Dagblaðið Vísir - DV - 03.09.2010, Síða 62

„Anima hefur gert nýnemamyndband á
hverju ári en þetta er í fyrsta skiptið sem
við gerum lag líka,“ segir Pálmar Ragn-
arsson, formaður Animu, nemendafélags
sálfræðinema við Háskóla Íslands, en ný-
nemamyndbandið fór eins og eldur í sinu
um netið á fimmtudaginn. Pálmar og hin-
ir strákarnir í stjórninni, Erik og Stefán,
rappa í laginu og fengu Þóru Björgu Sig-
urðardóttur, samnemanda sinn, til að
syngja. Þóra segist ekki hafa sungið mik-
ið en að það sé draumur hennar í fram-
tíðinni. „Ég hugsaði mig ekki tvisvar um
þegar þeir höfðu samband. Þetta var bara
skemmtilegt og við höfum fengið ótrú-
lega mikla athygli,“ segir Þóra Björg sem
er hæfileikarík söngkona og komst meðal
annars í topp 20-hópinn í Idol – stjörnu-
leit. Pálmar segir myndbandið leið nem-
endafélagsins til að kynna sig og starf-
semi sína fyrir nýnemum. „Við vorum að
kynna félagslífið fyrir krökkunum. Það er
mjög góður mórall í sálfræði og aðsóknin
hefur verið mjög góð og það er aldrei að
vita nema aðsóknin verði enn meiri eftir
þetta,“ segir hann hlæjandi og bætir við að
sálfræðinemar séu duglegir í djamminu.
„Það er mjög mikið um djamm hjá okk-
ur og í vetur ætlum
við að vera með
eitthvað að gerast
um hverja helgi.
Svo er bara lært á
virkum dögum.“
Hægt er að skoða
lagið á YouTube
undir textanum
Velkomin í sál-
fræði.
62 fólkið 3. september 2010 föstudagur
Þóra Sigurðardóttir:
Kærastaleit
Kristrúnar
Nú þurfa myndarmenni Reykja-
víkurborgar heldur betur að fara
hafa sig til því fyrirsætan barm-
góða Kristrún Ösp Barkardóttir er
orðin leið á því að vera ein. „Þarf að
fara að finna mér kærasta fyrir vet-
urinn, er það ekki eina vitið?“ spyr
hún á Facebook-síðu sinni. Krist-
rún fluttist til Reykjavíkur í sumar
til þess að hefja nám í vetur. Stóð-
hestar höfuðborgarsvæðisins hafa
smá tíma til að gera sig og græja
því Kristrún ætlar að skella sér í
létta sólarlandaferð til Portúgal
með góðum vinum áður en skól-
inn hefst. Hver verður sá heppni?
Landsliðskappinn Aron Einar Gunn-
arsson er mikill Þórsari og hefur
eðlilega miklar taugar til heimahag-
anna. KA og Þór áttust við í Akureyr-
arslagnum á fimmtudaginn og komst
Aron ekki þótt hann væri á landinu
enda upptekinn með landsliðinu.
Hann var þó vel tengdur og fékk allt
það helsta um leið og það gerðist í
símann, auk þess sem hann fylgdist
með beinni netútsendingu frá leikn-
um. Aron var mjög stressaður meðan
á leiknum stóð enda hatar hann fátt
meira en KA, alveg eins og sönnum
Þórsara sæmir.
Spenntur
ÞórSari
Úr Sálfræði í rappið
Myndband neMendafélags sálfræðineMa HÍ vekur atHygli á vefnuM:
Upprennandi söngkona
Þóra komst á sínum tíma í
topp 20 í Idol – stjörnuleit.
Rapparar
Strákarnir ákváðu
að gera eitthvað
sérstakt til að veka
áhuga nýnema á
félagslífinu sem þeir
segja afar líflegt.
Ég byrjaði að skrifa þessa bók nokkrum dögum eftir að strákurinn minn fædd-ist en þegar hann kom í heiminn komst ég að því að ég vissi ekki neitt um for-
eldrahlutverkið,“ segir Þóra Sigurðardóttir sem
hefur skrifað Foreldrahandbókina sem mun
koma í verslanir í byrjun október en það er Salka
sem gefur bókina út. Þegar Þóra varð mamma,
fyrir rúmum tveimur árum þegar Baldvin Snær
kom í heiminn, fékk hún ráð úr öllum áttum auk
þess sem hún keypti sér bækur um brjóstagjöf,
svefnráðgjöf og annað sem viðkemur nýfæddum
börnum.
„Ég hélt alltaf að ég væri náttúrutalent en
komst fljótt að því að svo var ekki. Eftir að hafa
spurt, lesið og gúglað mér til óbóta fór ég að
punkta niður og þannig verður þessi bók til. Ég
hafði samband við fjölmarga sérfræðinga sem
skrifa pistla í bókina sem auðvelda okkur, ný-
bökuðum foreldrum, lífið. Auk pistlanna er líka
að finna reynslusögur, kvót og skemmtilega töl-
fræði,“ segir Þóra og bætir við að megininntak
bókarinnar sé á hversu ólíkan hátt við upplifum
þetta stóra og mikla hlutverk sem foreldrahlut-
verkið er. „Ég lagði 150 spurningar fyrir hóp af
foreldrum og fékk ótrúleg og mjög svo hreinskil-
in svör. Ég hló mig oft máttlausa. Það sem einum
finnst mikið mál er minnsta mál fyrir annan og
sumir eru með þetta upp á tíu en aðrir ekki.“
Þóra og eiginmaður hennar, Völundur Snær
Völundarson matreiðslumaður, eignuðust litla
dóttur fyrir sex vikum sem heitir því fallega nafni
Móey Mjöll. Þóra viðurkennir að það hafi orðið
auðveldara að eignast barn númer tvö enda búin
að lifa og hrærast í þessum fræðum síðan son-
urinn fæddist. „Samt er ég alltaf að fletta upp í
bókina og sérstaklega í köflum sérfræðinganna
enda ómetanleg viska sem þar er að finna. Ég
var algjör taugahrúga þegar Baldvin fæddist en
núna tekst mér að slappa meira af og njóta þess,“
segir Þóra sem hefur þó nóg að gera vegna út-
komu bókarinnar.
Þóra segir svona bók hafa vantað á markað-
inn. „Ég fann hana allavega ekki og ákvað þess
vegna að skrifa hana. Það stuðaði mig líka að í
öllum þeim bókum sem til voru um brjóstagjöf
eða svefnráðgjöf var oftast gert lítið úr vanda-
málunum, eins og þetta væri svo lítið mál. Með
bókinni vil ég auðvelda aðgengi að úrræðunum,
benda á hvert skal leita og hvenær,“ segir Þóra og
bætir við að bókin sé ekkert endilega fyrir nýbak-
að foreldra. „Þarna er endalaus fróðleikur enda
er ég búin að vera dugleg að grúska.“
indiana@dv.is
Þóra Sigurðardóttir hélt að hún væri náttúrutalent
þegar hún eignaðist fyrra barnið sitt en komst að því
að svo var ekki. Þóra hefur gefið út foreldrahandbók.
Vissi ekkert um
Foreldrahandbókin
Um leið og lítið barn fæðist verður til foreldri
Þóra Sigurðardóttir
foreldrahlutverkið
Foreldrahandbókin Þóra fékk hugmyndina að bókinni
eftir að sonur hennar, Baldvin Snær, kom í heiminn.
Fallegar mæðgur Þóra
eignaðist dótturina Móeyju
Mjöll fyrir sex vikum.