
ur sem hafa átt barn áður sem sækja
þjónustu doulu eða þær sem þekkja
vel til þeirra, hafa til dæmis búið er-
lendis. Það stafar líklega af því hve ný
þessi þjónusta er. Í nágrannalönd-
um okkar er þessi munur ekki eins
greinanlegur og konur nýta sér þjón-
ustu doulu óháð fyrri fæðingum og
reynslu. Hins vegar skiptir ekki máli
hvort þú ert að fæða í fyrsta skipti eða
fjórða, rannsóknir sem gerðar hafa
verið eru allar doulum í hag.
Þegar doula er viðstödd styttist
fæðingarferlið umtalsvert, það eru
færri inngrip og almenn upplifun
betri. Eins eru konur í minni hættu
á að fá fæðingarþunglyndi ef doula
er viðstödd og reynslan hefur sýnt að
álagið á feðurna minnkar þegar doula
er á staðnum,“ segir Soffía en bætir
við að doulan komi engan veginn í
stað föðursins.
„Doula er kona sem veit mikið
um fæðingar, einhver sem þú þekkir
og treystir. Sama hvort fæðingin tek-
ur tvo tíma eða þrjá sólarhringa þá er
hún með þér allan tímann. Ég man til
dæmis eftir því þegar að ég átti von
á stelpunni minni hvað ég óttaðist
vaktaskiptin á sjúkrahúsinu þrátt fyrir
að vita og hafa fengið að kynnast því
að íslenskar ljósmæður eru á heims-
mælikvarða. Starf doulunnar bygg-
ir á því hvað pörin vilja og þá skipt-
ir ekki máli hvort þú kýst fæðingu á
sjúkrahúsi eða heima, hvort um er að
ræða keisarafæðingu eða vatnsfæð-
ingu. Doulan er bara þarna til þess að
styðja þig og þína.“
Soffía segir douluna koma heim til
fólks svo þau kynnist vel áður en fæð-
ingin fari fram. „Við förum ítarlega yfir
óskir og væntingar foreldra til fæðing-
ar og leggjum drög að fæðingaráætl-
un. Þegar stóra stundin rennur upp
kem ég um leið og nærveru minnar er
óskað og verð þar til mín er ekki leng-
ur þörf. Við hittumst svo eftir fæðing-
una og hversu oft er undir hverjum
og einum komið. Ég býð líka upp á
að koma án fyrirvara sé þess óskað til
dæmis ef eitthvað óvænt kemur upp
á. Doula vill bara vera til taks þegar á
þarf að halda.“
Hægt er að fá nánari upplýsingar á
hondihond.net og á netfanginu soff-
ia@hondihond.net.
Soffía Bæringsdóttir starfar sem fæðingar-doula. Starf doulunnar felst í því að vera
hvetjandi í fæðingu og hjálpa konum í gegnum fæðingarferlið með hvatningu, líkam-
legri snertinu og nuddi.
Fæðingar-doula Soffía
Bæringsdóttir lauk nýlega
námi sem fæðingar-doula frá
Childbirth international.
H&N-MyNd dV MyNd/RóBERt REyNiSSoN
Smákökur Byrjaðu fyrr en seinna.