Dagblaðið Vísir - DV - 06.05.2011, Blaðsíða 54

54 | Sport 6.–8. maí 2011 Helgarblað
Í febrúar bjóst ekki nokkur maður við
því, að þegar þrír leikir væru eftir af
ensku úrvalsdeildinni, væri Chelsea
í dauðafæri að vinna enska meistara­
titilinn. Hrikalegt gengi Chelsea um
mitt tímabilið orsakaði það að Man­
chester United og Arsenal voru farin
að bítast um stærstu deildarverðlaun
Evrópuboltans en þeir bláu frá Lund­
únum voru mest fimmtán stigum á
eftir Manchester United. Nú munar
aðeins þremur stigum á strákunum
hans Ferguson í Man. United og Chel­
sea. Það sem meira er, vinni Chelsea
á sunnudaginn kemst það yfir United
á markatölu og hefur þar með full­
komnað ótrúlegustu endurkomu í
sögu ensku úrvalsdeildarinnar. Bæði
lið verða þá jöfn með 73 stig og fara
mögulega í samkeppni um að skora
fleiri mörk í síðustu tveimur um­
ferðunum. Ekki má þó alveg gleyma
Arsenal því jafntefli á Old Trafford á
sunnudaginn gæti hjálpað Wenger
og hans strákum í baráttunni. Vinni
Arsenal sinn leik úti gegn Stoke og fái
hagstæð úrslit á Old Trafford verður
Arsenal fjórum stigum frá toppnum
og sex stig í boði.
Missti aldrei trúna
Í nóvember og desember gat Chelsea
ekki keypt sér sigur. Það tapaði tveim­
ur leikjum og gerði fjögur jafntefli og
missti þar að því virtist algjörlega af
titilbaráttunni. Síðan Chelsea komst
aftur á skrið með sigri gegn Bolton
þann 29. desember hefur gengið verið
ótrúlegt. Chelsea hefur spilað sautján
leiki, unnið þrettán, gert þrjú jafn­
tefli og tapað aðeins einum. Það ger­
ir 42 stig í sarpinn af 51 mögulegu. Og
nú, fjórum mánuðum eftir að menn
höfðu gefist upp á Chelsea, á liðið
meira en góða möguleika á að kom­
ast í bílstjórasætið á leiðinni að Eng­
landsmeistaratitlinum.
„Ef við ynnum titilinn úr þessu
yrði það klárlega ein stærsta stundin á
mínum ferli, ásamt því þegar við unn­
um titilinn í fyrsta skiptið í fimmtíu ár
undir stjórn Mourinho,“ segir fyrirliði
Chelsea, John Terry. „United var mest
fimmtán stigum á undan okkur og þá
héldu menn eðlilega að þetta væri
búið fyrir okkur. En þjálfarinn og allt
starfsfólkið hafa haldið rétt á spilun­
um og passað að halda liðinu hungr­
uðu. Stuðningsmennirnir hafa einn­
ig hvatt okkur áfram og minnt okkur
á að þetta er ekki búið fyrr en það er
búið,“ segir Terry.
Í fyrra fór Chelsea á Old Trafford
og vann gríðarlega mikilvægan sig­
ur, 2–1, undir lok leiktíðar en sá sigur
var lykillinn að því að Chelsea endur­
heimti titilinn. „Það er ekki til stærra
verkefni en að fara á Old Trafford og
þurfa að vinna leik sem gæti tryggt þér
Englandsmeistaratitilinn. Við mun­
um samt virkja þann kraft til að knýja
okkur áfram,“ segir Terry sem hafði
alltaf trú á sínum mönnum. „Ég missti
aldrei trúna á þessu. Í gegnum heilt
tímabil koma vondir og slæmir kafl­
ar. Við byrjuðum svakalega vel, áttum
svo hræðilegan tíma um mitt tímabil­
ið en núna erum við á fínu skriði. Það
er undir okkur komið að klára þetta
verkefni,“ segir John Terry.
Ósigrað á Old Trafford
Manchester United­mönnum hafa
verið aðeins mislægir fæturnir í síð­
ustu leikjum en jafntefli á útivelli
gegn Newcastle og tap úti gegn
Arsenal hefur opnað titilbaráttuna
upp á gátt. Það eru einmitt útileik­
irnir sem hafa verið að fara illa með
Man chester United á tímabilinu. Að­
eins fimm sigrar og níu jafntefli þyk­
ir ekki gott á þeim bænum, sama þó
deildin sé sú sterkasta í heimi. Sir Alex
Ferguson getur þó prísað sig sælan að
leikurinn á sunnudaginn er á heima­
velli liðsins á Old Trafford. Þar hefur
liðið borið höfuð og herðar yfir and­
stæðinga sína á þessum tímabili og
ekki tapað einum einasta leik. Sextán
sigrar og eitt jafntefli í deildinni. Í fyrra
kom þó Chelsea nákvæmlega á þenn­
an stað og fór langt með að tryggja sér
titilinn en það var skömmu eftir að
Man chester United féll úr Meistara­
deildinni. United kom sér í sinn þriðja
úrslitaleik í Meistaradeildinni á fjór­
um árum í vikunni þegar liðið rúllaði
yfir Schalke, 4–1, og samanlagt, 6–1.
Sir Alex Ferguson, stjóri Man­
chester United, segir að þessi sigur
hjálpi liðinu. „Mér fannst við þungir
á brún og andlega ekki tilbúnir í leik­
inn gegn Chelsea á sama tíma í fyrra,“
sagði Ferguson við SkySports eftir sig­
urinn í Meistaradeildinni. „Chelsea
var miklu betra en við í fyrri hálfleik
en það vita allir af hverju við töpuðum
þeim leik,“ sagði Ferguson og skírskot­
aði til sigurmarks Didiers Drogba sem
var kolólöglegt vegna rangstöðu. „Það
er allt annað að mæta í leikinn svona
ferskir með stórsigur í Meistaradeild­
inni í farteskinu. Það sem meira er,
ég hef úr öllum hópnum mínum að
velja, að undanskildum Rafael. Ég get
því stillt upp því liði sem ég tel best til­
búið og trúðu mér, það vilja allir spila
þennan leik,“ sagði Ferguson.
Arsenal dældaði titilvonir United
heldur betur um síðustu helgi þeg­
ar liðið hafði betur í viðureign lið­
anna á Emirates, 1–0. Arsene Wen­
ger, stjóri Arsenal, tippar þó á Man.
United í baráttunni þar sem Chel­
sea þarf að heimsækja Ferguson og
hans menn. „United er í bestu stöð­
unni, svo Chelsea og svo við. Chel­
sea er á miklu skriði en það þarf að
fara á Old Trafford og vinna. Það gera
ekki allir og sérstaklega ekki í stórum
leikjum. Það má ekki gleyma því að
United vann Chelsea tvívegis í Meist­
aradeildinni um daginn. Við munum
bara hugsa um okkur og vonast eftir
góðum úrslitum,“ segir Arsene Wen­
ger.
n MANCHESTER UNITED
(73 stig +38 markatala 71 mörk skoruð)
Chelsea H
Blackburn Ú
Blackpool H
n CHELSEA
(70 Stig +38 markatala 66 mörk skoruð)
Man. United Ú
Newcastle H
Everton Ú
n ARSENAL
(67 stig +32 markatala 68 mörk skoruð)
Stoke Ú
Aston Villa H
Fulham Ú
Síðustu 3 leikir liðanna
n Leikur ársins í ensku úrvalsdeildinni á
sunnudaginn þegar Man. United tekur
á móti Chelsea n Chelsea var mest 15
stigum á eftir United en getur komist
á toppinn með sigri n Chelsea lagði
grunninn að titlinum í fyrra á Old Traf-
ford n Arsenal ekki tölfræðilega úr leik
Tómas Þór Þórðarson
blaðamaður skrifar tomas@dv.is
ENDURKOMAN
FULLKOMNUÐ?
„Mér fannst við
þungir á brún og
andlega ekki tilbúnir í
leikinn gegn Chelsea á
sama tíma í fyrra.
Lykilleikur John Terry og félagar
verða að vinna United á sunnudag
– það setur þá í vænlega stöðu.
Ferguson hvíldi lykilmenn United vann
þægilegan sigur í undanúrslitum Meistaradeild-
ar Evrópu í vikunni. Liðið er á góðri siglingu.