Dagblaðið Vísir - DV - 08.10.2010, Blaðsíða 53
föstudagur 8. október 2010 sport 53
staður til að
selja sig
Marcus Berg
framherji frá Svíþjóð
Marcus Berg leiddi framlínu sænska
liðsins sem fór á kostum en Berg varð
einnig markakóngur mótsins. Hann
var fyrir mótið kominn á teikniborðið
hjá allmörgum liðum en kapphlaup-
ið eftir það var magnað. Hann ákvað
á endanum að semja við þýska liðið
Werder Bremen en hann hafði úr nægu
að velja. Fyrr í haust skoraði hann gríð-
arlega mikilvægt mark sem kom Wer-
der Bremen hálfa leið inn í meistara-
deildina.
Ola TOivOnen framherji frá Svíþjóð
Svíinn með finnska nafnið lék með markakóngnum Marcus Berg í
framlínu sænska landsliðsins. Hann þykir alla jafna betri að klára
færin sín en Berg og var eftir mótið keyptur frá Malmö til PSV í Hol-
landi. Þar hefur hann blómstrað og er hann reglulega orðaður við
stórlið, nú síðast Liverpool.
MesuT Özil
miðjumaður frá þýSkalandi
Þennan unga mann þekkja allir í dag.
Fyrir Evrópumótið 2009 var hann þá þeg-
ar orðinn lykilmaður í liði Werder Brem-
en en þegar hann sló rækilega í gegn á
Evrópumótinu var ljóst að Brimaborgarar
myndu ekki halda honum mikið lengur.
Hann sýndi liðinu þó tryggð um stund en
eftir magnaða heimsmeistarakeppni var
ekki hægt að halda honum lengur. Özil er
í dag byrjunarliðsmaður hjá Real Madrid.
BenedikT HÖwedes
miðvörður frá þýSkalandi
Þessi piltur er kannski ekki mikið þekktur en
hann spilar allar helgar í miðverðinum hjá einu
stærsta liði Þýskalands, Schalke. Fyrir Evrópu-
mótið var hann bara ungur og efnilegur leik-
maður sem fékk aðeins nasaþefinn af byrjun-
arliðssæti við og við. Eftir mótið fékk hann þó
traustið og hefur hann staðið vaktina í miðverði
Schalke nær allar götur síðan. Lokamótið gerði
honum svo sannarlega gott.
Jack rOdwell
miðjumaður frá englandi
Rodwell brást svo sannarlega ekki á mótinu en mikl-
ar vonir eru bundnar við hann hjá Everton. Hann
var einn allra besti miðvörður mótsins og ekki lítil
ástæða þess að England komst í úrslitaleikinn gegn
Þýskalandi. Tímabilið eftir Evrópumótið fór hann
að fá mun fleiri tækifæri hjá Everton og um leið varð
hann mun eftirsóttari. Breskir miðlar hafa fullyrt að
Sir Alex Ferguson ætli sér að landa Rodwell.
Íslenska u21 árs liðið í knattspyrnu stendur nú á barmi þess að komast á lokamót Evrópukeppninnar sem fram fer
í danmörku á næsta ári. Þar verður allt morandi í útsendurum liða frá öllum stærstu deildum heims. fyrir tveimur
árum þegar mótið fór fram skaut ýmsum nöfnum upp á stjörnuhimininn. svona stórmót yngri landsliða eru einn
stærsti stökkpallurinn fyrir unga leikmenn eins og sést á meðfylgjandi nöfnum.
Manuel neuer
markvörður frá þýSkalandi
Það kom kannski hvað minnst á óvart á mótinu hversu
vel hinn ungi markvörður, Manuel Neuer, stóð sig.
Hann kom inn í mótið sem aðalmarkvörður Schalke
en hann fór gjörsamlega á kostum og var kjörinn besti
markvörður mótsins. Joachim Löw, landsliðsþjálfari
Þýskalands, hafði á orði þegar hann gerði Neuer að að-
almarkverði Þýskalands fyrir HM í sumar að hann hefði
sannað á EM U21 að Neuer gæti staðið sig á stórmótum.
sergiO asenJO
markvörður frá Spáni
Asenjo er magnaður vítabani og hefur al-
mennt verið talinn eftirmaður Iker Casillas í
spænska landsliðsmarkinu. Hann hefur leikið
með öllum yngri landsliðum Spánar og vakti
gífurlega athygli á Evrópumótinu fyrir tveimur
árum. Eftir mótið var hann keyptur frá Real
Valladolid til Atletico Madrid. Þar lenti hann í
smá meiðslavandræðum og missti stöðu sína
til David de Gea sem leit ekki um öxl og hefur
haldið Asenjo á bekknum síðan.