Dagblaðið Vísir - DV - 03.09.2010, Page 4

Systurnar Thelma og Rut Ásdísar-
dætur opna nú um helgina Dreka-
slóð sem er ný þjónustumiðstöð
ætluð þolendum ofbeldis. Þær hafa
undanfarna daga unnið hörðum
höndum að því að setja upp hús-
næði þeirra í Borgartúni fyrir opn-
unina. „Við erum þar í húsnæði sem
er nýstandsett fyrir okkur. Ég næ ekki
brosinu af andlitinu,“ segir Thelma í
samtali við DV.
„Drekaslóð verður ekki bara fyrir
fórnarlömb kynferðisofbeldis heldur
fyrir þolendur alls kyns ofbeldis og
aðstandendur þeirra til þess að koma
og vinna úr sínum málum,“ segir
Thelma .Hún hefur langa reynslu af
því að vinna með fórnarlömbum of-
beldis og hefur meðal annars unnið
í Kvennaathvarfinu, Stígamótum og
verið með ráðgjöf í Krýsuvík um kyn-
ferðisofbeldi. „Ég hef kynnst þess-
um málaflokki ansi vel. Ég er þó ekki
ein og við erum margar sem höfum
mikla reynslu og teljum okkur vita
hvað vanntar enn hér á landi,“ segir
Thelma.
Meiri þjónusta fyrir fórnarlömb
Thelma segir að hugmyndin með
Drekaslóð sé að fórnarlömb geti
fengið meiri þjónustu en fólk fær í
Stígamótum. „Í Stígamótum fær fólk
grunnþjónustu en við viljum bjóða
upp á mun meira. Við verðum með
fjölbreytt hópastarf, námskeiðahald,
fræðslu, fyrirlestra og ýmislegt. Það
verður margt sem verður örðuvísi hjá
okkur,“ segir Thelma.
Karlmenn verða hvattir til þess að
koma í Drekaslóð og verða samtök-
in með karlmann í vinnu sem getur
tekið viðtöl við karlmenn sem leita
til þeirra vegna ofbeldis. „Við viljum
einnig hvetja fatlað fólk til að koma,
við erum með mjög gott aðgengi fyrir
hjólastóla. Það sama á við um heyrn-
arlausa. Við höfum orðið vör við að
fatlaðir og heyrnarlausir leiti sér ekki
hjálpar. Meðal fatlaðra og heyrnar-
skertra eru ofbeldismál þó algeng.
Það á ekki síst við um kynferðisof-
beldi. Einhverra hluta vegna hafa
fatlaðir ekki skilað sér vel. Við ætlum
að vinna í því að koma til móts við
það fólk. Við verðum til dæmis með
okkar eigin táknmálstúlk á staðnum
sem tekur viðtöl við skjólstæðinga
þannig að það verður ekki þriðja
manneskja í viðtalsherberginu,“ seg-
ir hún.
Hver er sérfræðingur í sínu lífi
Fastir starfsmenn Drekaslóðar verða
tveir til að byrja með, systurnar
Thelma og Rut. Starfsemin bygg-
ist ekki á sálfræðimeðferð eða geð-
læknishjálp heldur munu þær byggja
á eigin reynslu líkt og gert er í Stíga-
mótum og fleiri stöðum. „Við lítum
svo á að hver og einn sé sérfræðing-
urinn í sínu lífi. Ég lít á mig sem fag-
manneskju þótt ég hafi ekki diplóma
upp á það,“ segir hún.
Auk systranna verða nokkrir aðr-
ir starfsmenn sem standa fyrir fjöl-
breyttu starfi hjá Drekaslóð. Thelma
segir að þær muni njóta liðsinnis
reynslumikils fólks sem stendur fyrir
hópastarfi, bæði fyrir byrjendahópa
og einnig fyrir framhaldshópa.
Leita styrkja
Rekstur Drekaslóðar verður að mestu
byggður upp á styrkjum og fjáröflun-
um. Um helgina stendur starfsfólk
Drekaslóðar fyrir kortasölu til styrkt-
ar starfseminni. „Við ætlum að útbúa
lítil kærleikskort sem við seljum svo
fyrir 500 krónur til að styrkja starf-
semina.“
Thelma segir útséð um að þjón-
ustan í Drekaslóð verði ókeypis jafn-
vel þótt það hafi verið draumurinn.
„Á meðan við erum að ströggla verð-
um við að rukka fyrir þjónustuna. Við
munum þó halda því öllu í algjöru
lágmarki. En við höfum líka fundið
að fólk kemur og vill gjarnan fá að
borga fyrir.“
Ofnæmi fyrir VG
n Jónas Þór Guðmundsson, fyrrver-
andi sjómaður frá Eskifirði, veiktist
illa fyrir nokkrum mánuðum og var
lagður hálfmeð-
vitundarlaus inn
á Landspítal-
ann. Sjómaður-
inn fyrrverandi
er gallharður
sjálfstæðismað-
ur. Þegar hann
var að komast
til meðvitundar,
stóð hjúkrunarlið við sjúkrabeðinn
og reyndi að ná sambandi við hann.
Meðal þess sem sjúklingurinn var
spurður um var það hvort hann hefði
ofnæmi fyrir einhverju. Þá mun sjúk-
lingurinn hafa lifnað við og svaraði
hann að bragði: „Jú, Vinstri grænum.“
ÖGmundur
yfirkÖttur
n Það þykir vera löngu tímabær
snilld að koma Ögmundi Jónassyni
alþingismanni aftur inn í ríkisstjórn.
Ögmundur stýrir
honum ógur-
lega kattaher
órólegu deildar-
innar innan VG
og hefur þannig
getað brugðið
fæti fyrir stjórn-
ina í fjölmörgum
málum. Nú þegar
Ögmundur fær sína rjómaskál er víst
að ró færist yfir hópinn. Sjálfur mun
Ögmundur veita ólíklegustu málum
brautargengi, ýmist með samþykkt
eða hjásetu.
máVastríð
aðstOðarmanns
n Þegar tekist hefur að hneppa Ög-
mund Jónasson í nauðsynleg bönd
stendur í rauninni aðeins eitt stórt
vandamál eftir hjá forsætisráðherra.
Hrannar B. Arnarsson, aðstoðarmað-
ur Jóhönnu Sigurðardóttur, hefur
mánuðum saman barist við mávag-
er sem gjarnan er utan við Stjórnar-
ráðið. Til að uppræta ófögnuðinn lét
Hrannar handtaka mótmælanda sem
stundaði þá ólánsiðju að gefa mávun-
um og laða þá að. Ástandið mun hafa
versnað og heyrist úr ráðuneytinu að
stríð Hrannars við máva og mótmæl-
endur færist bara í aukana.
Jón ásGeir til
bJarGar
n Það er óhætt að segja að kaup-
sýslumaðurinn Jón Ásgeir Jóhann-
esson hafi skorað feitt með því að
ráða Spaugstofuna inn á Stöð 2 eftir
að Páll Magnússon hafði hrakið þá
út af RÚV. Blaðamannafundur sem
haldinn var af tilefni þessa var þó
dálítið hjákátlegur þar sem það var
Ari Edwald, forstjóri 365, sem kynnti
ákvörðunina. Enginn er í vafa um
að aðaleigandinn, Jón Ásgeir, ákvað
þetta og setti Ara verkefnið fyrir. Það
hefði því verið langeðlilegast að at-
hafnamaðurinn hefði sjálfur mætt á
blaðamannafundinn.
sandkorn
4 fréttir 3. september 2010 föstudagur
Systurnar Thelma og Rut Ásdísardætur opna nú um helgina nýja þjónustumiðstöð fyrir
þolendur ofbeldis. Hún hefur fengið nafnið Drekaslóð og geta þolendur ofbeldis og að-
standendur þeirra sótt námskeið og fyrirlestra. „Hver og einn er sérfæðingurinn í sínu
lífi,“ segir Thelma. Um helgina ætla þær að selja kort til styrktar starfseminni.
MEIRI ÞJÓNUSTA FYRIR
FÓRNARLÖMB OFBELDIS
Við höfum orðið vör við að fatlað-
ir og heyrnarlausir leiti
sér ekki hjálpar.
vALGEiR ÖRn RAGnARSSon
blaðamaður skrifar: valgeir@dv.is
Drekaslóð
Thelma
Ásdísardóttir
ogIngaKjart-
ansdóttirhafa
unniðhörðum
höndumað
þvíaðsetja
uppaðstöðu
Drekaslóðar
síðustudaga.
MynD SiGTRyGGuR
ARi JóHAnnSSon
Fréttablaðskassar í Garði fá ekki að vera í friði:
Biðlaðtilbæjarstjóra
Fréttablaðskassar fá ekki að vera í
friði fyrir skemmdarvörgum í bæj-
arfélaginu Garði og hafa þeir í stór-
um stíl verið eyðilagðir, brotnir og
skemmdir í skjóli nætur. Afleiðing-
in er auðvitað sú að íbúar í Garði fá
ekki blaðið á hverjum morgni í hverf-
ið sitt. Svo slæmt er ástandið orðið í
Garði að Pósthúsið, sem dreifir frí-
blaðinu, sá sig tilneytt til að kvarta
við Ásmund Friðriksson bæjarstjóra
í Garði í vikunni.
Í bréfi til bæjarstjórans kvarta for-
svarsmenn Pósthússins yfir sífelld-
um áföllum sem fyrirtækið hafi lent í
varðandi Fréttablaðskassana undan-
farnar vikur. „Sífelld skemmdarverk
verða til þess að við getum ekki veitt
þá þjónustu sem við vildum veita og
í raun íbúar í Garðinum kalla eftir.“
Pósthúsið segir flest sveitarfélög á
suðvesturhorninu vera með Frétta-
blaðskassa og þar hafi það gefist vel
og þeir fá að vera í friði. Fyrirtækið
óskar eftir samstarfi við bæjaryfir-
völd um að stöðva vargana. Bæjar-
stjórinn bregst við þessu ákalli Póst-
hússins í opnu bréfi til bæjarbúa
í fréttamiðlum á Suðurnesjum og
kveðst hann vona að íbúar svari kalli
Pósthússins og uppræti þennan hóp
skemmdarvarga með því að segja til
þeirra.
„Það er von mín að við tökum
höndum saman og komum í veg fyrir
skemmdir á eigum bæjarins, íbúa og
þeirra sem veita okkur þá þjónustu
sem við viljum ekki vera án.“
Þetta er ekki í fyrsta skipti sem
Pósthúsið hefur þurft að bregðast
við skemmdarverkum á kössun-
um á Suðurnesjum. Í febrúar í fyrra
gerði fyrirtækið líka athugasemd-
ir við ástandið í Garði þar sem fram
kom að skipta hafi þurft út sumum
kössum allt að þrisvar sinnum í viku.
Pósthúsið segir hvern kassa kosta
um 20 þúsund krónur og því séu
þessi skemmdarverk kostnaðarsöm.
mikael@dv.is
Dýrt spaug
Raðskemmd-
arvargarherja
áFréttablað-
skassaíGarði.
MynD Sv-GARDuR.iS
LAGERSALA
www.xena.is
Mikið af
fínum skóm í
leikfiminano1 - st. 28-35 verð kr. 3995.-
no2 - st. 41-47 verð kr. 7995.-
no3 - st. 36-41 verð kr. 7495.-
Opið virka daga 12-18
laugardag 12-16