Dagblaðið Vísir - DV - 06.05.2011, Blaðsíða 19

Fréttir | 19Helgarblað 6.–8. maí 2011
Mynd af manni sem líkist breska
njósnaranum og undirróðursmann­
inum [agent provocateur] Mark Ken­
nedy og birt var á vef umhverfisvernd­
arsamtakanna Saving Iceland hefur
vakið upp spurningar um það hvort
íslensk lögregluyfirvöld hafi til þessa
reynt að halda öllum afskiptum lög­
reglunnar af manninum leyndum.
Á myndinni má sjá mann með sítt
dökkt hár og hring í eyranu, í brúnum
gönguskóm og svörtum útivistarjakka,
leiddan í burtu í fylgd tveggja íslenskra
lögregluþjóna.
Á annarri mynd af Kennedy, sem
kallaði sig Mark Stone á meðan hann
sigldi undir fölsku flaggi á meðal nátt­
úruverndarsinna, má sjá hann í að því
er virðist alveg eins skóm, alveg eins
jakka og með alveg eins hring í eyranu
og maðurinn sem leiddur er af íslensk­
um lögreglumönnum á myndinni.
Meðlimir Saving Iceland halda því
fram að maðurinn á myndinni sé Mark
Kennedy, og benda meðal annars á
mynd úr The Mail on Sunday því til
staðfestingar, en þar má sjá Kennedy
uppi á vinnuvél, í alveg eins fötum og
á myndinni með lögreglumönnun­
um. Þá segja meðlimir hreyfingarinn­
ar ennfremur að þetta hafi ekki verið
í eina skiptið sem lögreglan hafði af­
skipti af breska njósnaranum, hann
hafi verið handtekinn að minnsta kosti
einu sinni þar sem vegabréfið hans var
gert upptækt. Lögreglan á Egilsstöð­
um ítrekar að engin afskipti hafi verið
höfð af manninum. Ennþá hefur þó
ekki fengist úr því skorið hvort að ís­
lenska lögreglan hafi haft vitneskju um
njósnastarfsemi Kennedys hér á landi.
Innanríkisráðherra bíður svara frá lög­
reglunni.
Annar maður
DV hefur fjallað nokkuð um málið en
það var breska blaðið Guardian sem
hóf umfjöllun um njósnastarfsemi
Kennedys á meðal umhverfisvernd­
arsinna í Evrópu í kjölfar frétta sem
höfðu birst á vefnum indymedia.org.
Eins og fram kom í umfjöllun DV á
sínum tíma, tók Mark Kennedy þátt í
mótmælum gegn Kárahnjúkavirkjun á
vegum Saving Iceland árið 2006 og var
virkur í starfi hreyfingarinnar. Fram til
þessa hafa lögregluembættin á Egils­
stöðum og Seyðisfirði haldið því fram
að þau hafi engin afskipti haft af Ken­
nedy þegar til mótmæla kom vegna
Kárahnjúkavirkjunar.
Í samtali við DV segir Óskar Bjart­
marz, yfirlögregluþjónn lögreglunn­
ar á Egilsstöðum ekkert hafa breyst í
þeim efnum, fyrri yfirlýsingar standi,
lögreglan hafi engin afskipti haft af
Kennedy. Þá segir hann ennfremur að
maðurinn sem leiddur er af lögreglu­
mönnum á myndinni sé ekki Kenn­
edy, heldur allt annar maður. „Það er
alveg ljóst að það sem hefur verið sagt
stendur. Lögreglan hefur engin afskipti
né samskipti haft við þennan mann.
Þessar myndir eru af allt öðrum manni
og við vitum meira að segja hvaða
maður það er. Við erum með myndir af
þeim aðilum sem voru í þessu máli og
teljum okkur vera búna að skoða og sjá
hvaða maður þetta er. Þetta er ekki lög­
reglumaðurinn umræddi, það er alveg
ljóst,“ segir Óskar í samtali við DV.
Samvinna lögregluyfirvalda
Fram hefur komið, meðal annars í frétt
Spiegel um störf breska njósnarans í
Þýskalandi, að þarlend lögregluyfir­
völd hafi verið meðvituð um njósna­
starfsemi hans í landinu á meðan á
henni stóð. Þá voru írsk lögregluyfir­
völd einnig meðvituð um starfsemi
Kennedys innan lögsögu Írlands, eins
og fram kom í frétt Independent þann
25. janúar síðastliðinn. Í ljósi þessara
upplýsinga vöknuðu spurningar þess
efnis hvort lögregluyfirvöld hérlend­
is hefðu verið jafn vel upplýst og í ná­
grannalöndunum. Fréttastofa RÚV
sendi fyrirspurn til ríkislögreglustjóra í
janúar þar sem spurt var hvort íslensk
lögregluyfirvöld hefðu vitað af Ken­
nedy þegar hann var hér á landi. Svar
við þeirri fyrirspurn hefur, eftir því sem
DV kemst næst, ekki borist.
Bent hefur verið á að hafi Kennedy
stundað njósnir og undirróðursstarf­
semi hér á landi án vitneskju íslenskra
yfirvalda, hafi slíkt verið brot á íslensk­
um lögum. Össur Skarphéðinsson ut­
anríkisráðherra benti einnig á, þeg­
ar hann svaraði fyrirspurn um málið
á Alþingi, að hafi Kennedy stundað
slíkar njósnir með vitneskju yfirvalda,
teldi hann slíkt vera lögbrot, en for­
virkar rannsóknarheimildir hafa ekki
verið heimilar hér á landi til þessa.
Ögmundur Jónasson innanríkisráð­
herra lítur málið alvarlegum augum,
en honum hefur ekki ennþá borist af­
dráttarlaust svar frá lögregluyfirvöld­
um um það hvort Kennedy hafi starfað
hér á landi með vitneskju lögregluyfir­
valda.
Engin afdráttarlaus svör
„Ég hef fengið ýmis svör en ég er ekki
alveg fullkomlega sáttur við það sem
ég hef fengið,“ segir Ögmundur í sam­
tali við DV. Í samtali við blaðamann í
upphafi árs sagðist Ögmundur ætla að
fara yfir málin með lögregluyfirvöld­
um og óska eftir því að fá upplýsingar
um vitneskju lögregluyfirvalda um að­
komu Kennedys að mótmælum hér á
landi. Engin niðurstaða hefur fengist
í málið og innanríkisráðherra hefur
engin afdráttarlaus svör fengið, sem
skera úr um það hvort Kennedy hafi
starfað hér með eða án vitneskju ís­
lenskra lögregluyfirvalda.
„Ég hef gengið á eftir því að fá ná­
kvæmar upplýsingar um það hvort að
lögreglunni hafi verið kunnugt um að
hér kynni að hafa verið flugumaður,
en það mál er ekki ennþá til lykta leitt.
Ég hef ekki fengið neitt í hendur sem
sýnir fram á að lögreglunni hafi verið
kunnugt um að svo hafi verið, en á
hinn bóginn hef ég ekki fengið neinar
afgerandi yfirlýsingar um að svo hafi
afdráttarlaust ekki verið,“ segir hann.
Aðspurður um hvers vegna honum
hafi ekki ennþá borist afdráttarlaus
svör frá lögreglunni segir Ögmundur
að málið sé stærra en svo að dagar eða
vikur skipti máli. Hann segist munu
skýra frá niðurstöðum sínum þegar
þar að kemur, en tiltekur ekki hvenær
það verði. Aðspurður um yfirlýsingar
Saving Iceland­liða þess efnis að lög­
reglan hefði haft afskipti af Kennedy
þvert á fyrri yfirlýsingar, og myndir
sem benda til þess, segir Ögmundur
að lögreglan verði að svara fyrir það.
Beðið með viðbrögð
Í yfirlýsingu frá Saving Iceland­hreyf­
ingunni sem birtist á heimasíðu sam­
takanna savingiceland.org ásamt
myndinni er bent á að í lögreglu­
blaðinu hafi nú þegar komið fram að
allt frá árinu 2005 hafi íslensk lögreglu­
yfirvöld haft náið samstarf við bresku
lögregluna í tengslum við Saving Ice­
land. Slíkt gefi ástæðu til að ætla að ís­
lensk stjórnvöld hafi vitað af njósnum
Marks Kennedy innan Saving Iceland.
Þá er þess krafist að yfirvöld láti af
þeim „lygaleik og undanbrögðum“
sem hafi viðgengist í málinu. Farið
er fram á að staðreyndir málsins
verði afhjúpaðar, ekki einungis
er varða mál Marks Kennnedy
heldur hvað varðar alla skrá­
setningu yfirvalda á afskiptum
af Saving Iceland og þeim einstakling­
um sem hafa verið virkir innan hreyf­
ingarinnar.
Mál Kennedys vakti mikla athygli
og reiði á sínum tíma, en hann átti
meðal annars í kynferðissambandi við
konur innan samtaka sem hann var
að njósna um. Í janúar beindi Mörð­
ur Árnason, þingmaður Samfylkingar­
innar, fyrirspurn til Össurar Skarphéð­
inssonar utanríkisráðherra. Þar spurði
hann um það hver viðbrögð ríkis­
stjórnarinnar við þessum fregnum um
breska njósnarann væru. Össur svar­
aði því til að beðið
væri með við­
brögð þangað
til niðurstaða
kæmi frá ís­
lenska innan­
ríkisráðherr­
anum.
„Meðlimir Saving
Iceland halda
því fram að maðurinn
á myndinni sé Mark
Kennedy og benda
meðal annars á mynd úr
The Mail on Sunday því
til staðfestingar.
RáðheRRa
bíðuR svaRa
lögReglu
n Mynd af manni sem leiddur er í burtu af íslenskum
lögreglumönnum hefur vakið athygli n Saving Iceland-
liðar segja að þar fari breski njósnarinn Mark Kennedy
n Stangast á við yfirlýsingar lögreglunnar
Í sömu fötum Þessi mynd var birt í The Mail
on Sunday og tekið fram að Mark Kennedy væri
lengst til vinstri. Þarna virðist Kennedy vera í
nákvæmlega sömu fötum og maðurinn sem lög-
reglan hafði afskipti af. Mynd: SKjáSKot Af dAIlyMAIl.co.uK
Mark Kennedy Ljóst er að maðurinn á
þessari mynd er Mark Kennedy, en fjallað
hefur verið um hann í fjölmörgum miðlum.
Ennþá Kennedy Á þessari mynd situr
að því er virðist sami maðurinn, með sítt
dökkt hár, með silfurhring í eyranu, í brúnum
gönguskóm og í svörtum útivistarjakka.
MyndIr: SAvIngIcElAnd.org
Ekki sáttur „Ég hef fengið ýmis svör en ég er
ekki alveg fullkomlega sáttur við það sem ég
hef fengið,“ segir Ögmundur í samtali við DV.
Jón Bjarki Magnússon
blaðamaður skrifar jonbjarki@dv.is