Dagblaðið Vísir - DV - 25.03.2011, Qupperneq 12

12 | Fréttir 25.–27. mars 2011 Helgarblað
Björgólfur Jóhannsson, forstjóri Ice-
landair Group, var með 39 milljón-
ir króna í laun í fyrra, eða 3,2 millj-
ónir á mánuði. Það er töluvert meira
en aðrir stjórnendur hjá félaginu.
Fjórir aðrir stjórnendur eru með um
tvær milljónir króna á mánuði. Þetta
kemur fram í ársreikningi Icelandair
Group sem birtur var síðastliðinn
föstudag. Icelandair þykir í dag einn
eftirsóttasti vinnustaður landsins.
Sérstaklega hjá stjórnendum. Er talið
að ekkert annað fyrirtæki hérlendis
borgi jafnmörgum stjórnendum yfir
eina milljón króna á mánuði og Ice-
landair.
Starfsmenn stórgræða
á kaupréttarsamningum
Auk þess að fá góð laun fengu starfs-
menn félagsins kauprétt að hluta-
bréfum í Icelandair um áramótin.
Fengu þeir forkaupsrétt að 160 millj-
ónum hluta í félaginu á genginu 2,5,
eða sem nemur 400 milljónum króna.
Á síðustu þremur mánuðum hafa
hlutabréf starfsmanna hækkað um
75 prósent en gengi bréfa félagsins
standa nú í 4,4 á hlut. Starfsmenn Ice-
landair hafa því hagnast um rúmlega
300 milljónir króna á bréfum sínum á
einungis þremur mánuðum en verð-
mæti hlutabréfa þeirra er nú metið á
700 milljónir króna. Tölum um hagn-
að ber þó að taka með fyrirvara þar
sem hlutabréfaverð getur breyst og
starfsmenn geta ekki innleyst hagn-
að sinn öðruvísi en að selja bréf sín.
Stjórnendur Icelandair Group fengu
þó ekki kaupréttarsamninga í anda
ársins 2007. Sem dæmi keypti Björg-
ólfur Jóhannsson, forstjóri félagsins,
einungis hlut fyrir 2,5 milljónir króna.
Hefur markaðsverðmæti hlutar hans
hækkað um eina milljón króna á síð-
ustu þremur mánuðum.
Yfir 200 með meira en
2 milljónir á mánuði
Orðið á götunni sem birtist á vef-
síðu Eyjunnar fjallaði um launamál
Icelandair fyrir nokkrum mánuð-
um. Þar var fullyrt að hátt í hundrað
stjórnendur og lykilstarfsmenn Ice-
landair væru með yfir eina milljón
króna í laun á mánuði. Guðjón Arn-
grímsson, upplýsingafulltrúi Ice-
landair, gat ekki gefið upplýsingar
um það hvort þessi fullyrðing væri
rétt en DV sendi honum fyrirspurn
um málið. Samkvæmt heimildum
DV eru þó mun fleiri starfsmenn inn-
an samstæðu Icelandair Group með
yfir eina milljón króna í tekjur á mán-
uði. Ef flugmenn félagsins eru teknir
með eru þeir líklega yfir 200. Stærsti
hluthafi Icelandair er Framtakssjóð-
ur Íslands sem fer með 29 prósenta
hlut í félaginu. Framtakssjóðurinn er
í eigu 16 íslenskra lífeyrissjóða.
Laun Björgólfs hærri
en bankastjóranna
„Laun æðstu stjórnenda Icelandair
Group eru óbreytt frá fyrri hluta
ársins 2008,“ segir Guðjón Arn-
grímsson. Honum er ekki kunnugt
um að áform séu um að hækka laun
stjórnendanna. Eins og kunnugt er
hefur verið mikil umræða um svo-
kölluð „ofurlaun“ að undanförnu.
Voru það fregnir af launum Hösk-
uldar H. Ólafssonar, bankastjóra
Arion banka, sem voru kveikjan að
því. Höskuldur er með 2,9 milljónir
króna í föst laun á mánuði og Birna
Einarsdóttir, bankastjóri Íslands-
banka, er með 2,6 milljónir í laun á
mánuði.
Björgólfsur Jóhannsson, for-
stjóri Icelandair Group, sem er með
3.260 þúsund krónur á mánuði
er því með töluvert hærri laun en
bankastjórarnir þrátt fyrir að laun
hans hafi ekki hækkað í um þrjú
ár. Björgólfur á þó langt í land með
að ná launahæsta forstjóra lands-
ins. Líkt og DV greindi nýlega frá
var Jón Sigurðsson, forstjóri Össur-
ar, með 13 milljónir króna í laun á
mánuði í fyrra sem eru nærri fjór-
föld laun Björgólfs hjá Icelandair
Group.
Heimilt að bjóða góð laun
„Markmið starfskjarastefnu þessarar
er að gera starf hjá Icelandair Group
hf. að eftirsóknarverðum kosti fyr-
ir fyrsta flokks starfsfólk og þar með
tryggja félaginu stöðu í fremstu röð.
Til að svo megi verða er nauðsynlegt
að stjórn félagsins hafi heimild til að
bjóða samkeppnishæf laun,“ segir í
starfskjarastefnu Icelandair Group.
Miðað við að meira en 200 starfs-
menn félagsins séu með jafnhá eða
hærri laun en Jóhanna Sigurðardótt-
ir forsætisráðherra hlýtur Icelandair
Group að vera að nýta heimild sína
til þess að bjóða samkeppnishæf
laun.
Mánaðarlaun Árslaun
Björgólfur Jóhannsson, forstj. Icelandair Group 3,3 milljónir 39 milljónir
Sigþór Einarsson, aðstforstj. Icelandair Group 1,9 milljónir 23 milljónir
Bogi Nils Bogason, fjármálastj. Icelandair Group 1,8 milljónir 21 milljón
Birkir Hólm Guðnason, framkvstj. Icelandair ehf. 1,9 milljónir 23 milljónir
Guðni Hreinsson, framkvstj. Loftleiða 1,3 milljónir 16 milljónir
Gunnar M. Sigurfinnsson, framkvstj. Icelandair Cargo 1,6 milljónir 19 milljónir
Heildarlaun þessara sex stjórnenda: 12 milljónir 140 milljónir
Laun nokkurra stjórnenda Icelandair 2010
n Starfsmenn hafa hagnast um 300 milljónir króna frá áramótum á kaupréttar-
samningum n Yfir 200 starfsmenn með meira en milljón á mánuði hjá Icelandair
„Laun æðstu stjórnenda
Icelandair Group eru óbreytt
frá fyrri hluta ársins 2008.
Annas Sigmundsson
blaðamaður skrifar as@dv.is
Þénar betur en
bankastjórar Þrátt
fyrir að laun Björgólfs
Jóhannssonar, forstjóra
Icelandair Group, hafi
ekki hækkað í þrjú ár
eru þau samt hærri
en bankastjóra Arion
banka og Íslandsbanka.
Starfsfólk Icelandair
hagnast á kauprétti
Kaupþingsmenn
fá mildari dóm
Hæstiréttur mildaði á fimmtudag
dóma Héraðsdóms Reykjavíkur yfir
Daníel Þórðarsyni og Stefni Inga
Agnarssyni, fyrrverandi starfs-
mönnum Kaupþings. Þeir voru í
byrjun desember 2009 dæmdir í
átta mánaða fangelsi fyrir markaðs-
misnotkun með því að hafa á tíma-
bilinu 25. janúar til 22. febrúar 2008,
í sex tilvikum, lagt fram kauptilboð
í skuldabréfaflokk Exista skömmu
fyrir lokun markaða þannig að til-
boðin hefðu áhrif á dagslokagengi.
Með því hafi þeir gefið misvísandi til
kynna eftirspurn eftir slíkum bréfum
og verð þeirra. Hæstiréttur fann að
drætti á rekstri málsins og því að
ríkissaksóknari hefði ekki haft sam-
ráð við verjendur Daníels og Stefnis
við gerð málsgagna sem þóttu um-
fangsmeiri en tilefni var til. Dæmdi
Hæstiréttur Ísland þá í sex mánaða
fangelsi fyrir brot sín. Dómarnir yfir
Kaupþingsmönnunum fyrrverandi
voru þeir fyrstu í tengslum við ís-
lenska bankahrunið.
Fresta starfs-
mannakönnunum
Reykjavíkurborg hefur ákveðið að
fresta árlegum starfsmannakönn-
unum sem fara að jafnaði fram í
mars og apríl. Þetta kom fram eftir
fyrirspurn Vinstri grænna og sjálf-
stæðismanna í borgarráði á fimmtu-
daginn. „Borgarráðsfulltrúar Sjálf-
stæðisflokks og Vinstri grænna óska
upplýsinga um það hvers vegna
nú hefur verið ákveðið að fresta
reglubundinni starfsmannakönnun
hjá Reykjavíkurborg. Þessar starfs-
mannakannanir hafa til margra ára
verið gerðar í mars og apríl, en nú
fást þær upplýsingar að borgaryfir-
völd telji þann tíma ekki góðan núna
og vilji gera þessa reglubundnu
könnun síðar á árinu. Það þarfnast
skýringa, enda mun það veikja mjög
samanburð og nýtingu kannana ef
þessu fyrirkomulagi er breytt. Óskað
er skýringa á þessum breytingum frá
mannauðsstjóra,“ segir í fundargerð
borgarráðs.
Endurskoða
umhverfi Hörpu
Borgarráð Reykjavíkur samþykkti á
fimmtudag tillögu Jóns Gnarr borg-
arstjóra um að stofnaður yrði fimm
manna stýri-
hópur á vegum
Reykjavíkurborg-
ar og Faxaflóa-
hafna sem yrði
ætlað að endur-
skoða skipulag
við höfnina frá
Grandagarði
að tónlistar- og
ráðstefnuhúsinu. Í tillögunni segir:
„Auk hefðbundinna þátta við skipu-
lagsgerð taki hópurinn afstöðu til
legu og útfærslu Mýrargötu. Hóp-
urinn taki afstöðu til fyrirliggjandi
áætlana, marki sýn til framtíðar,
undirbúi endurskoðun skipulags-
vinnu á svæðinu og hafi yfirum-
sjón með framgangi hennar. Til-
lögur að endurskoðuðu skipulagi
svæðisins verði unnar í samráði við
hafnarstjórn, skipulagsráð og um-
hverfis- og samgönguráð, auk hags-
munaaðila og íbúa.“ Hópinn skipa
Hjálmar Sveinsson, formaður, Páll
Hjaltason, Hólmfríður Ósman Jóns-
dóttir, Gísli Marteinn Baldursson og
Júlíus Vífill Ingvarsson.