Dagblaðið Vísir - DV - 25.03.2011, Blaðsíða 42
ARÐVÆNLEG UMHYGGJA
42 | Sakamál Umsjón: Kolbeinn Þorsteinsson kolbeinn@dv.is 25.–27. mars 2011 Helgarblað
D
orothea Puente fæddist árið
1929 í Kaliforníu. Foreldrar
hennar unnu við bómullar
tínslu en faðir hennar lést
úr berklum þegar Dorothea var átta
ára og móðir hennar dó í umferðar
slysi ári síðar. Dorothea var send á
munaðarleysingjaheimili og dvaldi
þar um skeið þar til ættingjar henn
ar tóku hana að sér. Löngu síðar átti
Dorothea eftir að ljúga til um æsku
sína og sagði meðal annars að hún
væri eitt þriggja systkina sem öll
hefðu fæðst í Mexíkó.
Dorothea giftist fyrsta sinni
árið 1945, hermanni að nafni Fred
McFaul sem var þá nýkominn heim
úr stríðinu á Kyrrahafi. Með Fred
eignaðist Dorothea tvær dætur, aðra
sendi hún til ættingja í Sacramento
og hina gaf hún frá sér til ættleiðing
ar. Síðla árs 1948 fékk McFaul sig full
saddan af Dorotheu og lét sig hverfa.
Dorotheu fannst smán að því að vera
yfirgefin og laug því að eiginmaður
hennar hefði dáið úr hjartaslagi
skömmu eftir brúðkaupið.
Inn og út úr grjótinu
Til að drýgja tekjur sínar snéri Doro
thea sér að tékkafölsun en var grip
in glóðvolg, fékk eins árs dóm en sat
inni í hálft ár. Skömmu eftir að hún
losnaði úr fangelsi varð hún barns
hafandi eftir bláókunnugan mann og
eignaðist dóttur sem hún gaf frá sér
til ættleiðingar. Árið 1952 giftist hún
Svíanum Axel Johanson og við tók
stormasamt fjórtán ára hjónaband.
Dorothea snéri sér að rekstri
vændishúss. Sagan segir að þegar
upp um hana komst hafi hún reynt
að bjarga sér fyrir horn með því að
segjast hafa verið þar í heimsókn.
Henni var ekki trúað og var hún
dæmd til 90 daga fangelsisvistar.
Dorothea var vart komin úr
grjótinu þegar hún var handtekin
aftur – fyrir flæking – og fékk enn og
aftur 90 daga fangelsisvist. Þegar Do
rothea losnaði úr fangelsinu hóf hún
glæpaferil sem átti eftir að þróast og
taka á sig óhugnanlega mynd.
Dorothea fékk starf sem aðstoðar
manneskja hjúkrunarfræðinga og
sinnti um aldrað og hreyfihamlað
fólk á heimilum þess, en þess var
skammt að bíða að hún gerðist sjálf
stæð og færi sjálf út í rekstur gisti
heimila fyrir aldrað og hrumt fólk.
Lætur sér ekki segjast
Árið 1966 rann hjónaband Doro
theu og Alex sitt skeið og Dorothea
giftist Roberto Puente sem var nítján
árum yngri en hún. Hjónabandið var
skammlíft og entist ekki í nema tvö
ár. Í kjölfar skilnaðarins tók Dorothea
yfir þriggja hæða, sextán herbergja
umönnunarheimili í Sacramento og
gaf sig út fyrir að annast heimilislaust
fólk og auðnuleysingja á svæðinu.
En Dorothea var ekki alveg búin
að gefa karlmenn upp á bátinn og
giftist í fjórða sinn árið 1976. Fyrir
valinu varð ofbeldisfullur drykkju
maður, Pedro Montalvo, og varði
hjónabandið í fjóra mánuði. Dorot
hea fór þegar þar var komið sögu
að venja komur sínar á hverfisk
næpurnar þar sem hún leitaði eldri
manna sem væru á bótum. Dorothea
falsaði síðan undirskrift þeirra og
hafði þannig af þeim fé, en á endan
um komst upp um hana og hún fékk
skilorðsbundinn dóm. Hún lét skil
orðið ekki slá sig út af laginu og hélt
uppteknum hætti.
Árið 1981 tók Dorothea á leigu
íbúð í miðbæ Sacramento og síðar
átti sú íbúð eftir að tengjast glæpum
sem voru alvarlegri en fölsun tékka
og bótasvindl.
Morðin hefjast
Svo virðist sem morðferill Dorot
heu hafi hafist fljótlega eftir að hún
tók á leigu íbúðina í miðbæ Sacra
mento. Íbúðin var á efri hæð húss
ins og Doro thea ákvað að leigja út
hluta hennar. Í apríl 1982 bjó í íbúð
inni Ruth Monroe, 61 árs vinkona
Doro theu. En Ruth lést fljótlega eft
ir að hafa tekið of stóran skammt af
lyfjum. Dorothea upplýsti lögregluna
um að Ruth hefði þjáðst af þunglyndi
þar sem eiginmaður hennar hefði
verið með banvænan sjúkdóm. Lög
reglan tók Dorotheu trúanlega og úr
skurðaði að Ruth hefði framið sjálfs
morð. Svo fullrar sanngirni sé gætt
hefur ekki verið sannreynt að Dorot
hea hafi fyrirkomið Ruth.
En nokkrum vikum síðar bankaði
lögreglan aftur upp á hjá Doro theu.
Ástæðan var ásökun 74 ára ellilífeyr
isþega, Malcolms McKenzie, á hend
ur Dorotheu. Malcolm sakaði hana
meðal annars um að hafa byrlað
honum ólyfjan og stolið frá honum.
Doro thea var sakfelld fyrir þjófnað
og dæmd til fimm ára fangelsisvistar
18. ágúst 1982.
En Dorothea sat ekki með hend
ur í skauti sér í fangelsinu heldur
hóf bréfasamband við 77 ára mann,
Everson Gillmouth, sem bjó í Ore
gon. Eftir þrjú ár var Dorotheu sleppt
úr fangelsi og beið Everson við fang
elsið í rauðum Fordpallbíl. Sam
band þeirra þróaðist hratt og hjóna
band var áformað. Þau stofnuðu
sameiginlegan bankareikning og
fluttu inn í íbúð Dorotheu í Sacra
mento.
Ílangur trékassi á haugana
Í nóvember 1985 réð Dorothea þús
undþjalasmiðinn Ismael Florez til
að klæða íbúð sína með viðarþilj
um. Fyrir vikið fékk hann rauða
Fordpallbílinn, en þurfti reyndar
að greiða 800 dali fyrir. Að sögn Do
rotheu tilheyrði bíllinn vini hennar í
Los Angeles, en hann átti engin not
að hafa fyrir hann lengur.
Dorothea bað Florez að gera eitt
smáræði fyrir sig að lokum; að smíða
kassa – 6 sinnum 3 sinnum 2 fet –
„fyrir bækur og fleira“.
Síðar bað hún hann að flytja kass
ann, sem búið var að fylla og negla
aftur, í geymsluhúsnæði og urðu þau
samferða þangað. Á leiðinni sagði
hún honum að stöðva á sorphaug við
árbakka í Suttersýslu, þar sem tíðk
aðist að fólk losaði sig við heimilis
sorp, og fleygðu þau kassanum þar.
Í ársbyrjun 1986 rak veiðimaður
augun í kassann og sá ástæðu til að
hafa samband við lögregluna. Við
nánari athugun kom í ljós að hann
hafði að geyma mikið rotnar líkams
leifar eldri karlmanns. Það kom ekki
í ljós fyrr en eftir þrjú ár að um var að
ræða líkið af Everson.
Mikið vill meira
Dorothea skrifaði ættingjum Ever
sons bréf og útskýrði að hann væri
veikur og gæti því ekki haft sam
band. Sjálf hélt hún áfram að hirða
lífeyrinn hans. Auk þess hélt hún úti
gistiþjónustunni og var með 40 leigj
endur sem flestir voru fíkniefnaneyt
endur eða drykkjufólk.
Þrátt fyrir að hún hefði af þessu
ágætis tekjur vildi hún meira og leit
aði því nýrra viðskiptavina á börum í
grenndinni.
Einnig naut Dorothea nokkurra
vinsælda hjá starfsfólki félagsmála
stofnunar vegna þess hve viljug hún
var að taka við eldra fólki, einkum
og sér í lagi „erfiðu málunum“. Do
rothea fór yfir póst leigjenda sinna
áður en þeir fengu að sjá hann og sá
til þess að stærstur hluti bóta þeirra
endaði í hennar vasa sem greiðsla
vegna „kostnaðar“.
Grunsemdir vöknuðu fyrst þegar
nágrannar Dorotheu tóku eftir und
arlegum athöfnum heimilislauss
alkóhólista, sem aldrei var kallað
ur annað en „Chief“, sem Dorothea
hafði tekið undir sinn „verndarvæng“.
Að beiðni hennar hafði hann grafið
holu í kjallaragólfið og ekið jarðveg
inum og steypunni burt í hjólbörum.
Skömmu síðar hvarf Chief.
Dauðvona í fangelsinu
Þann 11. nóvember 1988 þegar lög
reglan rannsakaði hvarf Alvaros
Montoya, eins leigjenda Dorotheu,
tók lögreglan eftir því að eitthvað
hafði verið átt við jarðveginn við
húsið. Við nánari eftirgrennsl
an fann hún lík eins leigjendanna,
Leonu Carpenter, 78 ára. Nokkur lík
til viðbótar fundust og þegar upp var
staðið var Dorothea ákærð fyrir níu
morð.
Dorothea Puente var sakfelld fyr
ir þrjú morð og fékk tvöfaldan lífstíð
ardóm sem hún afplánar í kvenna
fangelsi Kaliforníu í Madeirasýslu.
Hún heldur enn fram sakleysi sínu
og segir leigjendur sína hafa dáið
eðlilegum dauðdaga.
Samkvæmt fréttum í september í
fyrra er Dorothea, sem nú er 82 ára,
alvarlega veik og gæti farið yfir móð
una miklu þá og þegar.
n Dorothea Helen Puente er bandarískur raðmorðingi n Hún rak gistiheimili í Sacramento í
Kaliforníu á níunda áratug síðustu aldar n Þeir sem bjuggu á gistiheimilinu voru aldnir og kalk-
aðir n Dorothea hirti af þeim bætur frá hinu opinbera n Það var ekki stærsti glæpur hennar„Dorothea bað
Florez að gera eitt
smáræði fyrir sig að lok-
um; að smíða kassa – 6
sinnum 3 sinnum 2 fet –
„fyrir bækur og fleira“.
Dorothea Puente Það
var ekki manngæskan
sem réð gerðum hennar.