Dagblaðið Vísir - DV - 06.05.2011, Blaðsíða 21

Fréttir | 21Helgarblað 6.–8. maí 2011
Ertu að fara á tónleika?
Þetta
þarftu að
vita
Tónleikar og viðburðir hefjast stundvís-
lega á þeim tíma sem er tilgreindur á
aðgöngumiðanum. Vinsamlegast gefið
ykkur nægan tíma fyrir tónleikana/
viðburðinn til þess að leggja bílnum,
ná í miða, njóta veitinga og nota
fatahengið.
n Staðsetning
Harpa er í miðbæ Reykjavíkur við gömlu
höfnina. Innkeyrsla er frá Sæbraut, góð
gönguleið er yfir Tryggvagötu að hús-
inu. Hægt er að ganga meðfram sjónum
og koma að Hörpu austanmegin.
Aðkoman að húsinu frá sjó er sérlega
falleg. Útsýni er úr húsinu í allar áttir.
n Bílastæði
Bílastæðahús með 545 stæðum er við
Hörpuna. Bílastæðahúsið er upplýst og
beint aðgengi inn í hús. Bílastæði fyrir
hreyfihamlaða eru næst inngöngum.
Gjaldskylda er í bílastæðin.
Fyrir framan Hörpu er einungis hægt að
hleypa gestum út úr farartækjum. Ekki
er gert ráð fyrir að bílum sé lagt þar.
n Miðar
Vinsamlegast geymið aðgöngumiðann
vel þar sem þið þurfið að sýna hann við
innganginn á viðeigandi sal.
n Stundvísi
Til þess að gestir njóti tónleikanna sem
best er ekki hleypt inn á tónleika eftir
að þeir hefjast, heldur verða þeir sem
eru seinir fyrir að bíða þar til hlé verður
í efnisskránni. Ef gestir þurfa að víkja úr
sæti sínu utan hlés verður þeim vísað
inn aftur á hentugum tíma á milli atriða.
n Börn á tónleikum
Foreldrum er vinsamlega bent á að
alltaf þarf að kaupa sæti fyrir börn í Eld-
borg, nema annað sé tekið fram. Börn
verða að vera í fylgd með fullorðnum.
n Fatahengi
Opið fatahengi er við miðasölu Hörpu
sem er öllum opið. Hægt er að geyma
flíkur í lokuðu rými í miðasölu gegn
gjaldi.
n Myndatökur í húsinu
Myndatökur á viðburðum/tónleikum
eru ekki leyfðar, hvort sem um ræðir
kvikmyndun eða ljósmyndun.
n Klæðnaður á tónleikum
Engar sérstakar reglur gilda um
klæðaburð á tónleikum.
n Reykingar
Reykingar eru bannaðar í Hörpu nema í
þar til gerðu útiskýli.
n Notkun farsíma
Öll notkun farsíma á tónleikum er
bönnuð. Slökkt verður að vera á sím-
unum meðan á tónleikum stendur.
aF HaRpa.iS
Opnunartónleikar Sinfóníuhljóm-
sveitar Íslands í Hörpu á miðviku-
daginn voru glæsilegir. Góður róm-
ur var gerður að flutningnum og
hljómburðinum í húsinu en sér-
fræðingur ráðgjafarfyrirtækisins Ar-
tec, sem kom að hönnun á húsinu,
sagði á meðan húsið var í byggingu
að Harpa yrði með allra bestu tón-
listarhúsum heims hvað hljómburð
varðar. Tónleikagestir hafa látið hafa
eftir sér að Harpa hafi staðist allar
væntingar.
Tímamót í menningarsögunni
„Fyrstu tónleikar Sinfóníuhljóm-
sveitar Íslands í Hörpu eru upphaf
nýrra tíma í menningarsögu þjóðar-
innar,“ sagði Ólafur Ragnar Gríms-
son forseti í ávarpi sínu fyrir tón-
leikana. Þótt Harpa hafi ekki verið
opnuð með formlegum hætti mörk-
uðu tónleikarnir tímamót í sögu ís-
lensks menningar- og tónlistarlífs.
Harpa gjörbyltir aðstöðu Sinfóníu-
hljómsveitar Íslands, Íslensku óper-
unnar og íslensks tónlistarfólks al-
mennt sem hingað til hefur mátt
sætta sig við íþróttahallir og kvik-
myndahús til að skila list sinni til
áheyrenda.
Dýr framkvæmd
Þessi 27 milljarða króna bygging hef-
ur risið þrátt fyrir efnahagshrun og
kreppu sem fylgdi í kjölfarið. Rúm
fjögur ár eru síðan hafist var handa
við byggingu hússins. Til að gera
langa sögu stutta gekk verkið ekki
áfallalaust, eins og DV og fleiri miðl-
ar hafa margsinnis bent á. Þann-
ig kviknaði tvívegis í húsinu meðan
á byggingu stóð auk þess sem sex-
strendinga, sem settir höfðu verið á
alla suðurhlið hússins, þurfti að rífa
niður vegna galla í málmsteypu, svo
eitthvað sé nefnt. Þannig varð margt
til þess að verkið varð mun kostn-
aðarsamara en upphaflega var gert
ráð fyrir. Ef til vill á vísa Bjarna heit-
ins Gíslasonar frá Þorsteinsstöðum í
Dalasýslu vel við á þessum tímamót-
um en hann orti:
Vorsins harpa hljómar.
Helst þar una kýs.
Blíðir braga ómar
bræða kaldan þrautaís.
Gestalistinn ekki opinber
Opnunartónleikarnir verða þrennir
en athygli vakti að aðeins fjórðung-
ur þeirra miða sem ráðstafað var
á fyrstu tvenna tónleikana fór í al-
menna sölu. Stærstur hluti, eða 1.880
miðar af 3.100, stóð áskrifendum
að tónleikum Sinfóníuhljómsveit-
ar Íslands til boða en þar fyrir utan
voru 400 boðsmiðar fyrir innlenda
og erlenda blaðamenn, maka lista-
manna, forseta Íslands, borgarstjóra,
menntamálaráðherra og fleiri. DV
óskaði eftir lista yfir boðsgesti en
Margrét Ragnarsdóttir, markaðs- og
kynningarstjóri Sinfóníuhljómsveit-
ar Íslands, sagðist ekki geta látið þær
upplýsingar af hendi. Miðar á þriðju
tónleikana, sem haldnir verða í dag,
föstudag, fóru allir í almenna sölu,
að sögn Margrétar og því var meiri-
hluti miða á opnunartónleikana
seldur almenningi.
Þjóðþekktir á opnunartón-
leikum
Harpa er risin og hún verður opnuð
með pompi og prakt helgina 13. til
15. maí, eftir viku. Þá gefst almenn-
ingi kostur á að sækja tónleika og
kynna sér starfsemi hússins sér að
kostnaðarlausu. Stanslaust tón-
leikahald verður frá 12 á hádegi til
miðnættis alla helgina og allir eru
velkomnir. RÚV mun sýna frá opn-
unarhátíðinni, samkvæmt Önnu
Margréti Björnsson upplýsingafull-
trúa Hörpu, en gagnrýnt var að RÚV
skyldi ekki sýna frá fyrstu tónleikun-
um.
Meðfylgjandi eru myndir af fyrstu
opnunartónleikunum. Eins og sjá
má á myndunum, sem Björn Blön-
dal ljósmyndari DV tók, voru þar
margir þjóðþekktir gestir.
Baldur Guðmundsson
blaðamaður skrifar baldur@dv.is
„Fyrstu tónleikar
Sinfóníuhljóm-
sveitar Íslands í Hörpu
eru upphaf nýrra tíma í
menningarsögu þjóðar-
innar.
„Húsið er ekki alveg tilbúið og
það er fullt af verkefnum eftir sem
þarf að klára,“ segir Anna Mar-
grét Björnsson, upplýsingafulltrúi
Hörpunnar, um dagana sem fram-
undan eru. Þegar þrennum opn-
unartónleikum Sinfóníuhljóm-
sveitarinnar lýkur verður húsinu
lokað í viku, eða til 13. maí. Þá
hefst opnunarhátíð Hörpunnar
og stendur hún yfir frá föstudegi
til sunnudags. „Það verður mikið
um dýrðir og almenningi boðið að
koma í húsið, sem verður opið öll-
um,“ segir Anna Margrét en óhætt
er að segja að á hátíðinni verði
sannkölluð tónleikaveisla í boði.
Fjölmargir tónlistarviðburðir
verða frá hádegi til miðnættis alla
þrjá dagana þar sem fólk getur sér
að kostnaðarlausu upplifað fjöl-
breytta tónlistarviðburði, ef til vill
brot af því besta sem íslenskt tón-
listarlíf hefur upp á að bjóða.
Anna Margrét segir aðspurð
að Harpan verði opin almenningi
frá og með opnunarhátíðinni. Frá
degi til dags geti fólk komið í húsið
og keypt veitingar, verslað í versl-
unum Hörpunnar eða sótt hina
ýmsu viðburði sem þar verða á
dagskrá. Hún segir að markmiðið
verði að eitthvað verði í boði alla
daga. „Búðirnar verða opnar frá
tíu á morgnana og fram á kvöld og
svo er óhætt að segja að veitinga-
salurinn verði æðislegur í sumar
þegar útisvæðið verður klárt. Við
hvetjum fólk til að líta við og fá sér
kaffi og njóta þess sem húsið hefur
upp á að bjóða.“
Hún segir að gríðarlega mikil
eftirspurn sé eftir húsrými og þeg-
ar séu fjölmargir viðburðir komnir
á dagskrá, í sumar og fram á haust.
Á harpa.is má sjá að þegar er búið
að setja um 60 tónlistarviðburði á
dagskrá. Lista yfir nokkra af helstu
viðburðum má sjá hér á opnunni.
Kaupa má miða á viðburðina
á vef Hörpu, harpa.is, midi.is og
í Aðalstræti 2 en þangað er hægt
að nálgast miða á viðburði, ekki í
Hörpu sjálfri. Aftur er þó minnt á
að á opnunarhátíðinni verða tón-
leikarnir ókeypis.
Svona getur þú nýtt Hörpuna:
Alltaf opið almenningi
Margt í boði Anna Margrét Björnsson
upplýsingafulltrúi segir að Harpan verði
ávallt opin almenningi.
Fyrrverandi þingmaður Halldór
Blöndal ásamt eiginkonu sinni Kristrúnu
Eymundsdóttur.
Fjórir salir
ElDBoRG
Stærsti salurinn í Hörpu. Hann rúmar 1.600 til 1.800
manns og er sérhannaður til tónleikahalds en hentar
einnig vel fyrir alþjóðlegar ráðstefnur. Eldborg er á
annarri hæð. Salurinn er 1.008 fermetrar og lofthæðin
er 23 metrar.
NoRðuRljóS
Tónleikasalur á annarri hæð Hörpu sem liggur á milli
Eldborgar og Silfurbergs. Salurinn býður upp á fjöl-
breytta uppsetningu fyrir tónleika, ráðstefnur, veislur
og aðra viðburði. Hann rúmar mest 450 manns í sæti.
Salurinn er 540 fermetrar og lofthæðin 12 metrar.
SilFuRBERG
Ráðstefnusalur á annarri hæð í Hörpu. Salurinn rúmar
mest 750 manns í sæti en talsvert fleiri ef viðburður er
fyrir standandi áheyrendur. Hann er sérhannaður sem
ráðstefnusalur og býr yfir vönduðum tæknibúnaði.
Salurinn er 735 fermetrar og lofthæðin 8,5 metrar.
KalDalóN
Kaldalón er minnsti salurinn í húsinu og er staðsettur
á fyrstu hæð Hörpu. Hann hentar mjög vel fyrir allar
tegundir tónlistar sem og ráðstefnur, fundi, kvikmynda-
sýningar og fyrirlestra. Hann tekur 195 manns í sæti og
er 198 fermetrar. Lofthæðin er 8 metrar.
Borgarstjóranum boðið
Jón Gnarr lét sig ekki vanta.
prúðbúin Hjónin Össur Skarphéðinsson
utanríkisráðherra og Árný E. Sveinbjörns-
dóttir, ásamt Einari Karli Haraldssyni, upp-
lýsingafulltrúa forsætisráðuneytisins, og
eiginkonu hans Steinunni Jóhannesdóttur.
Bankastjóri Steinþór Pálsson í Lands-
bankanum ásamt Áslaugu Guðjónsdóttur
eiginkonu sinni
Glaðbeitt Egill Ólafsson söngvari, Tinna
Gunnlaugsdóttir þjóðleikhússtjóri og Albert
Eiríksson móttökustjóri. Forsetar Ólafur Ragnar og Dorrit
mættu ásamt forseta Slóveníu, Danilo
Türk, forsetafrúnni og fylgdarliði.