Dagblaðið Vísir - DV - 08.10.2010, Blaðsíða 52
52 sport umsjón: tómas þór þórðarson tomas@dv.is 8. október 2010 föstudagur
guðjón Þórðarson, einn sigursæl-asti knattspyrnuþjálfari Íslend-inga, skrifaði á miðvikudaginn undir samning við sameiginlegt
lið Ísafjarðar og Bolungarvíkur, BÍ/Bolungar-
vík. Það eru svo sannarlega breyttir tíma hjá
Guðjóni sem hefur á sínum þjálfaraferli stýrt
stórliðum hér heima eða verið við stjórnvöl-
inn hjá atvinnumannaliðum. Síðast þegar
Guðjón tókst á við 1. deildina rúllaði hann
henni upp með Skaganum árið 1990 en þar
hafði hann í höndunum töluvert betra lið
en BÍ/Bolungarvík getur boðið upp á í dag.
Markmiðin eru þó greinilega háleit hjá Vest-
firðingunum, annars væru þeir ekki að ráða
Guðjón Þórðarson, þjálfara sem hefur afrek-
að margt sem leikmaður og þjálfari en er þó
aðeins 55 ára gamall.
óvæntur titill með Ka
Fyrsta starf Guðjóns sem þjálfari var heima á
Skaganum þar sem hann tók við ÍA. Hann á
að baki yfir 400 leiki með ÍA. Hann lét af störf-
um ári síðar en átti þó eftir að koma við aftur.
Hann var ráðinn þjálfari KA en fyrir norðan
sýndi hann strax að í hann væri mikið spunn-
ið. Öllum að óvörum varð KA Íslandsmeist-
ari árið 1989 undir stjórn Guðjóns.
Guðjón var þó aðeins annað ár hjá KA
áður en heimahagarnir toguðu aftur í hann.
Hann tók við ÍA sem þá var fallið í B-deild-
ina. Ólíkt því sem nú er, var ÍA aðeins eitt ár í
næstefstu deild. Skaginn rúllaði upp B-deild-
inni og ári síðar urðu þeir meistarar í efstu
deild, en það var önnur rós í hnappagat Guð-
jóns Þórðarsonar sem var með magnað lið í
höndunum. Þar voru þá tveir kornungir tví-
burabræður, Arnar og Bjarki Gunnlaugssyn-
ir, sem flestir ættu að kannast við.
Vesturbærinn kallaði
Guðjón hampaði Íslandsmeistaratitlinum á
Skaganum bæði 1992 og 1993 en hvarf síð-
an á braut. Vesturbærinn heillaði en þar á
bæ var menn farið að þyrsta í fyrsta Íslands-
meistaratitilinn í langan tíma. Þrátt fyrir að
vera með magnað lið tókst KR ekki að gera
betur en Skaginn sem vann Íslandsbikar-
inn samfleytt frá 1992–1996. Guðjón tryggði
þó tvo bikarmeistaratitla í röð, árin 1994 og
1995, auk þess sem hann stýrði KR-liðinu í
mögnuðum Evrópuleikjum gegn Everton.
Guðjón hætti sem þjálfari KR árið
1995 og þá voru Skagamenn ekki lengi að
hringja í sinn mann. Hann tók við liðinu
og gerði það að Íslandsmeisturum 1996.
Það ár var leikinn einn flottasti fótbolta-
leikur í íslenskri knattspyrnusögu. Hreinn
úrslitaleikur ÍA og KR um Íslandsmeist-
aratitilinn var háður á Skipaskaga í loka-
umferðinni þar sem KR dugði jafntefli til
að hampa sínum fyrsta titli í langan tíma.
ÍA hafði þó sigur, 4–1, þar sem ungur Guð-
jónsson, Bjarni, fór á kostum eins og allt
það tímabil.
ógleymanleg stund 1998
Guðjón vann ekki bara Íslandsbikarinn
árið 1996 heldur varð ÍA bikarmeistari líka.
Þrátt fyrir það var Guðjóni sagt upp störf-
um á Skaganum en í júní 1997 var hann
ráðinn landsliðsþjálfari. Árangur Guðjóns
með landsliðið er magnaður en undir hans
stjórn vann liðið 10 leiki, gerði 4 jafntefli og
tapaði aðeins átta leikjum. Minnisstæðust
er auðvitað stundin á Laugardalsvellinum á
haustmánuðum 1998 þegar heimsmeistarar
Frakka „steinlágu“ 1–1 með marki Ríkharðs
Daðasonar.
Guðjón lagði mikla áheyrslu á að verja
markið sem landsliðsþjálfari og þó fótbolt-
inn hafi aldrei verið sá fallegasti sýnir töl-
fræðin það að enginn hefur náð betri árangri
sem landsliðsþjálfari en hann. Eftir undan-
keppnina var Guðjón á toppi ferilsins og var
því aðeins einn þjálfari sem kom til greina
þegar Íslendingaliðið Stoke City vildi ráða
nýjan þjálfara.
stoke-ævintýrið
Það tók Guðjón lengri tíma en ætlað var að
koma Stoke upp úr 3. deildinni á Englandi.
Gríðarlegur fjöldi íslenskra leikmanna kom
við sögu hjá Stoke á þessum tíma en á leið-
inni hampaði Guðjón Framrúðubikarnum
fræga þegar Stoke bar sigur úr býtum í bik-
arkeppni neðrideildarliða. Það ár hét bik-
arinn Framrúðubikarinn en þessi titill hef-
ur loðað við Guðjón lengi.
Á vormánuðum 2002 komst Stoke upp
um deild eftir sigur í umspili gegn Cardiff.
Guðjón, sem var þá þegar orðinn fyrsti
íslenski þjálfarinn til að stýra liði á Eng-
landi, varð fyrsti Norðurlandabúinn til að
koma liði upp um deild á Englandi. Þrátt
fyrir að takast loks ætlunarverk sitt var
Guðjóni sagt upp störfum skömmu síðar
en lengi hafði andað köldu á milli hans og
stjórnarinnar. Meðal annars hafði Guðjón
vitað af þjálfara sem liðið ætlaði að ráða
á miðju tímabili sitjandi uppi í stúku með
forráðamönnum liðsins. Stoke vann þann
leik 4–0 og hélt því Guðjón starfinu aðeins
lengur.
stutt viðkoma í Keflavík
Eftir Stoke tók Guðjón við norska liðinu
Start en honum var þar ætlað að bjarga lið-
inu frá falli. Það verkefni tókst ekki held-
ur og hvarf Guðjón á braut um leið eins
og samningar stóðu til. Árið 2003 tók Guð-
jón við enska liðinu Barnsley en dvölin þar
varð stutt þar sem hann var rekinn þeg-
ar nýr eigandi keypti liðið. Það var síðan
haustið 2004 að Guðjón kom aftur heim en
þó í stutta stund.
Hann var ráðinn þjálfari Keflavíkur og
lét þar fyrir sér finna. Leikmenn Keflavíkur
voru í stífu aðhaldi og miklum hlaupum en
Guðjón fór með liðið í gegnum allt undir-
búningstímabilið. Kortéri í mót hvarf hann
þó á braut þegar enska fjórðu deildar liðið
Notts County hafði samband. Sagði Guð-
jón við fjölmiðla þá að Keflvíkingar hefðu
ekki staðið við gerða samninga og því væri
hann í fullum rétti að hætta. Forsvarsmenn
Keflavíkur harðneituðu því og sýndu milli-
færslur því til sönnunar að Guðjón hefði
fengið greitt. Það breytti þó litlu og tók að-
stoðarþjálfari Keflavíkur við keflinu, Krist-
ján nokkur Guðmundsson. Eitt farsælasta
skref í sögu knattspyrnunnar í Keflavík á
síðustu árum.
aftur heim
Guðjón hóf leik af krafti hjá Notts County
en lítill peningur var til hjá liðinu og leik-
mannakaup sem Guðjóni hafði verið lofað
gengu ekki eftir. Fljótlega fór liðið að þjóta
niður töflurnar en bjargaði sér á lokadegi
árið 2006 frá falli. Guðjón og Notts County
slitu samstarfi og hélt hann því aftur heim á
leið, beint á Skipaskagann, þar sem gengið
hafði ekki verið svo gott.
Undir stjórn Guðjóns tókst ÍA afar
óvænt að tryggja sér 3. sætið í Landsbanka-
deildinni sem þá hét árið 2007. Við miklu
var búist af ÍA árið eftir en þá gekk hvorki
né rak og var Guðjón rekinn. ÍA féll síðan
í kjölfarið. Guðjón tók þá við Crewe sem
var að falla úr C-deildinni á Englandi. Guð-
jón þótti vinna kraftaverk með Crewe en
því miður tókst liðinu ekki að bjarga sér frá
falli. Hann ákvað að taka slaginn í D-deild-
inni en þar gekk ekki jafnvel og var hann
rekinn í október í fyrra.
Lengi án starfs
Guðjón hefur nú verið lengi án starfs og
sinnti hann verkefnum fyrir Stöð 2 Sport
í sumar sem aðstoðarlýsandi. Hann hef-
ur verið duglegur að láta lið vita að hann
er laus og var hann sterklega orðaður við
KR um mitt sumar þegar Logi Ólafsson var
látinn taka pokann sinn í Vesturbænum. Á
miðju tímabili var því haldið fram að Valur
væri búinn að ráða Guðjón en eftir stjórn-
arskipti þar var Gunnlaugur Jónsson rek-
inn og Kristján Guðmundsson ráðinn.
Eftir tímabilið fór Guðjón í viðræður
við KA og einnig settist hann niður með
Vestfirðingunum. Var talið líklegt að hann
myndi ráða sig til KA en eitthvað hefur BÍ/
Bolungarvík gert til þess að landa svona
vænum bita. Ljóst er að metnaðurinn er
mikill fyrir vestan og þarf raunar að vera
það þegar jafnkröfuharður þjálfari og
Guðjón er mættur til leiks. Guðjón vill án
efa líka sanna það að hann er ekki búinn
að missa töframáttinn og þyrfti engum að
koma á óvart að nafn BÍ/Bolungarvíkur
færi að skjóta upp kollinum á ólíklegustu
stöðum.
Nýr kafli hefst nú í knattspyrnusögu Guðjóns
Þórðarsonar en hann hefur verið ráðinn
þjálfari BÍ/Bolungarvíkur. guðjón hefur
marga fjöruna sopið og má svo sannarlega
segja að hann sé hvalreki af allra stærstu
gerð fyrir knattspyrnuna fyrir vestan.
hvalreki
fyrir
vestan
ÁKVeðinn Guðjón Þórðarson
veit hvað hann vill.
1987–1988 Ía
1989–1990 Ka
1991–1993 Ía
1994–1995 Kr
1996 Ía
1997–1999 Ísland
1999–2002 stoke City
2003–2004 Barnsley
2005 Keflavík
2005–2006 notts County
2007–2008 Ía
2008–2009 Crewe alexandra
2010– BÍ/Bolungarvík
þjálfaraferillinn