Dagblaðið Vísir - DV - 06.05.2011, Blaðsíða 38

Vilhjálmur fæddist í Reykjavík og ólst þar upp til níu ára ald­urs, dvaldi síðan á Votumýri
á Skeiðum hjá föðurbróður sínum,
Guðna Eiríkssyni, til fimmtán ára ald­
urs er hann kom aftur til Reykjavíkur.
Hann var í barnaskóla að Brautar­
holti á Skeiðum og tók gagnfræðapróf
frá Ingimarsskólanum 1949. Hann
útskrifaðist sem skógfræðingur frá
skóla Skógræktar ríkisins 1953. Hann
stundaði einnig nám við Landbúnað­
arháskóla Kaupmannahafnar 1961–
62. Auk þessa fór Vilhjálmur í náms­
ferðir til Alaska 1953, Skotlands 1962
og Noregs 1970.
Vilhjálmur var verkamaður hjá
Skógrækt ríkisins og Skógræktarfé­
lagi Reykjavíkur á árunum 1950–53,
var yfirverkstjóri hjá Skógræktarfélagi
Reykjavíkur á árunum 1953–69 og síð­
an framkvæmdastjóra félagsins á ár­
unum 1969–96.
Vilhjálmur vann að skipulagi
garða og útivistarsvæða frá 1963, m.a.
við skipulag útivistarsvæðis í Öskju­
hlíð og fyrir Elliðaárdal árið 1973 og
skipulag útivistarsvæðis í Heiðmörk
og á Hólmsheiði ásamt Reyni Vil­
hjálmssyni. Þá kenndi hann við Garð­
yrkjuskóla ríkisins í nokkur ár og skrif­
aði ýmsar greinar í blöð og tímarit.
Vilhjálmur hefur verið félagi í
Kiwanisklúbbnum Heklu frá árinu
1970 og var forseti þess árið 1987.
Hann sinnti ýmsum nefndarstörfum
á vegum Skógræktarfélags Reykjvík­
ur og Skógræktar ríkisins á árunum
1951–91 og var ritstjóri fréttabréfs­
ins Skógarins 1972–96. Þá sat hann í
byggingar nefnd Breiðholtskirkju frá
upphafi.
Fjölskylda
Vilhjálmur kvæntist 31.3. 1956 Her­
dísi Guðmundsdóttur, f. 14.9. 1934,
fyrrv. bankamanni við Útvegsbank­
ann, síðar mótttökuritara á Vist­
heimilinu á Vífilsstöðum og loks
skrifstofumanni á Skrifstofu Skógræk­
arfélagsins. Foreldrar hennar voru
Karólína Árnadóttir og Guðmundur
Njálsson, bændur á Böðmóðsstöðum
í Laugardal.
Börn Vilhjálms og Herdísar eru
Bergljót, f. 13.5. 1958, grunnskóla­
kennari við Hofsstaðaskóla í Garða­
bæ en maður hennar er Haraldur
Haraldsson, skólastjóri við Lækjar­
skóla í Hafnarfirði, og eiga þau fjögur
börn; Vilhjálmur, f. 27.11. 1965, fram­
væmdastjóri eigin fjármálagreinarfyr­
irtækis en kona hans er Svava Bern­
hard Sigurjónsdóttir leikskólakennari
og eiga þau þrjú börn saman en hún
átti einn son fyrir; Ingunn Björk, f.
18.7. 1973, framkvæmdastjóri eigin
ráðgjafafyrirtækis en maður hennar
er Ólafur Örn Guðmundsson, flug­
maður hjá Icelandair og eiga þau
þrjár dætur.
Systkini Vilhjálms: Halla, f. 7.7.
1933, d. 27.5. 2003, var leikskóla­
kennari, búsett í Kópavogi, en eftirlif­
andi maður hennar er Baldur Bjarna­
sen flugvélstjóri; Þórdís, f. 22.2. 1937,
fyrrv. skrifstofumaður hjá Skeljungi,
búsett í Kópavogi en maður hennar
var Hörður Halldórsson sem er látinn.
Foreldrar Vilhjálms: Sigtryggur
Eiríksson, lögreglumaður og síðar
starfsmaður Skógræktarfélags Reykja­
víkur, f. 16.11. 1904, d. 18.7. 1985, og
Vilhelmína Þórdís Vilhjálmsdóttir, f.
16.6. 1905, d. 30.7. 1995, húsmóðir.
Þau voru búsett í Reykjavík.
Ætt
Sigtryggur var sonur Eiríks, b. á Votu­
mýri á Skeiðum Magnússonar, b. á
Votumýri Sigurðssonar, bróður Guð­
laugar, ömmu Sigurgeirs Sigurðsson­
ar biskups, föður Péturs biskups, föð­
ur Péturs prófessors. Móðir Magnúsar
var Guðrún, systir Eiríks, manns Guð­
laugar Sigurðardóttur. Guðrún var
dóttir Eiríks dbrm. á Reykjum á Skeið­
um Eiríkssonar, dbrm. á Reykjum og
ættföður Reykjaættar Vigfússonar.
Móðir Guðrúnar var Sigríður Stur­
laugsdóttir, b. á Brjánsstöðum Gunn­
arssonar, og Þorbjargar, systur Knúts,
langafa Tómasar Guðmundssonar
skálds, Hannesar þjóðskjalavarðar,
Þorsteins hagstofustjóra, Þorsteins­
sona, og Jóhönnu, móður Óskars
Gíslasonar ljósmyndara, og ömmu
Ævars Kvarans og Gísla Alfreðsson­
ar þjóðleikhússtjóra. Þorbjörg var
dóttir Björns, b. í Vorsabæ á Skeið­
um Högnasonar, lrm. á Laugarvatni
Björnssonar, bróður Sigríðar, móður
Finns Jónssonar, biskups í Skálholti,
föður Hannesar, biskups í Skálholti,
ættföður Finsenættar, afa Steingríms
Thorsteinssonar skálds og Árna Thor­
steinssonar landfógeta.
Móðir Sigtryggs var Hallbera Bern­
höft, hálfsystir, samfeðra, Marie Bern­
höft, ömmu Hjálmtýs, bankamanns
og söngvara, föður söngvaranna Sig­
rúnar og Páls Óskars. Hallbera var
dóttir Vilhelms Bernhöft, bakara á
Bernhöftstorfunni í Reykjavík Dan­
íelssonar Bernhöfts, f. 1797 í Nystad
Holtsetalandi, bakara í Bernhöftsbak­
aríi í Reykjavík frá 1834 Joachimsson­
ar Bernhöft, í Neustadt í Holtsetalandi
. Móðir Vilhelms var Elisabet Bern­
höft ættuð frá Helsingjaeyri. Móðir
Hallberu var Sigríður Sigurðardóttir.
Vilhelmína Þórdís var dóttir Vil­
hjálms, sjómanns í Reykjavík og
frammámanns í félagsmála­ og rétt­
indabaráttu sjómanna í Reykjavík
Vigfússonar, b. á Gunnfríðarstöðum í
Húnavatnssýslu Höskuldssonar. Móð­
ir Vilhjálms var Sigríður Vigfúsdóttir.
Móðir Vilhelmínu Þórdísar var
Þórdís Þorsteinsdóttir, b. og smiðs á
Reykjum á Skeiðum Þorsteinsson­
ar, b. í Brúnavallakoti og í Vorsabæ á
Skeiðum Jörundssonar. Móðir Þor­
steins á Skeiðum var Ingveldur Haf­
liðadóttir. Móðir Þórdísar Þorsteins­
dóttur var Ingigerður Eiríksdóttir,
systir Guðrúnar og Eiríks. Ingigerður
var dóttir Eiríks, ættföður Reykjaættar
Vigfússonar.
38 | Ættfræði Umsjón: Kjartan Gunnar Kjartansson kjartan@dv.is 6.–8. maí 2011 Helgarblað
Magnús fæddist í Reykjavík og ólst þar upp. Hann lauk stúd­entsprófi frá Menntaskólanum
við Sund 1981 og BS­prófi í jarðeðlis­
fræði frá Háskóla Íslands 1986, stund­
aði framhaldsnám í jarðeðlisfræði við
Lundúnaháskóla 1986–90 og lauk það­
an doktorsprófi 1992.
Magnús starfaði á Orkustofnun
veturinn 1981–82 auk sumarvinnu
við mælingar og rannsóknir sam­
hliða námi. Hann vann við jöklarann­
sóknir á Raunvísindastofnun Háskól­
ans 1985–86 og 1990–94, tók við starfi
dósents í jarðeðlisfræði við Háskóla
Íslands 1995 en hefur verið prófessor
þar frá 2002. Hann hefur verið deildar­
forseti Jarðvísindadeildar frá 2008.
Magnús hefur fengist við rannsókn­
ir í jarðeðlisfræði, jöklafræði og eld­
fjallafræði. Meginviðfangsefni hans
undanfarin ár hafa verið eldvirkni
undir jöklum, eldgosavá og sprengi­
gos af ýmsu tagi. Nýjustu verkefnin
snúast um eldgosið í Eyjafjallajökli.
Hann hefur sinnt ráðgjöf fyrir yfirvöld
vegna eldgosa í jöklum og afleiðinga
þeirra og hefur skrifað fjölda greina
um niðurstöður rannsóknanna í ýmis
fræðitímarit. Þá skrifaði hann bókina
Fjallamennsku, útg. 1983, ásamt Ara
Trausta Guðmundssyni.
Magnús hefur verið formaður
Jöklarannsóknafélags Íslands frá 1998,
sat í stjórn Jarðfræðafélags Íslands
1994–98, sat í stjórn Íslenska alpa­
klúbbsins 1979–86 og var formaður
hans 1992–95, lék í Lúðrasveit verka­
lýðsins 1975–86 og sat í stjórn sveitar­
innar í nokkur ár.
Fjölskylda
Magnús kvæntist 28.6.1986 Önnu Lín­
dal, f. 17.11. 1957, myndlistarmanni.
Foreldrar hennar voru Elín Hólm­
freðsdóttir og Sigurður J. Líndal, bóndi
á Lækjarmóti í Víðidal.
Börn Magnúsar og Önnu Líndal
eru Rögnvaldur Líndal, f. 29.1. 1989,
eðlisfræðinemi; Katla Sigríður, f. 24.2.
1993, menntaskólanemi.
Systkini Magnúsar eru Már, f. 21.6.
1954, hagfræðingur og seðlabanka­
stjóri, kvæntur Elsu Þorkelsdóttur lög­
fræðingi; Svava Sigríður, f. 21.8. 1955,
d. 20.10. 1987, háskólanemi og hús­
móðir en hennar maður var Pétur
Tyrfingsson, tónlistarmaður og sál­
fræðingur; Snorri, f. 28.5. 1960, tölv­
unarfræðingur, kvæntur Ingibjörgu
Geirsdóttur fararstjóra; Elísabet Vala,
f. 4.12. 1963, námsráðgjafi, gift Sigurði
Baldvinssyni bókasafnsfræðingi.
Foreldrar Magnúsar: Guðmundur
Magnússon, f. 28.9. 1927, d. 14.4. 1987,
verkfræðingur, og Margrét Tómasdótt­
ir, f. 20.8. 1927, skrifstofumaður.
Ætt
Guðmundur var sonur Magnúsar, tré­
smiðs í Grindavík Guðmundssonar, á
Þórkötlustöðum Péturssonar. Móðir
Magnúsar var Sigríður Hermannsdótt­
ir, b. í Buðlungu Jónssonar, og Guð­
rúnar Sveinsdóttur, í Akurhúsum Jóns­
sonar, ættföður Járngerðisstaðaættar
Jónssonar.
Móðir Guðmundar verkfræðings
var Sigríður Daníelsdóttir, b. í Garðbæ
í Grindavík Daníelssonar.
Margrét er systir Hauks jarðfræð­
ings og dóttir Tómasar, sjómanns
og síðar verslunarmanns í Reykja­
vík Tómassonar, í Syðri­Vík í Mýrdal,
bróður Margrétar, langömmu prófess­
oranna Sigmundar og Þórðar Eydal
Magnússona. Móðir Tómasar á Saur­
um var Margrét, systir Sigríðar, lang­
ömmu Jóns Braga heitins Bjarnasonar
prófessors.
Móðir Margrétar Tómasdóttur var
Elísabet Elíasdóttir, b. á Berjadalsá
Jónssonar, og Rakelar Jakobsdóttur.
Móðir Rakelar var Elísabet Þorleifs­
dóttir, b. í Unaðsdal Benediktssonar, b.
á Blámýrum, bróður Markúsar, langafa
Ásgeirs Ásgeirssonar forseta. Benedikt
var sonur Þórðar, ættföður Vigurættar
Ólafssonar, ættföður Eyrarættar Jóns­
sonar. Móðir Elísabetar var Sigríður
Árnadóttir, umboðsmanns í Vatnsfirði
Jónssonar og Elísabetar Guðmunds­
dóttur, b. í Arnardal Bárðarsonar, ætt­
föður Arnardalsættar Illugasonar.
E inar fæddist á Akranesi en ólst upp á Kollslæk í Hálsasveit. Hann var í Barnaskóla á Klepp­
járnsreykjum, stundaði nám við Fjöl­
brautaskóla Suðurnesja og lauk síð­
an námi í vélvirkjun við Iðnskólann í
Hafnarfirði. Einar er auk þess með hið
meira bifreiðapróf, vinnuvélapróf og
próf frá námskeiðum um eiturefni og
notkun þeirra, flutning og losun.
Einar ólst upp við öll almenn
sveitastörf á Kollslæk. Hann hóf störf
hjá malbikunarstöðinni Hlaðbær Co­
las í Hafnarfirði árið 2000 og starfaði
þar við vélaflutninga, malbikun, við­
hald og viðgerðir á tækjum og vélum
og á malbikunarstöð til ársins 2008.
Hann starfaði síðan við malbikunar­
stöðina Malbikun KN á Akureyri á ár­
unum 2008–2010 en hefur síðan verið
verslunarmaður í Borgarnesi.
Einar æfði og keppti í frjálsum
íþróttum og sundi fyrir ungmenna­
félag Borgarfjarðar, UMSB. Hann
vann til fjölda verðlauna og varð m.a.
Íslandsmeistari í langhlaupi árið 1996.
Þá starfaði hannn með ungum fram­
sóknarmönnum í Kópavogi um skeið.
Fjölskylda
Sonur Einars er Patrek Hall Einars­
son, f. 11.6. 2007.
Systkini Einars eru Björn Ósk­
ar Einarsson, f. 31.5. 1973, rafvéla­
virki á Reyðarfirði; Valgerður Ósk
Einarsdóttir, f. 14.10. 1975, kennari
á Ólafsfirði; Steinunn Einarsdóttir, f.
13.9. 1979, íþróttafræðingur, búsett í
Garðabæ; Sigurður Örn Einarsson, f.
6.5. 1981, tvíburabróðir Einars Arn­
ar, starfsmaður við álverið í Grundar­
tanga, búsettur á Akranesi; Ásdís Ýr
Einarsdóttir, f. 27.11. 1988, búsett í
Danmörku.
Foreldrar Einars eru Einar Valgarð
Björnsson, f. 16.4. 1952, umsjónar­
maður í Svignaskarði, og Hafdís Þórð­
ardóttir, f. 9.2. 1953, þroskaþjálfi.
Magnús Tumi Guðmundsson
Jarðeðlisfræðingur og prófessor við Háskóla Íslands
Vilhjálmur Sigtryggsson
Fyrrv. framkvæmdastjóri Skógræktarfélags Reykjavíkur
50 ára á sunnudag
80 ára á föstudag
Einar Örn Einarsson
Vélvirki og verslunarmaður í Borgarnesi
30 ára á föstudag
Sigurður fæddist á Akranesi en ólst upp á Kollslæk í Hálsasveit við öll almenn sveitastörf. Hann
var í Kleppjárnsreykjaskóla, stund­
aði nám við Fjölbrautaskóla Suður­
nesja og síðan við Iðnskólann í Hafn­
arfirði. Sigurður er auk þess með hið
meira bifreiðapróf, vinnuvélapróf og
próf frá námskeiðum um eiturefni og
notkun þeirra, flutning og losun.
Sigurður var messagutti hjá
Landshelgisgæslunni 1997–98,
vann síðan hjá malbikunarstöðinni
Hlaðbæ Colas í Hafnarfirði á árunum
2000–2008 og starfaði þar við véla­
flutninga, malbikun, viðhald og við­
gerðir á tækjum og vélum og á mal­
bikunarstöð. Hann starfaði síðan við
efnisvinnslu hjá Tak Malbiki í Hval­
firði 2008–2009 en starfaði hjá HS
Verktaki frá vori 2010 en síðan hjá Al­
coa á Grundartanga.
Sigurður æfði og keppti í frjálsum
íþróttum og sundi fyrir ungmenna­
félag Borgarfjarðar, UMSB, varð Ís­
landsmeistari í hlaupum 1995 og
vann til fjölda annarra verðlauna í
hlaupum og frjálsum íþróttum. Þá
sinnti hann félagsstörfum á vegum
ungra framsóknarmanna í Kópavogi.
Fjölskylda
Unnusta Sigurðar er Vallý Rán
Georgsdóttir, f. 11.2. 1980, fyrrv.
starfsmaður hjá Íslandspósti.
Sonur Vallýjar Ránar er Georg
Bergmann, f. 14.4. 2003.
Sonur Sigurðar er Björn Daníel
Sigurðarson, f. 21.4. 2008.
Systkini Sigurðar eru Björn Ósk­
ar Einarsson, f. 31.5. 1973, rafvéla­
virki á Reyðarfirði; Valgerður Ósk
Einarsdóttir, f. 14.10. 1975, kennari
á Ólafsfirði; Steinunn Einarsdóttir, f.
13.9. 1979, íþróttafræðingur, búsett í
Garðabæ; Einar Örn Einarsson, f. 6.5.
1981, tvíburabróðir Sigurðar Arnar,
vélvirki og verslunarmaður, búsettur
í Borgarnesi; Ásdís Ýr Einarsdóttir, f.
27.11. 1988, búsett í Danmörku.
Foreldrar Sigurðar eru Einar Val­
garð Björnsson, f. 16.4. 1952, um­
sjónarmaður í Svignaskarði, og
Hafdís Þórðardóttir, f. 9.2. 1953,
þroskaþjálfi.
Sigurður Örn Einarsson
Starfsmaður Alcoa á Grundartanga
30 ára á föstudag
30 ára
„„ Maxie Schröder Mjóstræti 6, Reykjavík
„„ Jón Ægir Ingólfsson Víðigrund 26, Sauðárkróki
„„ Guðný Ebba Þórarinsdóttir Frostastöðum, Varmahlíð
„„ Guðjón Viðarsson Borgarlandi 14, Djúpavogi
„„ Jón Oddur Guðmundsson Krossalind 2, Kópavogi
„„ Kristófer Þórðarson Lómasölum 6, Kópavogi
„„ Stanislaw Marcin Konieczny Þórufelli 14, Reykjavík
„„ Shana Nita Watermeyer Víðimel 27, Reykjavík
„„ Ómar Hjalti Sölvason Hreiðarsstöðum, Dalvík
„„ Díana Sigurðardóttir Kársnesbraut 125, Kópavogi
„„ Ásgeir Óttar Ásgeirsson Vallarási 1, Reykjavík
„„ Rakel Dögg Norðfjörð Breiðvangi 9, Hafnarfirði
„„ Sigríður Hannesdóttir Ísalind 4, Kópavogi
„„ Friðrik Rúnar Garðarsson Heiðargerði 94, Reykjavík
„„ Freydís Vigfúsdóttir Kirkjubæjarbraut 12, Vestmannaeyjum

40 ára
„„ Arnas Kastanauskas Dalhúsum 57, Reykjavík
„„ Stanislaw Awgutowicz Hlynskógum 9, Akranesi
„„ Suad Begic Hjarðartúni 1, Ólafsvík
„„ Ingi Rafn Ólafsson Rauðalæk 31, Reykjavík
„„ Sesselja Österby Christensen Tryggvagötu 5, Selfossi
„„ Jóhann Steinar Steinarsson Stífluseli 12, Reykjavík
„„ Harpa Sævarsdóttir Flétturima 7, Reykjavík
„„ Unnar Steinn Jónsson Skerjavöllum 7, Kirkjubæjarklaustri
„„ Kristján Finnbogi Finnbogason Melhaga 17, Reykjavík
„„ Ágústa Jónsdóttir Leynisbraut 5, Grindavík
„„ Stefán Magnússon Reykjabyggð 31, Mosfellsbæ
„„ Bergljót Sif Stefánsdóttir Smáratúni 28, Reykjanesbæ
„„ Berglind Hofland Sigurðardóttir Heiðarbrún 82, Hveragerði

50 ára
„„ Ásdís Guðbrandsdóttir Aðalgötu 15, Reykjanesbæ
„„ Dean Richard Ferrell Öldugötu 50, Reykjavík
„„ Kristín Eyjólfsdóttir Arkarholti 10, Mosfellsbæ
„„ Bjarni Hermann Sverrisson Efstasundi 9, Reykjavík
„„ Brynjar Lúðvíksson Dvergholti 15, Hafnarfirði

60 ára
„„ Guðrún Sigríður Alfreðsdóttir Brautarholti 8, Selfossi
„„ Huldar Einar Vilhjálmsson Garðsenda 12, Reykjavík
„„ Jón Jóel Einarsson Krókabyggð 1, Mosfellsbæ
„„ Símon Friðrik Símonarson Strandgötu 17a, Patreksfirði
„„ Jóhann Ísak Pétursson Daltúni 14, Kópavogi
„„ Pálína Friðgeirsdóttir Álfhólsvegi 112, Kópavogi
„„ Hafdís Aðils Gunnarsdóttir Stórahjalla 15, Kópavogi
„„ Bergur Jón Þórðarson Grettisgötu 12, Reykjavík
„„ Sigurður Hilmarsson Fjarðarási 7, Reykjavík
„„ Valdís Valdimarsdóttir Prestastíg 8, Reykjavík

70 ára
„„ Geirþrúður Pálsdóttir Birkimörk 7, Hveragerði
„„ Thordis Osterhorn Digranesheiði 15, Kópavogi

75 ára
„„ Sigurbjörn Guðm. Guðmundsson Esjubraut 30, Akranesi
„„ Sigurður Magnússon Svínaskálahlíð 9, Eskifirði
„„ Jón Þorsteinsson Framnesvegi 15, Reykjanesbæ
„„ Hörður Jóhannsson Sjafnarvöllum 5, Reykjanesbæ
„„ Oddný Vilborg Gísladóttir Strandgötu 75, Eskifirði
„„ Ruben Johannessen Brunnum 21, Patreksfirði

80 ára
„„ Guðmundur Heiðmann Jósavinsson Árhvammi, Akureyri
„„ Aðalsteinn Kjartansson Árskógum 6, Reykjavík
„„ Gunnþóra Anna Jónsdóttir Hvassaleiti 12, Reykjavík
„„ Oddur Rúnar Hjartarson Birkigrund 38, Kópavogi

85 ára
„„ Ásta Erlendsdóttir Sunnugerði 7, Reyðarfirði
„„ Elís Kristjánsson Fitjasmára 10, Kópavogi
„„ Ingibjörg Kristmundsdóttir Ljósheimum 22, Reykjavík

90 ára
„„ Sigurður Halldórsson Dvalarheimilinu Höfða, Akranesi
„„ Ólafur Gunnarsson Sandholti 21, Ólafsvík